14 માર્ચના સમાચાર

14 માર્ચના સમાચાર News

સૌથી મોટા સમાચાર, કોંગ્રેસના 2 ધારાસભ્યોએ રાજીનામુ આપ્યાની ચર્ચા
Rajyasabha election
સૌથી મોટા સમાચાર, કોંગ્રેસના 2 ધારાસભ્યોએ રાજીનામુ આપ્યાની ચર્ચા
કોંગ્રેસના બે ધારાસભ્યોનાં રાજીનામાં ચર્ચાએ જોર પકડાયું છે. જેમાં લીંબડીના ધારાસભ્ય સોમા પટેલ પછી બીજું નામ ધારીના ધારાસભ્ય જેવી કાકડિયાએ રાજીનામુ આપ્યા હોવાની ચર્ચા ચાલી રહી છે. ગાંધીનગર સ્થિત એમ.એલ.એ જીવી કાકડીયા ગેરહાજર છે. જીવી કાકડીયાના મિત્ર અશ્વિન કોરાટે ઝી 24 કલાક સાથે કરેલી વાતચીતમાં ગઈકાલે સાંજે પાંચ વાગ્યાથી ધારાસભ્યનો ફોન સ્વીચ ઓફ આવતો હોવાથી તેવો કોઈ પણ વાતથી અજાણ હોવાનો દાવો કર્યો હતો. તો ગાંધીનગર સ્થિત એમએલએ ક્વાર્ટર્સમાં સોમા પટેલના ઘરે તાળું છે. સોમા પટેલ રાજીનામું આપીને ગુપ્ત સ્થળે જતા રહ્યા હોવાની રાજકીય ચર્ચાએ જોર પકડાયું છે. કહેવાય છે કે, કોંગ્રેસના 7થી 8 ધારાસભ્ય સંપર્ક વિહોણા થયા છે. સૂત્રોના જણાવ્યા અનુસાર 8 ધારાસભ્યો કોંગ્રેસના નેતાઓના ફોન નથી ઉપાડી રહ્યા. બે ધારાસભ્યોએ રાજીનામું આપ્યાની ચર્ચા ચાલી છે.
Mar 15,2020, 11:10 AM IST
1992ના રમખાણ કેસમાં કોર્ટમાં હાજર ન રહેતા સુરતના કોર્પોરેટરની થઈ ધરપકડ
surat
1992ના રમખાણ કેસમાં કોર્ટમાં હાજર ન રહેતા સુરતના કોર્પોરેટરની થઈ ધરપકડ
સુરત (surat) માં કોંગ્રેસના કોર્પોરેટર ઈકબાલ બેલીમ જેલમાં ધકેલાયા છે. મનપાના કોંગ્રેસના દંડક ઇકબાલ બેલીમ (Iqbal Bailim) 1992ના રમખાણ કેસ (1992 riots) માં વારંવાર કોર્ટનું વોરન્ટ છતાં હાજર થતાં ન હતાં. આખરે કોર્ટે નોન બેલેબલ વોરન્ટ ઈશ્યુ કર્યું હતું. પોલીસે ઈકબાલ બેલીમની ધરપકડ કરતાં લાજપોર જેલમાં મોકલાયા છે. 
Mar 14,2020, 16:44 PM IST
ઓસ્ટ્રેલિયાથી આવેલા 4 તબીબ, ચીનથી આવેલ મહિલા અને અમેરિકાથી આવેલા વૃદ્ધમાં શંકાસ્પદ ક
corona virus
ઓસ્ટ્રેલિયાથી આવેલા 4 તબીબ, ચીનથી આવેલ મહિલા અને અમેરિકાથી આવેલા વૃદ્ધમાં શંકાસ્પદ ક
વડોદરા અને ડીસામાં કોરોના વાયરસના શંકાસ્પદ દર્દીઓ સામે આવ્યા છે. બનાસકાંઠા જિલ્લાના ડીસામાં ઈન્ટર્નશિપ કરવા આવેલા ઓસ્ટ્રેલિયન ચાર ડોકટરોને કોરોના વાયરસના શંકાસ્પદ લક્ષણ દેખાતા તેમને પાલનપુરની સિવિલ હોસ્પિટલમાં સારવાર માટે દાખલ કરાયા છે. જે ઓસ્ટ્રેલિયન ડોક્ટરોમાં કોરોનાના શંકાસ્પદ લક્ષણો જણાયા છે તે તમામ ધુળેટીના દિવસે ગેર રમવા પણ ગયા હતા. જેના કારણે મારવાડી ગેર નૃત્યમાં ગયેલા અન્ય લોકોમાં ફફડાટ વ્યાપ્યો છે.
