7th pay commission one more good news for central government employees check here details 7th Pay Commission: ಸರ್ಕಾರಿ ನೌಕರರಿಗೆ ಭಾರಿ ಸಂತಸ ನೀಡುವ ಮತ್ತೊಂದು ಹೊಸ ಅಪ್ಡೇಟ್ ಪ್ರಕಟ!

7th Pay Commission: ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರಿಗೆ ತುಟ್ಟಿ ಭತ್ಯೆ ಹೆಚ್ಚಳಕ್ಕೆ ಹಣಕಾಸು ಸಚಿವಾಲಯ ಅಧಿಸೂಚನೆ ಹೊರಡಿಸಿದೆ. ಜನವರಿಯಿಂದ ಜಾರಿಗೆ ಬರಲಿರುವ ತುಟ್ಟಿ ಭತ್ಯೆಯಲ್ಲಿ ಶೇಕಡಾ 4 ರಷ್ಟು ಹೆಚ್ಚಳಕ್ಕೆ ಸರ್ಕಾರ ಅನುಮೋದನೆ ನೀಡಿದೆ. ಇದರೊಂದಿಗೆ, ಪಿಂಚಣಿದಾರರು ಮತ್ತು ನೌಕರರು ಇದೀಗ ಶೇ. 42 ರಷ್ಟು ತುಟ್ಟಿಭತ್ಯೆ ಮತ್ತು ತುಟ್ಟಿಭತ್ಯೆ ಪರಿಹಾರವನ್ನು ಪಡೆಯಲಿದ್ದಾರೆ, ಈ ಮೊದಲು ಇದು ಶೇ. 38 ರಷ್ಟಿತ್ತು. ಮುಂದಿನ ದಿನಗಳಲ್ಲಿ ಕೇಂದ್ರ ನೌಕರರಿಗೆ ಮತ್ತೊಂದು ದೊಡ್ಡ ಉಡುಗೊರೆ ಸಿಗುವ ಸಾಧ್ಯತೆ ಇದ್ದು, ಅದು ಅವರ ಫಿಟ್‌ಮೆಂಟ್ ಫ್ಯಾಕ್ಟರ್ ಹೆಚ್ಚಳವಾಗಿದೆ. ಮುಂದಿನ ವರ್ಷದಿಂದ ಅದನ್ನು ಹೆಚ್ಚಿಸಲು ಸರ್ಕಾರದಿಂದ ನಿರ್ಧಾರ ತೆಗೆದುಕೊಳ್ಳಬಹುದು.

ಪರಿಶೀಲಿಸಲು ನಿರ್ಧರಿಸಿದ ಸರ್ಕಾರ
2024ರಲ್ಲಿ ನಡೆಯಲಿರುವ ಚುನಾವಣೆ ಸಮೀಪಿಸುತ್ತಿರುವಾಗಲೇ ಈ ಬಗ್ಗೆ ಸಾಕಷ್ಟು ಹಲ್ಚಲ್ ಶುರುವಾಗಿದೆ. ಸರ್ಕಾರಿ ನೌಕರರ ಫಿಟ್‌ಮೆಂಟ್ ಅಂಶದ ಇತ್ತೀಚಿನ ಅಪ್ಡೇಟ್ ಎಂದರೆ ಸರ್ಕಾರ ಇದೀಗ ಅದನ್ನು ಪರಿಶೀಲಿಸಲು ನಿರ್ಧರಿಸಿದೆ. ಪರಿಶೀಲನೆಯ ನಂತರ, ಮುಂದಿನ ವರ್ಷದ ವೇಳೆಗೆ ಉದ್ಯೋಗಿಗಳಿಗೆ ಈ ಬಗ್ಗೆ ಒಳ್ಳೆಯ ಸುದ್ದಿ ಸಿಗುವ ಸಾಧ್ಯತೆಯಿದೆ. ಈ ಬದಲಾವಣೆಯಿಂದ ಉದ್ಯೋಗಿಗಳ ಮೂಲ ವೇತನದಲ್ಲಿ ಭಾರಿ ಏರಿಕೆಯಾಗಲಿದೆ. 2023 ರಲ್ಲಿ ಫಿಟ್‌ಮೆಂಟ್ ಅಂಶಕ್ಕೆ ಸಂಬಂಧಿಸಿದಂತೆ ಯಾವುದೇ ಬದಲಾವಣೆ ಇರುವುದಿಲ್ಲ ಎಂದು ಮೂಲಗಳು ಹೇಳಿವೆ.

2024 ರಲ್ಲಿ ಪರಿಶೀಲನೆಯ ಆಧಾರದ ಮೇಲೆ ಹೆಚ್ಚಾಗಲಿದೆ
ಸರ್ಕಾರ 2024 ರಲ್ಲಿ ಅದನ್ನು ಪರಿಶೀಲನೆಯ ಆಧಾರದ ಮೇಲೆ ಹೆಚ್ಚಿಸುವ ನಿರೀಕ್ಷೆಯನ್ನು ಹೊಂದಲಾಗಿದೆ. ಈ ಬಗ್ಗೆ ಸರ್ಕಾರದಿಂದ ಯಾವುದೇ ಅಧಿಕೃತ ಮಾಹಿತಿ ಬಂದಿಲ್ಲ. ಇದನ್ನು ವೆಚ್ಚದ ಇಲಾಖೆ ಪರಿಗಣಿಸುತ್ತದೆ. ಪರಿಶೀಲನೆಯ ಆಧಾರದ ಮೇಲೆ ನೀಡಲಾದ ಶಿಫಾರಸುಗಳನ್ನು ಹಣಕಾಸು ಸಚಿವಾಲಯಕ್ಕೆ ಕಳುಹಿಸಬಹುದು. ಮುಂದಿನ ವರ್ಷ ಹೊಸ ವೇತನ ಆಯೋಗದ ರಚನೆಯ ಸಮಯದಲ್ಲಿ ಫಿಟ್‌ಮೆಂಟ್ ಅಂಶದ ನಿರ್ಧಾರವನ್ನು ತೆಗೆದುಕೊಳ್ಳಬಹುದು. ನೌಕರರ ಬೇಡಿಕೆಗೆ ಅನುಗುಣವಾಗಿ ವೇತನ ಹೆಚ್ಚಿಸುವ ಬಗ್ಗೆ ಸರ್ಕಾರ ನಿರ್ಧಾರ ಕೈಗೊಳ್ಳಲು ಮುಂದಾಗಿದೆ.

