ಸರ್ಕಾರಿ ನೌಕರರಿಗೆ ಸಿಹಿ ಸುದ್ದಿ ! ಹಬ್ಬದ ಹೊಸ್ತಿಲಲ್ಲಿ ಸರ್ಕಾರದ ದೊಡ್ಡ ನಿರ್ಧಾರ

ಬೆಂಗಳೂರು : ಹಬ್ಬದ ಸೀಸನ್ ಆರಂಭವಾಗಿದೆ. ಮುಂದಿನ ದಿನಗಳಲ್ಲಿ ವಿನಾಯಕ ಚತುರ್ಥಿ, ನವರಾತ್ರಿ, ದೀಪಾವಳಿ ಹೀಗೆ ಹಲವು ಹಬ್ಬಗಳು ಬರಲಿವೆ. ಈ ಹಬ್ಬವನ್ನು ಪರಿಗಣಿಸಿ ಕೇಂದ್ರ ಸರ್ಕಾರ ತನ್ನ ಲಕ್ಷಾಂತರ ಉದ್ಯೋಗಿಗಳಿಗೆ ಮತ್ತು ಪಿಂಚಣಿದಾರರಿಗೆ ಉಡುಗೊರೆಗಳನ್ನು ನೀಡಲಿದೆ. ಸೆಪ್ಟೆಂಬರ್ ಕೊನೆಯ ವಾರದಲ್ಲಿ ಸಂಸತ್ತಿನ ವಿಶೇಷ ಅಧಿವೇಶನದ ನಂತರ, ಮೋದಿ ಸರ್ಕಾರವು ಕೇಂದ್ರ ನೌಕರರು ಮತ್ತು ಪಿಂಚಣಿದಾರರ ತುಟ್ಟಿಭತ್ಯೆಯಲ್ಲಿನ ಹೆಚ್ಚಳವನ್ನು ಘೋಷಿಸಲಿದೆ. ಸೆಪ್ಟೆಂಬರ್ ಕೊನೆಯ ವಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸಂಪುಟವು ಕೇಂದ್ರ ನೌಕರರು ಮತ್ತು ಪಿಂಚಣಿದಾರರ ತುಟ್ಟಿಭತ್ಯೆ ಹೆಚ್ಚಿಸುವ ಬಗ್ಗೆ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ. 

3 ಅಥವಾ 4 ಪ್ರತಿಶತ  ಹೆಚ್ಚಳ : 
ಜುಲೈನಿಂದ ತುಟ್ಟಿಭತ್ಯೆ ಹೆಚ್ಚಳಕ್ಕಾಗಿ ಕೇಂದ್ರ ನೌಕರರು ಮತ್ತು ಪಿಂಚಣಿದಾರರು ಕಾಯುತ್ತಿದ್ದಾರೆ. ಕೇಂದ್ರ ಸರಕಾರವು ಶೇ.3ರಷ್ಟು  ಡಿಎಯನ್ನು ಹೆಚ್ಚಿಸಬಹುದು ಎನ್ನಲಾಗಿದೆ. ಇನ್ನೊಂದೆಡೆ  ತುಟ್ಟಿಭತ್ಯೆಯನ್ನು ಶೇ.4ರಷ್ಟು ಹೆಚ್ಚಿಸಿ ಒಟ್ಟು  ಡಿಎಯನ್ನು ಶೇ.46ಕ್ಕೆ  ತಲುಪಿಸಬಹುದು ಎನ್ನಲಾಗುತ್ತಿದೆ. ಅಕ್ಟೋಬರ್ ತಿಂಗಳ ವೇತನವನ್ನು ಭತ್ಯೆಯ ಪ್ರಕಾರ ಹೆಚ್ಚಳದೊಂದಿಗೆ ನೀಡಲಾಗುತ್ತದೆ. ಜುಲೈನಿಂದ ಸೆಪ್ಟೆಂಬರ್ ವರೆಗಿನ ಬಾಕಿಯನ್ನು ಅಕ್ಟೋಬರ್ ತಿಂಗಳ ಸಂಬಳದೊಂದಿಗೆ ಪಡೆಯಬಹುದು. ವರದಿಗಳ ಪ್ರಕಾರ, ಕೇಂದ್ರ ಸರ್ಕಾರದ ಈ ನಿರ್ಧಾರದಿಂದ 47 ಲಕ್ಷ ಉದ್ಯೋಗಿಗಳು ಮತ್ತು 68 ಲಕ್ಷ ಪಿಂಚಣಿದಾರರು ಪ್ರಯೋಜನ ಪಡೆಯಲಿದ್ದಾರೆ.

