ನವದೆಹಲಿ: ದೇಶಾದ್ಯಂತದ ಜನರು ಬಜೆಟ್ 2024ರ ನಿರೀಕ್ಷೆಯಲ್ಲಿದ್ದಾರೆ. ಫೆಬ್ರವರಿ 1 ರಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಬಜೆಟ್ ಮಂಡಿಸಲಿದ್ದಾರೆ. ವಿವಿಧ ವಲಯಗಳು ಮತ್ತು ತೆರಿಗೆದಾರರು ಕೇಂದ್ರ ಬಜೆಟ್‌ನಿಂದ ಹೆಚ್ಚಿನ ನಿರೀಕ್ಷೆಗಳನ್ನು ಹೊಂದಿದ್ದಾರೆ. ಆದರೆ, ಈ ನಿರೀಕ್ಷೆಗಳು ಎಷ್ಟರ ಮಟ್ಟಿಗೆ ಈಡೇರುತ್ತವೆ ಎಂಬುದು ಬಜೆಟ್ ಮಂಡನೆ ಬಳಿಕವಷ್ಟೇ ಗೊತ್ತಾಗಲಿದೆ. ಮೂಲಗಳಿಂದ ಪಡೆದ ಮಾಹಿತಿಯ ಪ್ರಕಾರ, ಉದ್ಯೋಗಿಗಳಿಗೆ ಒಳ್ಳೆಯ ಸುದ್ದಿ ಬರಲಿದೆ. ಮನೆ ಬಾಡಿಗೆ ಭತ್ಯೆಗೆ ಸಂಬಂಧಿಸಿದಂತೆ ಬಜೆಟ್‌ನಲ್ಲಿ ಬದಲಾವಣೆಗಳನ್ನು ನೋಡಬಹುದು ಎನ್ನಲಾಗಿದೆ. (Business News In Kannada / Budget 2024 News In Kannada)
ಉದ್ಯೋಗಿಗಳಿಗೆ ಏನಾಗಲಿದೆ?
ಹಣಕಾಸು ಸಚಿವಾಲಯದ ಮೂಲಗಳು ನೀಡಿರುವ ಮಾಹಿತಿಯನ್ನು ನಂಬುವುದಾದರೆ, ವಿವಿಧ ನಗರಗಳಲ್ಲಿ ಕೆಲಸ ಮಾಡುವ ನೌಕರರಿಗೆ ದೊಡ್ಡ ಪರಿಹಾರವನ್ನು ಒದಗಿಸಲು ಸರ್ಕಾರ ಸಿದ್ಧತೆ ನಡೆಸುತ್ತಿದೆ ಎನ್ನಲಾಗಿದೆ. ವಿಶೇಷವಾಗಿ ಬೆಂಗಳೂರು ಮತ್ತು ಪುಣೆಯಂತಹ ನಗರಗಳಲ್ಲಿ ವಾಸಿಸುವವರಿಗೆ ಒಳ್ಳೆಯ ಸುದ್ದಿ ಸಿಗಲಿದೆ. ಬಜೆಟ್ 2024 ರಲ್ಲಿ, ಹಣಕಾಸು ಸಚಿವರು ಹೆಚ್ಆರ್ಎ ಅಡಿಯಲ್ಲಿ ಲಭ್ಯವಿರುವ ತೆರಿಗೆ ವಿನಾಯಿತಿಯಲ್ಲಿ ಬದಲಾವಣೆಗಳನ್ನು ಮಾಡಬಹುದು. ಪ್ರಸ್ತುತ, ಮೆಟ್ರೋ ಅಲ್ಲದ ನಗರಗಳಲ್ಲಿ ಕೆಲಸ ಮಾಡುವವರಿಗೆ ಲಭ್ಯವಿರುವ ತೆರಿಗೆ ವಿನಾಯಿತಿಯ ವ್ಯಾಪ್ತಿಯನ್ನು ಸರ್ಕಾರ ಹೆಚ್ಚಿಸಬಹುದು. ಮೆಟ್ರೋ ನಗರಗಳ ಹೊರತಾಗಿ, ಇತರ ನಗರಗಳಲ್ಲಿ ವಾಸಿಸುವ ನಿವಾಸಿಗಳಿಗೂ ಪ್ರಕಟಣೆಯಾಗುವ ಸಾಧತೆ ಇದೆ.