Mar 14,2020, 15:28 PM IST
સ્ટેચ્યુ ઓફ યુનિટીની જંગલ સફારીમાં વધુ એક જિરાફનું મોત
giraffe
સ્ટેચ્યુ ઓફ યુનિટીની જંગલ સફારીમાં વધુ એક જિરાફનું મોત
સ્ટેચ્યુ ઓફ યુનિટી (statue of unity) પાસે બનાવેલ જંગલ સફારી પાર્કમાં વધુ એક જિરાફનું મોત નિપજ્યું છે. જિરાફ બીમાર હોવાથી તેનું મોત થયું હોવાના પ્રાથમિક અહેવાલ સામે આવ્યા છે. અગાઉ પણ વિદેશથી લાવવામાં આવેલ ઈમ્પાલા અને બે જિરાફના મોત થયા હતા. ત્યારે હવે જંગલ સફારી (jungle safari) માં કુલ ચારમાંથી હવે એક જ જિરાફ બચ્યું છે.
Mar 14,2020, 14:53 PM IST
શંકરસિંહ વાઘેલાએ ચોખ્ખા શબ્દોમાં કહી દીધું કે, અમારું સ્ટેન્ડ ભાજપ સામેનું રહેશે
Rajyasabha election
શંકરસિંહ વાઘેલાએ ચોખ્ખા શબ્દોમાં કહી દીધું કે, અમારું સ્ટેન્ડ ભાજપ સામેનું રહેશે
જ્યારે જ્યારે ગુજરાતમાં રાજ્યસભાની ચુંટણી (Rajyasabha election) આવે છે ત્યારે ત્યારે ગુજરાત કોંગ્રેસના ધારાસભ્યો તૂટે છે. ત્યારે ફરી એકવાર ગુજરાતમાં રાજ્યસભાની ચૂંટણી આવી છે. ત્યારે જોવું એ રહ્યુ્ કે, ફરી વાર આવી સ્થિતિ સર્જાઇ ત્યારે કોંગ્રેસ દ્વારા ફરીવાર રીસોર્ટ પોલીટીક્સ અપનાવાશે કે નહિ. ગુજરાત કોંગ્રેસે રાજ્યસભાની બે બેઠકો જીતવા કવાયત કરી શરૂ કરી દીધી છે. કોંગ્રેસ (Congress) ના ધારાસભ્યો તુટે તે પહેલાં પાળ બાંધવાનો નેતાઓનો પ્રયાસ શરૂ થઈ ગયો છે. ગુજરાત કોંગ્રેસ પ્રમુખ ધારાસભ્યો સાથે વન ટુ વન બેઠક કરશે. ભાજપાએ ત્રીજો ઉમેદવાર ઉભો રાખતાં કોંગ્રેસને પોતાના ધારાસભ્યો તૂટવાનો ડર છે, તેથી હાલ કોંગ્રેસ પોતાના ધારાસભ્યોને બચાવવા એડીચોટીનું જોર લગાવી રહી છે.