ಇದನ್ನೂ ಓದಿ : EPFO good News :ಪಿಎಫ್ ಖಾತೆಗೆ ಬಡ್ಡಿವರ್ಗಾವಣೆ ! ನಿಮ್ಮ ಖಾತೆಯನ್ನು ತಕ್ಷಣ ಪರಿಶೀಲಿಸಿ

ನವರಾತ್ರಿಗೂ ಮುನ್ನ ಉಡುಗೊರೆ! :
ನವರಾತ್ರಿಯ ಹಬ್ಬವು ಅಕ್ಟೋಬರ್ 15 ರಂದು ಪ್ರಾರಂಭವಾಗಿ, ಅಕ್ಟೋಬರ್ 24 ರಂದು ಕೊನೆಗೊಳ್ಳುತ್ತದೆ. ಕೇಂದ್ರ ಸರ್ಕಾರ ಈ ತಿಂಗಳಿನಲ್ಲಿ ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರ ತುಟ್ಟಿಭತ್ಯೆಯನ್ನು ಹೆಚ್ಚಿಸುವ ಬಗ್ಗೆ ಸಂಪೂರ್ಣ ವಿಶ್ವಾಸವಿದೆ. ಪ್ರತಿ ವರ್ಷ ಸರ್ಕಾರವು ಎರಡು ಬಾರಿ  ತುಟ್ಟಿಭತ್ಯೆಯನ್ನು ಹೆಚ್ಚಿಸುತ್ತದೆ. ಈ ಹೆಚ್ಚಳ ಜನವರಿ ಮತ್ತು ಜುಲೈ ತಿಂಗಳಿನಿಂದ ಜಾರಿಗೆ ಬರಲಿದೆ. 

ತುಟ್ಟಿಭತ್ಯೆಯಲ್ಲಿ ಬದಲಾವಣೆಗಳನ್ನು ಚಿಲ್ಲರೆ ಹಣದುಬ್ಬರದ ದತ್ತಾಂಶದ ಆಧಾರದ ಮೇಲೆ ಮಾಡಲಾಗುತ್ತದೆ. ಜನವರಿ 2023 ರಿಂದ ಜುಲೈ 2023 ರವರೆಗಿನ AICPI ಡೇಟಾವನ್ನು ಆಧರಿಸಿ, ತುಟ್ಟಿಭತ್ಯೆ  4 ಪ್ರತಿಶತ ಹೆಚ್ಚಾಗಬಹುದು ಎಂದು ನಿರೀಕ್ಷಿಸಲಾಗಿದೆ.  

ಇದನ್ನೂ ಓದಿ : ನಿಮ್ಮ ಬಳಿಯೂ ಇದೆಯಾ ಇಂಥ ವಿಶೇಷ ನಾಣ್ಯಗಳು ! ಮಾರಾಟ ಮಾಡಿದರೆ ಸಿಗುವುದು ಲಕ್ಷ ಲಕ್ಷ ಹಣ

ಜುಲೈ ಎಐಬಿಸಿಐ ಸೂಚ್ಯಂಕದಲ್ಲಿ ಸುಧಾರಣೆ : 
ಜುಲೈ 2023 ರ AICPI ಸೂಚ್ಯಂಕ ಸಂಖ್ಯೆಗಳನ್ನು ಆಗಸ್ಟ್ 31ಕ್ಕೆ  ಬಿಡುಗಡೆ ಮಾಡಲಾಗಿದೆ. ಇದರಲ್ಲಿ ಉತ್ತಮ ಸುಧಾರಣೆಯನ್ನು ಮಾಡಲಾಗಿದೆ. ಜುಲೈ, 2023 ರ ಅಖಿಲ ಭಾರತ AICPI CPI-IW 3.3 ಪಾಯಿಂಟ್‌ಗಳಿಂದ 139.7 ಕ್ಕೆ ಏರಿಕೆಯಾಗಿದೆ. ಏತನ್ಮಧ್ಯೆ, ಜೂನ್ ಸೂಚ್ಯಂಕ 136.4 ಪಾಯಿಂಟ್‌ಗಳಲ್ಲಿ ಮತ್ತು ಮೇ ಸೂಚ್ಯಂಕ 134.7 ಪಾಯಿಂಟ್‌ಗಳಲ್ಲಿ ನಿಂತಿದೆ.

ಒಟ್ಟು ದರ ಮೇ ಅಂಕಿಅಂಶಗಳ ಪ್ರಕಾರ ಶೇಕಡಾ 45.58 ರಷ್ಟಿದೆ. ಇದು ಜೂನ್ 2023 ರಲ್ಲಿ ಶೇಕಡಾ 46.24 ಕ್ಕೆ ಏರಿತ್ತು. ಈ ಪ್ರಕಾರ ಕೇಂದ್ರ ಉದ್ಯೋಗಿಗಳಿಗೆ ಶೇಕಡಾ 46 ರಷ್ಟು  ತುಟ್ಟಿಭತ್ಯೆ ಪಡೆಯಲಿದ್ದಾರೆ ಎನ್ನುವುದನ್ನು ತೋರಿಸುತ್ತದೆ. 

ಇದನ್ನೂ ಓದಿ : ಭಾರತದ ಅತ್ಯಂತ ಶ್ರೀಮಂತ ರೈತ ಯಾರು ಗೊತ್ತಾ..? ಇವರೇ ನೋಡಿ..

ಪ್ರಸ್ತುತ, 2023 ರ ಅಖಿಲ ಭಾರತ ಎಐಸಿಪಿಐ ಸಿಪಿಐ-ಐಡಬ್ಲ್ಯೂ 3.3 ಪಾಯಿಂಟ್‌ಗಳಿಂದ 139.7 ಕ್ಕೆ ತಲುಪಿದೆ. ಜನವರಿಯಿಂದ ಕೇಂದ್ರ ಸರ್ಕಾರಿ ನೌಕರರಿಗೆ ಶೇಕಡಾ 50 ಡಿಎ ಜಾರಿಗೆ ಬರಲಿದೆ ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ.