World Cup 2019: ઓસ્ટ્રેલિયાને લાગ્યો ઝટકો, આ સ્ટાર ફાસ્ટ બોલર થયો બહાર

મેલબોર્નઃ આઈસીસી ક્રિકેટ વિશ્વ કપ નજીક આવી રહ્યો છે, તેમાં ભાગ લેનારા તમામ દેશોએ ટીમની જાહેરાત કરી દીધી છે. હવે આ ટીમોના ખેલાડીઓ ઈજાગ્રસ્ત થઈને બહાર જવાના સમાચાર પણ આવી રહ્યાં છે. ઈજાગ્રસ્ત થઈને બહાર થતાં ખેલાડીઓની યાદીમાં હવે ઓસ્ટ્રેલિયાના ફાસ્ટ બોલરનું નામ પણ જોડાઇ ગયું છે. ઓસ્ટ્રેલિયાનો ફાસ્ટ બોલર ઝાય રિચર્ડસન ઈજાને કારણે 30 મેથી શરૂ થઈ રહેલા વિશ્વ કપમાંથી બહાર થઈ ગયો છે. 

પાક સામેની સિરીઝમાં થયો હતો ઈજાગ્રસ્ત
રિચર્ડસનને માર્ચમાં શારજાહમાં પાકિસ્તાન વિરુદ્ધ રમાયેલી સિરીઝની બીજી વનડે મેચમાં ઈજા થઈ હતી. તે હજુ સુધી સ્વસ્થ થઈ શક્યો નથી. ક્રિકેટ ઓસ્ટ્રેલિયાએ બુધવારે જણાવ્યું કે, કેન રિચર્ડસનને ઝાય રિચર્ડસનના સ્થાને ટૂર્નામેન્ટ માટે ટીમમાં સામેલ કરવામાં આવ્યો છે. ઝાયે ભારત વિરુદ્ધ દમદાર પ્રદર્શન કરતા પાંચ મેચોની વનડે સિરીઝમાં 7 વિકેટ ઝડપી હતી. તે અત્યાર સુધી 12 વનડેમાં 26 વિકેટ ઝડપી ચુક્યો છે. તેની ગતિ અને સ્વિંગથી ઓસ્ટ્રેલિયાના કોચ જસ્ટિન લેંગર ખુબ પ્રભાવિત છે. 

JUST IN: A blow to Australia's World Cup campaign with Jhye Richardson ruled out due to injury https://t.co/NE3VVeisWZ

— cricket.com.au (@cricketcomau) May 8, 2019

ન થઈ શક્યો ફિટ
ઓસ્ટ્રેલિયા ટીમના ફિઝિયોથેરાપિસ્ટ ડેવિડ બીકલેએ કહ્યું, નેટમાં બોલિંગ અને નિરીક્ષણ કર્યા બાદ તે ખ્યાલ આવ્યો કે ઝાયેની સ્થિતિ એટલી ઝડપી સારી થઈ રહી નથી જેટલી ઝડપી થવી જોઈએ. તેથી પસંદગીકારો સાથે વાત કર્યા બાદ અમે તેને ટીમની બહાર કરવાનો નિર્ણય લીધો છે. બીકલેએ કહ્યું, ઝાય પોતાની ઈજામાંથી બહાર આવવાનો પ્રયત્ન ચાલું રાખશે અને આવનારા સપ્તાહમાં ફરી બોલિંગ શરૂ કરશે. આ સ્તર પર અમને આશા છે કે તે ઓસ્ટ્રેલિયા-એના ઈંગ્લેન્ડ પ્રવાસ પર હાજર થઈ શકે છે. 

1 જૂનથી થશે ઓસ્ટ્રેલિયાના વિશ્વકપની સફરની શરૂઆત
વિશ્વ કપમાં ઓસ્ટ્રેલિયા પોતાની પ્રથમ મેચ અફગાનિસ્તાન વિરુદ્ધ એક જૂનથી બ્રિસ્ટલમાં રમશે. ત્યારબાદ 6 જૂને વેસ્ટઈન્ડિઝ, 9 જૂને ભારત, 12 જૂને પાકિસ્તાન, 15 જૂને શ્રીલંકા, 20 જૂને બાંગ્લાદેશ, 25 જૂને ઈંગ્લેન્ડ, 29 જૂને ન્યૂઝીલેન્ડ અને 6 જુલાઈએ આફ્રિકા વિરુદ્ધ અંતિમ મેચ રમવાની છે.