IAS vs IPS : ಆರ್‌ಟಿಐ ಕಾರ್ಯಕರ್ತನಿಗೆ ಡಿ.ರೂಪಾ ಅವಾಜ್ : ಆಡಿಯೋ ವೈರಲ್

ಮೈಸೂರು : ಐಎಎಸ್ ರೋಹಿಣಿ ಮತ್ತು ಐಪಿಎಸ್ ಡಿ. ರೂಪಾ ಕಿತ್ತಾಟ ವಿಚಾರಕ್ಕೆ ಸಂಬಂಧಿಸಿದಂತೆ ದಿನೆ ದಿನೆ ಹೊಸ ಹೊಸ ತಿರುವು ಪಡೆದುಕೊಳ್ಳುತ್ತಿದೆ. ಈಗ ಆರ್‌ಟಿಐ ಕಾರ್ಯಕರ್ತನೊಬ್ಬನಿಗೆ ಡಿ.ರೂಪಾ ಅವಾಜ್ ಹಾಕಿದ ಆಡಿಯೋವಂದು ವೈರಲ್ ಆಗಿದೆ. 

ಆರ್‌ಟಿಐ ಕಾರ್ಯಕರ್ತ ಎನ್. ಗಂಗರಾಜು ಎಂಬುವವರ ಜೊತೆ ಐಪಿಎಸ್ ಅಧಿಕಾರಿ ರೂಪಾ ಮಾತನಾಡಿರುವ ಆಡಿಯೋ ಇದಾಗಿದೆ. ಆಡಿಯೋದಲ್ಲಿ ರೋಹಿಣಿ ಸಿಂಧೂರಿಗೆ ಅವಾಚ್ಯ ಶಬ್ದ ಬಳಕೆ ಮಾಡಿದ್ದಾರೆ.

ಇದನ್ನೂ ಓದಿ : ಸಿದ್ದು ಹುಲಿ, ಡಿಕೆಶಿ ಸಿಂಹ, ಕಾಂಗ್ರೆಸ್ ಎಲ್ಲರಿಗೂ ತಂದೆ-ತಾಯಿ : ನಟ ಸಾಧುಕೋಕಿಲ

ರೋಹಿಣಿ ಸಿಂಧೂರಿ ಮೈಸೂರು ಜಿಲ್ಲಾಧಿಕಾರಿಯಾಗಿದ್ದಾಗ ಗಂಗರಾಜು ಶಾಸಕ ಸಾ.ರಾ.ಮಹೇಶ್ ಸೇರಿದಂತೆ ಭೂ ಅಕ್ರಮಗಳ ಬಗ್ಗೆ ದೂರು ನೀಡಿದ್ದರು. ದೂರು ಆಧರಿಸಿ ರೋಹಿಣಿ ತನಿಖೆಗೆ ಆದೇಶಿಸಿದ್ದರು. ಗಂಗರಾಜು ಮಾಹಿತಿ ಪಡೆಯಲು ಸರ್ವೇ ಆಯುಕ್ತ ಮುನೇಶ್ ಮೌದ್ಗಿಲ್ ಭೇಟಿಯಾಗಿದ್ದ, ಈ ವೇಳೆ ರೂಪಾ ಕಾಲ್ ಮಾಡಿ ಅವಾಜ್ ಹಾಕಿದ್ದಾರೆ. 

ಆಡಿಯೋದಲ್ಲಿ ರೂಪಾ, ಗಂಗರಾಜುಗೆ ಕರೆ ಮಾಡಿ, ಮನೆ ಹಾಳು ಮಾಡುವ ರೋಹಿಣಿಗೆ ಯಾಕೆ ಸಪೋರ್ಟ್ ಮಾಡ್ತಿಯಾ? ನೀನು ದುಡ್ಡು ಮಾಡಿಕೊಳ್ಳುತ್ತಿದ್ದೀಯ ಎಂದು ಅವಾಜ್ ಹಾಕಿದ್ದಾರೆ. 

ಈ ಸಂಬಂಧ ಗಂಗರಾಜು ಇಂದು ಸುದ್ದಿಗೋಷ್ಠಿ ನಡೆಸಿ, ಆಡಿಯೋ, ದಾಖಲೆ ಬಿಡುಗಡೆ ಸಾಧ್ಯತೆ ಇದೆ.

ಇದನ್ನೂ ಓದಿ : ಎಸ್ಎಸ್ಎಲ್ಸಿ, ಪಿಯುಸಿ ಮುಖ್ಯ ಪರೀಕ್ಷೆ ಕುರಿತು ಸಭೆ: ಈ ಬಾರಿ ಎಕ್ಸಾಂ ಬರೆಯಲಿರುವ ಮಕ್ಕಳ ಅಂಕಿಅಂಶ ಹೀಗಿದೆ