Watch: 2 બોલમાં SRH ને જોઇતા હતા 5 રન, આ કેચે પલટી દીધી મેચ, જુઓ અંતિમ ઓવરનો રોમાંચ

KKR vs SRH Last Over: IPL 2024 શનિવારે કલકત્તા નાઇટ રાઇડર્સ (KKR) ની ટીમે કમાલ કરતાં સનરાઇઝર્સ હૈદ્બાબાદ (SRH) ને અંતિમ બોલ સુધી ખેંચેલા એકદમ રોમાંચક મુકાબલામાં 4 રનથી હરાવી દીધી. કલકત્તાના ઇડન ગાર્ડન્સ મેદાનમાં રમાયેલી આ રોમાંચક મેચની અંતિમ ઓવરમાં કલકત્તા નાઇટ રાઇડર્સ (KKR) એ સનરાઇઝર્સ હૈદ્બાબાદ (SRH) ના મોંઢામાંથી જીતનો કોળિયો જીનવી લીધો. કલકત્તા નાઇટ રાઇડર્સ (KKR) ની ટીમ 208 રન બનાવવા છતાં આ મેચમાં હારની કગાર પર હતી, પરંતુ અંતિમ ઓવરમાં એક કેચે બાજી પલટી દીધી. 

અંતિમ ઓવરમાં પલટાઇ ગઇ મેચ
કોલકાતાના ઈડન ગાર્ડન્સ મેદાન પર શનિવારે રમાયેલી આઈપીએલ 2024 (IPL 2024) ની મેચમાં સનરાઈઝર્સ હૈદરાબાદ (SRH) ને છેલ્લા 2 બોલમાં જીતવા માટે 5 રનની જરૂર હતી, પરંતુ વિસ્ફોટક બેટ્સમેન હેનરિક ક્લાસેન આઉટ થતાં જ તેમની હાર નિશ્ચિત થઈ ગઈ હતી. સનરાઇઝર્સ હૈદરાબાદ (SRH)નો સ્કોર 19મી ઓવર પછી 5 વિકેટે 196 રન હતો અને જીતવા માટે છેલ્લા 6 બોલમાં 13 રનની જરૂર હતી, જે આરામથી બનાવી શકાય તેમ હતો. પરંતુ કોલકાતા નાઈટ રાઈડર્સ (KKR)ના બોલર હર્ષિત રાણાએ છેલ્લી ઓવરમાં શાનદાર બોલિંગ કરીને શાહબાઝ અહેમદ અને હેનરિક ક્લાસેન બંનેની વિકેટો લઈને માત્ર આઠ રન આપીને પોતાની ટીમને વિજેતા બનાવી દીધી હતી.

આ કેચે મેચ બદલી નાખી
સનરાઇઝર્સ હૈદરાબાદ (SRH) ને જીતવા માટે છેલ્લા 2 બોલમાં 5 રનની જરૂર હતી. છેલ્લી ઓવરના પાંચમા બોલ પર હેનરિચ ક્લાસેન આઉટ થયો, નહીંતર મેચનું પરિણામ અલગ જોવા મળ્યું હોત. હર્ષિત રાણાએ છેલ્લી ઓવરનો પાંચમો બોલ ધીમેથી ફેંક્યો હતો. બોલ હેનરિક ક્લાસેનના બેટ પર બરાબર વાગ્યો ન હતો. બોલ હેનરિક ક્લાસનના બેટની કિનારી લઈને શોર્ટ થર્ડ મેન તરફ ગયો, જ્યાં પાછળ દોડતા સુયશ શર્માએ યાદગાર કેચ પકડ્યો. સનરાઇઝર્સ હૈદરાબાદ (SRH) ની જીતની આશા હેનરિચ ક્લાસેન આઉટ થતાં જ ખતમ થઈ ગઈ. સનરાઇઝર્સ હૈદરાબાદ (SRH)ને છેલ્લા બોલ પર 5 રનની જરૂર હતી. કેપ્ટન પેટ કમિન્સ હર્ષિત રાણા દ્વારા ધીમો ફેંકવામાં આવેલ મેચનો છેલ્લો બોલ ચૂકી ગયો અને KKR મેચ જીતી ગયો.

WHAT A CATCH BY SUYASH SHARMA.

- A Catch to remember to Suyash forever! pic.twitter.com/sPVsUebs1J

— CricketMAN2 (@ImTanujSingh) March 23, 2024

KKR vs SRH ની અંતિમ ઓવર
પ્રથમ બોલ: હર્ષિત રાણના પ્રથમ બોલ પર હેનરિક ક્લાસેને સિક્સર ફટકારી  (202/5 - 19.1 ઓવર)
બીજો બોલ: હર્ષિત રાણના બીજા બોલ પર હેનરિક ક્લાસેને 1 રન લીધો (203/5 - 19.2 ઓવર)
ત્રીજો બોલ: હર્ષિત રાણાએ શાહબાજ અહમદને શ્રેયસ ઐય્યરના હથે કેચ આઉટ કરાવી દીધો. શાહબાજ અહમદ 16 રનના અંગત સ્કોર પર આઉટ થયો. (203/6 - 19.3 ઓવર)
ચોથો બોલ:  હર્ષિત રાણાના બોલ પર બેટ્સમેન માર્કો યાનસએને 1 રન લીધો. (204/6 - 19.4 ઓવર)
પાંચમો બોલ: હર્ષિત રાણાએ હેનરિક ક્લાસેનને સુયશ શર્માના હાથે કેચ આઉટ કરાવ્યો હતો. હેનરિક ક્લાસેન 29 બોલમાં 63 રન બનાવીને આઉટ થયો હતો. (204/7 - 19.5 )
છઠ્ઠો બોલ: હર્ષિત રાણાના બોલ પર SRH ના કેપ્ટન પેટ કમિંસ ચૂકી ગયા અને KKR એ 4 રનથી મેચ જીતી લીધી. (204/7 - 20 ઓવર)