Mar 14,2020, 13:39 PM IST
પ્રવાસીઓએ કચ્છના રણ તરફથી મોઢું ફેરવી લીધું, કારણ છે ચોંકાવનારું
Kutch
પ્રવાસીઓએ કચ્છના રણ તરફથી મોઢું ફેરવી લીધું, કારણ છે ચોંકાવનારું
બારેમાસ પ્રવાસીઓથી ધમધમતા રહેતા કચ્છ (kutch) માંથી મોટા સમાચાર સામે આ્વયા છે. કચ્છમાં આવતા પ્રવાસીઓની સંખ્યા ઘટી ગઈ છે. રણમાં જતા પ્રવાસીઓની સંખ્યામાં ઘટાડો થયો છે. ગત વર્ષ કરતા આ વર્ષે 1.33 લાખ પ્રવાસીઓ ઘટ્યા છે. આ વર્ષે 2.18 લાખ લોકોએ કચ્છનું રણ (kutch rann) નિહાળ્યું હતું. ગત વર્ષે 3.40 લાખ લોકો રણમાં ગયા હતા. તો આ ઘટાડા પાછળ મંદીનો માહોલ જવાબદાર છે તેવુ કહેવાય છે. તો સાથે જ ગુજરાતમાં અન્ય એક ટુરિસ્ટ પ્લેસ મળી ગયું હોવાનું કારણ પણ ચર્ચાઈ રહ્યું છે.  
Mar 14,2020, 13:09 PM IST
સુરતમાં બે શિફ્ટમાં બની રહ્યાં છે લાખોની સંખ્યામાં માસ્ક, માર્કેટમાં ડિમાન્ડ વધી
corona virus
સુરતમાં બે શિફ્ટમાં બની રહ્યાં છે લાખોની સંખ્યામાં માસ્ક, માર્કેટમાં ડિમાન્ડ વધી
ચીન સહિત સમગ્ર દેશમાં કોરોના (Corona virus) કહેર વચ્ચે લોકોમાં ફફડાટ વ્યાપી ગયો છે. ત્યાં વાયરસથી બચવા લોકો સેનેટરાઈઝ તેમજ માસ્ક (corona mask) નો ઉપયોગ કરી રહ્યા છે. જેને લઈ માસ્કની ડિમાન્ડ સુરતમાં ખૂબ જ જોવા મળી રહી છે. પરતું જથ્થો હાલ ખૂટી પડતા વેપારીઓ દ્વારા અલગથી લાખોના લોટમાં માસ્કના ઓર્ડર આપવામાં આવી રહ્યા છે. જ્યાં સચિન GIDC વિસ્તારમાં સિલાઈ મશીનના વેપારી દ્વારા બે શિફ્ટ પ્રમાણે પ્રતિદિવસ ત્રીસ હજાર માસ્કનું પ્રોડક્શન કરવામાં આવી રહ્યું છે. હાલ ઓવરટાઈમ કરીને પણ માસ્ક બનાવવાની કામગીરી કરવામાં આવી રહી છે. 
Mar 14,2020, 12:14 PM IST
Corona effect: 31 માર્ચ સુધી CM રૂપાણી કોઈ જાહેર કાર્યક્રમમાં હાજરી નહિ આપે
corona virus
Corona effect: 31 માર્ચ સુધી CM રૂપાણી કોઈ જાહેર કાર્યક્રમમાં હાજરી નહિ આપે
કોરોના વાયરસ (Corona virus) થી ભારતમાં બે મોત થયા બાદ હવે ગુજરાત સરકાર પણ સતર્ક થઈ રહ્યું છે. જોકે, ગુજરાતમાં હજી સુધી કોરોના વાયરસનો એક પણ દર્દી નોંધાયો છે. તેમ છતાં ગુજરાતમાં કોરોના વાયરસને પ્રવેશતા અટકાવવા માટે શક્યત તમામ પ્રયાસો ગુજરાત સરકાર દ્વારા હાથ ધરવામાં આવ્યા છે. ત્યારે હાલ મોટા સમાચાર સામે આવ્યા છે કે, કોરોના વાયરસને લઇ સાવચેતીનાં ભાગરૂપે મુખ્યમંત્રી વિજય રૂપાણી (Vijay Rupani) એ પોતાના આગામી દિવસોનાં જાહેર કાર્યક્રમો કેન્સલ કર્યાં છે. 
