સૌરાષ્ટ્ર યુનિવર્સિટીનાં સમાજશાસ્ત્ર ભવનનાં પ્રોફેસર હરીશ ઝાલા નામનાં વ્યક્તિની કથિત ઓડિયો ક્લિપ વાઇરલ થઇ હતી. જેમાં તે વિદ્યાર્થીની પાસે અયોગ્ય માંગણી કરી રહ્યા હતા. જો કે આ મામલે પ્રોફેસરને વુમન હેરેસમેન્ટ સેલ દ્વારા ક્લિનચીટ આપવામાં આવી છે. યુનિવર્સિટીનાં કુલપતિને વિદ્યાર્થીની અને પ્રોફેસરની ઓડિયો ક્લિપ બોગસ હોવાની અરજી આપવામાં આવી હતી. જો કે વિદ્યાર્થીની દ્વારા કોઇ લેખિત કે મૌખીક ફરિયાદ ન મળી હોવાનાં કારણે આ સમિતી દ્વારા ક્લિનચીટ આપવામાં આવી છે. જેથી સૌરાષ્ટ્ર યુનિવર્સિટી આ મામલાને ભીનુ સંકેલવાના પ્રયાસો કરી રહી હોય તેવું લાગી રહ્યું છે.