ભારતમાં દમદાર ફીચર્સ સાથે લોન્ચ થયો Motorola G42, જાણો શું છે કિંમત

નવી દિલ્હીઃ Moto G42 ને આજે ભારતમાં લોન્ચ કરી દેવામાં આવ્યો છે. નવો સ્માર્ટફોન બજેટ સેગમેન્ટમાં મોટોરોલાના લેટેસ્ટ મોડલ તરીકે આવે છે. આ Moto G44 નો સક્સેસર પણ છે, જેને પાછલા વર્ષે યુરોપ, લેટિન અમેરિકા અને મધ્ય પૂર્વ સહિત બજારોમાં લોન્ચ કરવામાં આવ્યો હતો, પરંતુ તેને ભારતમાં બનાવવામાં આવ્યો નહોતો. Moto G42 20:9 AMOLED ડિસ્પ્લે અને ત્રિપલ રિયર કેમેરાની સાથે આવે છે. સ્માર્ટફોન ઓક્ટા-કોર ક્વાલકોમ સ્નેપડ્રેગન 680 SoC દ્વારા સંચાલિત છે અને તેમાં 20W ફાસ્ટ ચાર્જિંગ સામેલ છે. Moto G42 નો મુકાબલો Redmi Note 11, Realme 9i અને Poco M4 Pro સાથે છે. 

Moto G42 ની ભારતમાં કિંમત અને લોન્ચ ઓફર્સ
જો તમે કિંમત વિશે જાણવા ઈચ્છો છો તો Moto G42 ના 4GB RAM + 64GB સ્ટોરેજ વેરિએન્ટ માટે 13999 રૂપિયા ચુકવવા પડશે. આ સ્માર્ટફોન એટલાન્ટિક ગ્રીન અને મેટેલિક રોઝ કલરમાં આવે છે અને 11 જુલાઈથી ફ્લિપકાર્ટની સાથે અન્ય રિટેલ સ્ટોર્સ પર વેચાણ માટે ઉપલબ્ધ થશે. 

મોટો જી42 સ્પેસિફિકેશન્સ
તેમાં ડ્યુઅલ સિમ આપવામાં આવ્યું છે, મોટો જી42 એન્ડ્રોઇડ 13 પર ચાલે છે અને તેમાં 6.4 ઇંચની ફુલ-એચડી+  (1,080x2,400 પિક્સલ) એમોલેડ ડિસ્પ્લે 20:9 આસ્પેક્ટ રેશિયો અને 60 હર્ટ્ઝ રિફ્રેશ રેટ સાથે આવે છે. ફોન સ્નેપડ્રેગન 680 SoC દ્વારા સંચાલિત છે, સાથે એડ્રેનો 610 GPU અને 4GB LPDDR4x રેમ છે. આ ત્રિપલ રિયર કેમેરા સેટઅપ સાથે આવે છે, જેમાં f/1.8 લેન્સની સાથે 50 મેગાપિક્સલનું પ્રાઇમરી સેન્સર, 8 મેગાપિક્સલનું અલ્ટ્રા-વાઇડ અને ડેપ્થ શૂટરની સાથે-સાથે 2 મેગાપિક્સલનું મેક્રો શૂટર પણ છે. 

આ પણ વાંચોઃ WhatsApp માં તમે ઓનલાઇન હશો તો પણ કોઈને ખબર પડશે નહીં, આવશે નવું દમદાર ફીચર્સ

સેલ્ફી અને વીડિયો ચેટ માટે  Moto G42 ફ્રંટમાં 16 મેગાપિક્સલનો સેલ્ફી કેમેરા સેન્સર સાથે આવે છે, જેમાં f / 2.2 લેન્સ છે. 

Moto G42 માં 64GB નું ઓનબોર્ડ uMCP સ્ટોરેજ છે, જે એક સમર્પિત સ્લોટના માધ્યમથી માઇક્રોએસડી કાર્ડ (1 ટીબી સુધી) વધારી શકાય છે. 

Moto G42 પર કનેક્ટિવિટી વિકલ્પોમાં  4G LTE, વાઈ-ફાઈ 802.11ac, બ્લૂટૂથ v5.0, FM રેડિયો, GPS/ A-GPS, NFC, USB ટાઈપ-સી અને એક  3.5mm હેડફોન જેક સામેલ છે. બોર્ડ પર સેન્સરમાં એક્સેલેરોમીટર, એબિયન્ટ લાઇટ, જાયરોસ્કોપ, મેગ્નેટોમીટર અને એક પ્રોક્સિમિટી સેન્સર સામેલ છે. ફોન એક સાઇડ-માઉન્ટેડ ફિંગરપ્રિન્ટ સેન્સરની સાથે પણ આવે છે. 

Moto G42 માં ડ્યુઅલ સ્ટીરિયો સ્પીકર છે અને તેમાં Dolby Atmos માટે સપોર્ટ સામેલ છે. ફોન IP52-રેટેડ વોટર રેપ્લેન્ટ બિલ્ડમાં આવે છે.