Mar 14,2020, 11:50 AM IST
કોરોનાથી એલર્ટ રહેવા રાજ્ય સરકારનો આદેશ, 31 માર્ચ સુધી કોન્ફરન્સ-સેમિનાર-વર્કશોપ કેન
corona virus
કોરોનાથી એલર્ટ રહેવા રાજ્ય સરકારનો આદેશ, 31 માર્ચ સુધી કોન્ફરન્સ-સેમિનાર-વર્કશોપ કેન
કોરોના વાયરસ (Corona virus) થી દેશમાં બે મોત નોંધાઈ ચૂક્યા છે. લોકોને ભીડથી બચવા માટે કહેવામાં આવ્યું છે. જેને પગલે અનેક કાર્યક્રમો રદ કરવામાં આવ્યા છે. ત્યારે ગુજરાત સરકાર પણ સતર્કતા દાખવીને અનેક પગલા લઈ રહી છે. કોરોના વાયરસના પગલે રાજ્ય સરકારના આરોગ્ય વિભાગ સતર્કમાં આવી ગયું છે. આ મામલે દ્વારા લેવાયો મોટો અને મહત્વપૂર્ણ નિર્ણય લેવાયો છે. એક જગ્યાએ વધુ સમય માટે લોકો એકઠા ન થાય એટલા માટે કોન્ફરન્સ, વર્કશોપ અને સેમિનાર ન યોજવાનો આદેશ કરાયો છે. 31 માર્ચ સુધી રાજ્ય સરકારના તમામ વિભાગો દ્વારા કોન્ફરન્સ સેમિનાર કે વર્કશોપ ન યોજવા આરોગ્ય વિભાગના અગ્ર સચિવ ડો. જયંતિ રવિએ આદેશ કર્યો છે. 
Mar 14,2020, 11:30 AM IST
રિલીઝના એક દિવસમાં જ Angrezi Mediumને લાગ્યો 440 વોલ્ટનો મોટો ઝટકો
angrezi medium
રિલીઝના એક દિવસમાં જ Angrezi Mediumને લાગ્યો 440 વોલ્ટનો મોટો ઝટકો
બોલિવુડના દમદાર એક્ટર ઈરફાન ખાન (Irrfan Khan) લાંબા સમય બાદ ફિલ્મ ‘અંગ્રેજી મીડિયમ’ (Angrezi Medium) માં નજર આવ્યા છે. 13 માર્ચના રોજ સિનેમાઘરોમાં રિલીઝ થયેલી આ ફિલ્મમાં ઈરફાનની સાથે કરીના કપૂર ખાન નજર આવી રહી છે. પરંતુ રિલીઝના પહેલા દિવસ જ આ ફિલ્મને મોટો ઝટકો લાગ્યો છે. મીડિયા રિપોર્ટની માનીએ તો, આ ફિલ્મની એચડી પ્રિન્ટ લિક થઈ ગઈ છે. જેની ઈફેક્ટ ફિલ્મની કમાણી પર પડવાની છે. એક તરફ કોરોના વાયરસ (Corona virus) ને કારણે આમ પણ લોકો સિનેમાઘરોમાં જવાથી ડરી રહ્યાં છે. ઉપરથી ફિલ્મ લીક થવી, આ બંને બાબતોથી ફિલ્મના મેકર્સને મોટું નુકસાન સહેવુ પડી શકે છે. રિપોર્ટસ અનુસાર, અંગ્રેજી મીડિયમને તમિલ રોકર્સ (Tamilrockers) દ્વારા લિક કરવામાં આવી છે. 
