ಸತ್ತ ನಂತರವೂ ʼಆತ್ಮʼ 13 ದಿನ ತನ್ನ ಮನೆಯಲ್ಲಿರುತ್ತದೆ..! ಗರುಡ ಪುರಾಣದ ನಿಗೂಢತೆ

Soul Myths : ಸಾವು ಬಯಸದಿದ್ದರೂ ಬರುವ ಅತಿಥಿ. ಅದನ್ನು ಎಷ್ಟು ನಿರಾಕರಿಸಿದರೂ ಒಂದಲ್ಲ ಒಂದು ದಿನ ನಾವು ಮಣ್ಣಾಗಲೇಬೇಕು. ಇದು ಬದಲಾಗುವುದಿಲ್ಲ, ಬದಲಾಯಿಸಲಾಗದು. ಈ ಭೂಮಿಯಲ್ಲಿ ಹುಟ್ಟಿದ ಪ್ರತಿಯೊಂದು ವಸ್ತುವಿಗೂ ಅಂತ್ಯ ಇದ್ದೇ ಇರುತ್ತದೆ. ಆದರೆ ಆತ್ಮಕ್ಕೆ ಸಾವಿಲ್ಲ. ಆತ್ಮ ದೇಹವನ್ನು ಬಿಟ್ಟು ಹೋಗಬಹುದುದೇ ವಿನಃ ಸಾಯುವುದಿಲ್ಲ.

ಹೌದು.. ಆತ್ಮದ ವಿಚಾರ ಬಂದಾಗ ಹಲವಾರು ನಿಗೂಢತೆಗಳು ಒಂದೊಂದಾಗಿ ಹೊರಬರುತ್ತವೆ. ಸಾವಿನ ನಂತರ ವ್ಯಕ್ತಿಯ ಆತ್ಮವು ತಾನು ವಾಸಿಸಿದ್ದ ಮನೆಯಲ್ಲಿಯೇ 13 ದಿನಗಳವರೆಗೆ ಇರುತ್ತದೆ ಎಂದು ಹಿರಿಯರು ಅನೇಕ ಬಾರಿ ಹೇಳುವುದನ್ನು ಕೇಳಿದ್ದೇವೆ. ಆದರೆ ಇದು ಏಕೆ ಎಂದು ಯಾರಾದರೂ ಯೋಚಿಸಿದ್ದೀರಾ? ಇಲ್ಲದಿದ್ದಲ್ಲಿ ಇಂದು ನಾವು ಇದಕ್ಕೆ ಸಂಬಂಧಿಸಿದ ಮಾಹಿತಿಯನ್ನು ನಿಮಗೆ ತಿಳಿಸುತ್ತೇವೆ. ಅದರೊಂದಿಗೆ ಸತ್ತವರ ಹೆಸರಿನಲ್ಲಿ ಪಿಂಡದಾನವನ್ನು ಏಕೆ ಮಾಡಲಾಗುತ್ತದೆ ಎಂಬುದನ್ನೂ ಸಹ ಹೇಳುತ್ತೇವೆ.

ಇದನ್ನೂ ಓದಿ: ಮದುವೆಯಲ್ಲಿ ವಧುವಿಗೆ ಮೆಹಂದಿ ಹಚ್ಚುವುದೇಕೆ ಗೊತ್ತಾ? ಇದರ ಹಿಂದಿದೆ ವೈಜ್ಞಾನಿಕ ಕಾರಣ

ಈ ಕುರಿತು ಗರುಡ ಪುರಾಣದಲ್ಲಿ ವಿವರವಾಗಿ ವಿವರಿಸಲಾಗಿದೆ. ಒಬ್ಬ ವ್ಯಕ್ತಿ ಸತ್ತಾಗ ಯಮರಾಜ ಪಾಶ ಹಾಕಿ ಆತನ ಆತ್ಮವನ್ನು ತನ್ನೊಂದಿಗೆ ಯಮಲೋಕಕ್ಕೆ ಕರೆದುಕೊಂಡು ಹೋಗುತ್ತಾನೆ ಎಂದು ಗರುಡ ಪುರಾಣ ಹೇಳುತ್ತದೆ. ಇಲ್ಲಿ ಅವನ ಒಳ್ಳೆಯ ಮತ್ತು ಕೆಟ್ಟ ಕಾರ್ಯಗಳ ಖಾತೆಯನ್ನು ತೆಗೆದು ನೋಡಲಾಗಿ ಉತ್ತಮ ವ್ಯಕ್ತಿಗೆ ಸ್ವರ್ಗ ಕೆಟ್ಟದ್ದನ್ನು ಮಾಡಿದ ವ್ಯಕ್ತಿಗೆ ನರಕಪ್ರಾಪ್ತಿಯಾಗುತ್ತದೆ ಎಂಬ ವಿಚಾರ ಎಲ್ಲರಿಗೂ ಗೊತ್ತು.

