સીરિયા સંકટઃ શું બળવાખોરોના હુમલામાં પુતિનના મિત્રનું થયું મોત? રાષ્ટ્રપતિ બસર અલ અસદને લઈને મોટો દાવો

Syrian President Bashar al-Assad dead: સીરિયાના રાષ્ટ્રપતિ બશર અલ-અસદનું વિમાન દુર્ઘટનામાં મોતની આશંકા વ્યક્ત કરવામાં આવી રહી છે. રોઇટર્સના અહેવાલ મુજબ, તેમના વિમાને રડારથી ગાયબ થતા પહેલા અસામાન્ય માર્ગ અપનાવ્યો હતો. ત્યારથી તેમના પ્લેનનું કોઈ લોકેશન ઉપલબ્ધ નહોતું. 'ફ્લાઇટરાડર'ના ડેટા અનુસાર, એવું કહેવામાં આવી રહ્યું છે કે સીરિયન એરલાઇન્સનું એક વિમાન દમાસ્કસ એરપોર્ટથી લગભગ તે જ સમયે રવાના થયું હતું જ્યારે વિદ્રોહીઓએ સીરિયાની રાજધાની દમાસ્કસ પર કબજો કર્યો હતો અને પોતાનો ધ્વજ  લહેરાવ્યો હતો.

newsukraine.rbc.ua ના રિપોર્ટ્સ અનુસાર વિમાન શરૂમાં અસદના ગઢ સીરિયાના સમુદ્રી વિસ્તાર તરફ જઈ રહ્યું હતું. રડાર પરથી ગાયબ થઈ જાય તે પહેલા તે અચાનક વળ્યું અને ઘણી મિનિટો સુધી વિરુદ્ધ દિશામાં ઉડતું રહ્યું. જ્યારે આ પહેલા એવું કહેવામાં આવી રહ્યું હતું કે વિદ્રોહી સંગઠન હયાત તહરિર અલ-શામ (HTS) દ્વારા સીરિયાની રાજધાની દમાસ્કસ પર કબજો કર્યા પછી, રાષ્ટ્રપતિ બશર અલ-અસદ સુરક્ષિત રીતે દેશ છોડીને ભાગી ગયા હતા. અસદ દમાસ્કસ છોડ્યા પછી, એવી અપેક્ષા હતી કે તે તેના સાથી રશિયા અથવા ઈરાનમાં આશ્રય લેશે. પરંતુ, અસદની ફ્લાઈટ પછી તેનો કોઈ પત્તો મળ્યો નથી. રાષ્ટ્રપતિનું વિમાન પણ હજુ રડારથી બહાર છે.

પુતિનને ઝટકો
અસદની ગણના પુતિનના વિશ્વાસપાત્ર લોકોમાં થતી હતી. પુતિન અનેક વખત સીરિયા જઈને અસદનો જુસ્સો વધારી ચૂક્યા છે. અસદ માટે મોસ્કોના દરવાજા હંમેશા ખુલ્લા રહેતા હતા. ચાર દિવસ વહેલા જ્યારે વિદ્રોહીઓએ સીરિયા પર હુમલો કર્યો તો રશિયન સેનાએ અસદના સમર્થનમાં વિદ્રોહીઓને નુકસાન પહોંચાડ્યું હતું. તેના હુમલામાં એચટીએસ ચીફના મોતના સમાચાર આવ્યા હતા.

આ પણ વાંચોઃ જ્યારે એક બેંક કર્મચારીની ભૂલથી ટ્રાન્સફર થઈ ગયા ₹20000000000 કરોડ, જાણો શું થયું

વિદ્રોહીઓએ વિમાનનું કર્યું અપહરણ?
કેટલાક મીડિયા રિપોર્ટમાં દાવો કરવામાં આવી રહ્યો છે કે સીરિયન વિદ્રોહી લડવૈયાઓએ દમાસ્કસ ઈન્ટરનેશનલ એરપોર્ટ પરથી વિમાન હાઈજેક કર્યું હતું. દાવો કરવામાં આવી રહ્યો છે કે રાષ્ટ્રપતિ બશર અલ-અસદ પણ આ જ વિમાનમાં સવાર હતા. જોકે, ઝી 24 કલાક એ વાતની પુષ્ટિ કરતું નથી કે અસદ માર્યો ગયો હતો કે તેનું પ્લેન હાઇજેક થયું હતું.

ગયા શુક્રવાર સુધીમાં સીરિયાનો મોટો હિસ્સો વિદ્રોહીઓએ કબજે કરી લીધો હતો. એટલે કે આ સમયે સીરિયામાં ફરી એકવાર ગૃહયુદ્ધની સ્થિતિ સર્જાઈ હતી. અહેવાલો અનુસાર, આ વખતે બળવાખોરો કોઈપણ ભોગે અસદના શાસનને ઉથલાવી દેવાના નિર્ધાર સાથે આગળ વધી રહ્યા હતા. અલેપ્પોનો બે તૃતીયાંશ હિસ્સો HTSના નિયંત્રણમાં આવી ગયો છે.