ಇದನ್ನೂ ಓದಿ-TA-DA Arrears: ಸರ್ಕಾರಿ ನೌಕರರಿಗೆ ಬಂಬಾಟ್ ಲಾಟರಿ, ವೇತನದಲ್ಲಿ ಭಾರಿ ವೃದ್ಧಿ, ಜನವರಿ-ಮಾರ್ಚ್ ಬಾಕಿಯಿಂದ ಬಂಪರ್ ಲಾಭ!

ಫಿಟ್ಮೆಂಟ್ ಅಂಶದಲ್ಲಿ ಸಂಭವನೀಯ ಹೆಚ್ಚಳ
ಕೇಂದ್ರ ನೌಕರರ ಮೂಲ ವೇತನವು ಫಿಟ್‌ಮೆಂಟ್ ಅಂಶದ ಆಧಾರದ ಮೇಲೆ ಹೆಚ್ಚಾಗುತ್ತದೆ. 7 ನೇ ವೇತನ ಆಯೋಗದ ಶಿಫಾರಸಿನ ಪ್ರಕಾರ, ವೇತನ ಭತ್ಯೆಗಳನ್ನು ಹೊರತುಪಡಿಸಿ, ಕೇಂದ್ರ ನೌಕರರ ವೇತನವು ಮೂಲ ವೇತನದಲ್ಲಿನ ಫಿಟ್‌ಮೆಂಟ್ ಅಂಶದಿಂದ ಮಾತ್ರ ಹೆಚ್ಚಾಗುತ್ತದೆ. ಈ ಹಿಂದೆ ಫಿಟ್‌ಮೆಂಟ್ ಅಂಶ ಹೆಚ್ಚಳದಿಂದ ಕೇಂದ್ರ ನೌಕರರ ವೇತನ ಎರಡೂವರೆ ಪಟ್ಟು ಹೆಚ್ಚಳವಾಗಿತ್ತು. ಇದೀಗ ಮತ್ತೆ ಫಿಟ್‌ಮೆಂಟ್ ಅಂಶ ಹೆಚ್ಚಿಸುವಂತೆ ನೌಕರರು ಆಗ್ರಹಿಸಿದ್ದಾರೆ. ಮೂಲ ವೇತನ ಹಾಗೂ ಒಟ್ಟು ವೇತನ ಹೆಚ್ಚಿಸುವುದು ಕಾಲದ ಅಗತ್ಯತೆ ಎಂದು ನೌಕರರು ವಾದಿಸುತ್ತಿದ್ದಾರೆ.

ಇದನ್ನೂ ಓದಿ-Big Update: ಮೋದಿ ಸರ್ಕಾರದ ಮಹತ್ವದ ಹೆಜ್ಜೆ, ತೈಲ ಬೆಲೆಯ ಮೇಲೆ ಶೂನ್ಯ ತೆರಿಗೆ, ಇಲ್ಲಿದೆ ಹೊಸ ದರ!

ಮೂಲ ವೇತನ ಎಷ್ಟು ಹೆಚ್ಚಾಗಲಿದೆ?
ಪ್ರಸ್ತುತ, ಏಳನೇ ವೇತನ ಆಯೋಗದ ಪ್ರಕಾರ, ನೌಕರರ ಫಿಟ್‌ಮೆಂಟ್ ಅಂಶವು 2.57 ರಷ್ಟಿದೆ. ಇದರಲ್ಲಿ ಬದಲಾವಣೆಯಾದರೆ ಸಂಪೂರ್ಣ ಸಂಬಳದಲ್ಲಿ ಬದಲಾವಣೆಯಾಗುತ್ತದೆ. 3.68ಕ್ಕೆ ಹೆಚ್ಚಿಸಬೇಕೆಂಬ ಬೇಡಿಕೆ ಬಹಳ ದಿನಗಳಿಂದ ಇದೆ. ಪ್ರಸ್ತುತ, ಫಿಟ್‌ಮೆಂಟ್ ಅಂಶದ ಆಧಾರದ ಮೇಲೆ 2.57 ಪಟ್ಟು ಮತ್ತು 18000 ರೂ ಮೂಲ ವೇತನ, ಇತರ ಭತ್ಯೆಗಳನ್ನು ಹೊರತುಪಡಿಸಿ, 18,000 X 2.57 = 46260 ರೂ.ಇದೆ. ಆದರೆ ಅದನ್ನು 3.68ಕ್ಕೆ ಹೆಚ್ಚಿಸಿದರೆ, ಇತರ ಭತ್ಯೆಗಳನ್ನು ಹೊರತುಪಡಿಸಿ, ನೌಕರರ ವೇತನವು 26000 X 3.68 = 95680 ರೂ. ಆಗಲಿದೆ.

ಇದನ್ನೂ ನೋಡಿ-

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.