સુરત એરપોર્ટ પાસે દારૂની મહેફિલ પર પોલીસે દરોડા પાડ્યા હતા. જ્યાં 52 નબીરાઓ દારૂની મહેફિલ માણતા ઝડપાયા છે. લીપ યર હોવાને કારણે દારૂની મહેફિલથી ઉજવણી કરવામાં આવી હતી. ત્યારે આશીર્વાદ ફાર્મમાં ચાલતી મહેફિલમાં પોલીસે ભંગ પાડ્યો હતો. પકડાયેલા તમામ લોકોને ડુમસ પોલીસ મથકે લઈ જવાયા હતા. આ દારૂની પાર્ટીમાંથી 39 યુવકો અને 13 યુવતીઓ પકડાયા છે. આ તમામને મેડિકલ પરીક્ષણ માટે સિવિલ હોસ્પિટલમાં લઈ જવાયા હતા.