Mar 14,2020, 10:31 AM IST
Breaking : કેન્દ્ર સરકારે પેટ્રોલ-ડીઝલ પર એક્સાઈઝ ડ્યુટી વધારી, હવે ભાવ વધારા માટે ત
petrol
Breaking : કેન્દ્ર સરકારે પેટ્રોલ-ડીઝલ પર એક્સાઈઝ ડ્યુટી વધારી, હવે ભાવ વધારા માટે ત
શનિવારે પેટ્રોલ અને ડીઝલની એક્સાઈઝ ડ્યુટીમાં 3 રૂપિયાનો વધારો થઈ ગયો છે. પેટ્રોલ (petrol price) અને ડીઝલની કિંમતો (diseal price) માં એક્સાઈઝ ડ્યુટી, વેટ અને ડીઝલ કમિશન મૂળ હોય છે. કેન્દ્ર સરકારના આ નિર્ણય બાદ પેટ્રોલ અને ડીઝલના ભાવમાં 3 રૂપિયાનો વધારો થશે. IOCની વેબસાઈટ અનુસાર, દિલ્હીમાં પેટ્રોલના ભાવ 69.87 રૂપિયા પ્રતિ લીટર છે. એક્સાઈઝ ડ્યુટી (excise duty) અને સેસ વધ્યા બાદ પેટ્રોલની કિંમતોમાં 3 રૂપિયા સુધીનો વધારો થઈ જશે. સરકાર તરફથી જાહેર નોટિફિકેશન અનુસાર, આંતરરાષ્ટ્રીય સ્તર પર કાચું તેલ સસ્તુ હોવાને કારણે આ નિર્ણય લેવામાં આવ્યો છે. 
Mar 14,2020, 10:09 AM IST
ઉનાળામાં રાજકોટવાસીઓની પાણીની સમસ્યા દૂર કરવા રૂપાણી સરકારે લીધો મોટો નિર્ણય
Rajkot
ઉનાળામાં રાજકોટવાસીઓની પાણીની સમસ્યા દૂર કરવા રૂપાણી સરકારે લીધો મોટો નિર્ણય
રાજકોટવાસીઓની ઉનાળામાં પાણીની સમસ્યા (water crises) હલ કરવા રાજ્ય સરકારે મોટો નિર્ણય લીધો છે. ઉનાળામાં રાજકોટ (rajkot) માં ઠેરઠેર પાણીની સમસ્યાઓ નહિ સર્જાય તે માટે મુખ્યમંત્રી વિજય રૂપાણી (Vijay Rupani) એ જાહેરાત કરી છે કે, સૌની યોજના અંતર્ગત આજી-1 ડેમ (aji dam)માં પીવાનું પાણી ભરવામાં આવશે. આમ, રાજકોટવાસીઓનો ઉનાળો કોરો નહિ રહે. 
Mar 14,2020, 9:24 AM IST
કોરોનાને અટકાવવા હાઈકોર્ટનો મોટો નિર્ણય, સુઓમોટો દાખલ કરી
corona virus
કોરોનાને અટકાવવા હાઈકોર્ટનો મોટો નિર્ણય, સુઓમોટો દાખલ કરી
કોરોના વાયરસ (Corona virus) ને લઈ ગુજરાત હાઇકોર્ટ  ગંભીરતાથી નોંધ લઈ સુઓમોટો દાખલ કરી છે. હાઇકોર્ટે બાર કાઉન્સિલ ઓફ ગુજરાત અને રાજ્ય સરકારે નોટિસ ઈશ્યુ કરી છે. રાજ્યભરમાં જાગૃતિ માટે કામગીરી અને પ્રિવેન્ટીવ મેજર્સ લેવા માટે સરકારને હાઈકોર્ટે નિર્દેશો આપ્યા છે. કેન્દ્ર અને રાજ્ય સરકાર સાવધાની માટે પગલાં લઈ રહી છે. પરંતુ વાયરસ વધુ ન ફેલાય તે માટે રાજ્યની ન્યાયપાલિકા માટે પણ તેમજ પ્રજા માટે પણ નિર્દેશ જારી કરવાની જરૂરિયાત હોવાનું કોર્ટે નોંધ્યું છે.
Mar 14,2020, 8:30 AM IST

Trending news