ಹೆಚ್ಆರ್ಎನಲ್ಲಿ ತೆರಿಗೆ ವಿನಾಯಿತಿಯ ವ್ಯಾಪ್ತಿಯನ್ನು ಹೆಚ್ಚಿಸಲು ಸಿದ್ಧತೆ
ಪ್ರಸ್ತುತ ವ್ಯವಸ್ಥೆಯಲ್ಲಿ, ಮನೆ ಬಾಡಿಗೆ ಭತ್ಯೆಯ ಬಗ್ಗೆ ಮೆಟ್ರೋ ಮತ್ತು ನಾನ್-ಮೆಟ್ರೋ ನಗರಗಳಿಗೆ ನಿಯಮಗಳನ್ನು ಮಾಡಲಾಗಿದೆ. 4 ಮೆಟ್ರೋ ನಗರಗಳಲ್ಲಿ, ಬೇಸಿಕ್-ಡಿಎ ಅನ್ನು ಸಂಯೋಜಿಸುವ ಮೂಲಕ ಹೆಚ್ಆರ್ಎ ಅಡಿಯಲ್ಲಿ 50% ವರೆಗೆ ತೆರಿಗೆ ವಿನಾಯಿತಿ ಲಭ್ಯವಿದೆ. ಇದೇ ವೇಳೆ, ಇತರ ನಗರಗಳಲ್ಲಿ ಬೇಸಿಕ್-ಡಿಎ ಸೇರಿದಂತೆ ಹೆಚ್ಆರ್ಎ ನಲ್ಲಿ 40% ರಿಯಾಯಿತಿಯನ್ನು ಒದಗಿಸಲಾಗಿದೆ. ಇದೀಗ ಬಜೆಟ್‌ನಲ್ಲಿ, ಮೆಟ್ರೋ ಅಲ್ಲದ ನಗರಗಳಲ್ಲಿ ವಾಸಿಸುವ ಜನರಿಗೆ ಹೆಚ್ಆರ್ಎ ವಿನಾಯಿತಿ ಮಿತಿಯನ್ನು 50 ಪ್ರತಿಶತದಷ್ಟು ಹೆಚ್ಚಿಸಬಹುದು. ಇದಲ್ಲದೆ, ವೇತನದಾರರಲ್ಲದ ವ್ಯಕ್ತಿಗಳಿಗೆ ಪ್ರತಿ ವರ್ಷ ಎಚ್‌ಆರ್‌ಎಯಲ್ಲಿ ಲಭ್ಯವಿರುವ ರೂ 60 ಸಾವಿರ ವಿನಾಯಿತಿಯನ್ನು ಸಹ ಸರ್ಕಾರ ಹೆಚ್ಚಿಸಬಹುದು.
ಇದನ್ನೂ ಓದಿ-Union Budget 2024: ಅಸಂಘಟಿತ ವಲಯದ ಕಾರ್ಮಿಕರಿಗೊಂದು ಗುಡ್ ನ್ಯೂಸ್!
ವೇತನ ಪಡೆಯದ ಜನರಿಗೂ ಸಿಗಲಿದೆ ಉಡುಗೊರೆ!
ವೇತನ ಪಡೆಯದ ವ್ಯಕ್ತಿಗಳಿಗೆ ಹೆಚ್ಆರ್ಎ ಮೇಲಿನ ತೆರಿಗೆ ವಿನಾಯಿತಿಯ ಮಿತಿ 60 ಸಾವಿರ ರೂ.ಗಲಾಗಿದೆ ಇದನ್ನು ಬಜೆಟ್‌ನಲ್ಲಿ ಸಕ್ರಾರ ಹೆಚ್ಚಿಸುವ ನಿರೀಕ್ಷೆ ಇದೇ. ಪ್ರಸ್ತುತ, ಸೆಕ್ಷನ್ 80GG ಅಡಿಯಲ್ಲಿ, ವೇತನ ಪಡೆಯದ ವ್ಯಕ್ತಿಗಳು ಮನೆ ಬಾಡಿಗೆ ಭತ್ಯೆ ಅಂದರೆ ಹೆಚ್ಆರ್ಎ ಮೇಲೆ ತೆರಿಗೆ ವಿನಾಯಿತಿಯನ್ನು ಪಡೆಯುತ್ತಾರೆ. ಮಾಸಿಕ ಮಿತಿ 5000 ರೂ ಮತ್ತು ಆರ್ಥಿಕ ವರ್ಷದಲ್ಲಿ ಗರಿಷ್ಠ 60 ಸಾವಿರ ರೂ.ಗಳಾಗಿದೆ ಈ ಮಿತಿಯನ್ನು ಹೆಚ್ಚಿಸಲು ಸರ್ಕಾರ ಪರಿಗಣಿಸಬಹುದು.
ಇದನ್ನೂ ಓದಿ-Good News: ನಿಮ್ಮ ಬಳಿಯೂ ಎಲ್ಐಸಿ ಪಾಲಸಿ ಅಥವಾ ಷೇರುಗಳಿವೆಯಾ? ಶೀಘ್ರದಲ್ಲೇ ಸಿಗಲಿದೆ ಭಾರಿ ಧನಲಾಭ!
ಹೆಚ್ಆರ್ಎನಲ್ಲಿ ಆದಾಯ ತೆರಿಗೆ ವಿನಾಯಿತಿ ಪಡೆಯುವುದು ಹೇಗೆ?
ಹೆಚ್ಆರ್ಎ ಮೇಲೆ ಆದಾಯ ತೆರಿಗೆಯನ್ನು ಕ್ಲೈಮ್ ಮಾಡುವ ಷರತ್ತು ಎಂದರೆ ತೆರಿಗೆದಾರನು ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿರಬೇಕು. ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 10 (13A) ಅಡಿಯಲ್ಲಿ ಹೆಚ್ಆರ್ಎ (ಮನೆ ಬಾಡಿಗೆ ಭತ್ಯೆ) ಯಿಂದ ತೆರಿಗೆ ವಿನಾಯಿತಿಯನ್ನು ಪಡೆಯಬಹುದು. ಒಟ್ಟು ತೆರಿಗೆಗೆ ಒಳಪಡುವ ಆದಾಯವನ್ನು ಒಟ್ಟು ಆದಾಯದಿಂದ ಹೆಚ್ಆರ್ಎ ಕಡಿತಗೊಳಿಸುವ ಮೂಲಕ ಲೆಕ್ಕಹಾಕಲಾಗುತ್ತದೆ.
ಇದನ್ನೂ ನೋಡಿ-
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://t.co/lCSPNypK2U
Instagram Link - https://bit.ly/3LyfY2l
Sharechat Link - https://bit.ly/3LCjokI