ಅದರಂತೆ ಸಾವಿನ ನಂತರ ಆತ್ಮವನ್ನು ಯಮದೂತರು ಬಿಡುಗಡೆಗೊಳಿಸುತ್ತಾರೆ. ಆಗ ಅದು ತನ್ನ ಸಂಬಂಧಿಕರ ನಡುವೆ ಅಲೆದಾಡುತ್ತದೆ. ಅಲ್ಲದೆ, ಅವರನ್ನು ಕೂಗಿ ಕೂಗಿ ಕರೆಯುತ್ತದೆ. ಆದ್ರೆ ಆತ್ಮದ ಕೂಗು ಯಾರಿಗೂ ಕೇಳಿಸದು. ಇದನ್ನು ಅರಿತ ಮೃತ ವ್ಯಕ್ತಿಯ ಆತ್ಮ ಚಡಪಡಿಸಿ ಜೋರಾಗಿ ಅಳಲು ಆರಂಭಿಸುತ್ತದೆ. ನಂತರ ತನ್ನ ದೇಹವನ್ನು ಪ್ರವೇಶಿಸಲು ಪ್ರಯತ್ನಿಸುತ್ತದೆ ಆದರೆ ಯಮದೂತನ ನಿರ್ಬಂಧದಿಂದಾಗಿ ಮೃತ ದೇಹವನ್ನು ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ. ಇದಲ್ಲದೇ ನಾವು ಗರುಡ ಪುರಾಣವನ್ನು ನಂಬುವುದಾದರೆ ಯಮದೂತ ಆತ್ಮವನ್ನು ಬಿಟ್ಟು ಹೋದ್ರೆ, ಆ ಆತ್ಮಕ್ಕೆ ಸ್ವತಃ ಯಮಲೋಕಕ್ಕೆ ಪ್ರಯಾಣಿಸುವ ಶಕ್ತಿ ಇರುವುದಿಲ್ಲ.

ಇದನ್ನೂ ಓದಿ: Dream Interpretation: ಕನಸಲ್ಲಿ....! ಈ ಮುದ್ದು ಪ್ರಾಣಿ ಕಂಡ್ರೆ ಕುಣಿದು ಕುಪ್ಪಳಿಸಿ, ಕಾರಣ ಇಲ್ಲಿದೆ!

ಗರುಡ ಪುರಾಣದ ಪ್ರಕಾರ, ಮಾನವನ ಮರಣದ ನಂತರ 10 ದಿನಗಳ ಕಾಲ ಮಾಡುವ ವಿಧಿಗಳು ಸತ್ತ ಆತ್ಮದ ವಿವಿಧ ಅಂಗಗಳನ್ನು ರೂಪಿಸುತ್ತವೆ ಮತ್ತು ಹನ್ನೊಂದು ಮತ್ತು ಹನ್ನೆರಡನೆಯ ದಿನಗಳಲ್ಲಿ ಮಾಡಿದ ವಿಧಿಗಳು ಸತ್ತ ವ್ಯಕ್ತಿಯ ಮಾಂಸ ಮತ್ತು ಚರ್ಮ ಮತ್ತು ಆತ್ಮವನ್ನು ರೂಪಿಸುತ್ತವೆ. 13 ರಂದು ಮೃತರ ಹೆಸರಿನಲ್ಲಿ ಪಿಂಡದಾನ ಮಾಡಿದಾಗ. ಅಲ್ಲಿಂದ ಯಮಲೋಕಕ್ಕೆ ಪ್ರಯಾಣಿಸಲು ನಿರ್ಧರಿಸುತ್ತಾನೆ. ಅಂದರೆ ಮರಣಾನಂತರ ಸತ್ತವರ ಹೆಸರಿನಲ್ಲಿ ಪಿಂಡ ದಾನ ಮಾಡಲಾಗುತ್ತದೆ. 

ಇದರಿಂದಲೇ ಆತ್ಮವು ಮೃತ ಲೋಕದಿಂದ ಯಮಲೋಕಕ್ಕೆ ಹೋಗುವ ಶಕ್ತಿ ಪಡೆಯುತ್ತದೆ. ಅದಕ್ಕಾಗಿಯೇ ಗುರುಪುರಾಣದಲ್ಲಿ ಒಬ್ಬ ವ್ಯಕ್ತಿಯು ಸತ್ತಾಗ, ಅವನ ಆತ್ಮವು ತನ್ನ ಸಂಬಂಧಿಕರ ಮನೆಯಲ್ಲಿ 13 ದಿನಗಳವರೆಗೆ ಅಲೆದಾಡುತ್ತದೆ ಮತ್ತು ನಂತರ ಆತ್ಮವು ಯಮಲೋಕಕ್ಕೆ ಹೋಗುತ್ತದೆ. ಅದು ಪೂರ್ಣಗೊಳ್ಳಲು 12 ತಿಂಗಳುಗಳು ಅಥವಾ 1. ವರ್ಷಗಳು ತೆಗೆದುಕೊಳ್ಳುತ್ತದೆ ಎಂದು ಹೇಳಲಾಗಿದೆ. ಅಷ್ಟೇ ಅಲ್ಲ, ನಂಬಿಕೆಯ ಪ್ರಕಾರ, 13 ದಿನಗಳವರೆಗೆ ಸತ್ತವರ ಹೆಸರಿನಲ್ಲಿ ನೀಡಲಾಗುವ ಪಿಂಡ ಅವನ 1 ವರ್ಷದ ಆಹಾರಕ್ಕೆ ಸಮಾನವಾಗಿರುತ್ತದೆ.

ಇದನ್ನೂ ಓದಿ:Astro Tips: ಮನೆಯಲ್ಲಿ ಈ ಹೂವು ಇದ್ದರೆ ಹಣಕ್ಕಿಲ್ಲ ಕೊರತೆ; ಗುರುಬಲ ವೃದ್ಧಿಸಿ ಜೀವನದಲ್ಲಿ ಹೊಸ ಬೆಳಕು ಮೂಡಿಸುವುದು ಖಂಡಿತ!

ಪಿಂಡ ದಾನ ಮಾಡದಿದ್ದರೆ ಏನಾಗುತ್ತದೆ? : ಸತ್ತವರ ಹೆಸರಲ್ಲಿ ಪಿಂಡಿ ದಾನ ಮಾಡದಿದ್ದರೆ ಏನಾಗುತ್ತದೆ ಎಂಬ ಪ್ರಶ್ನೆಯೂ ಆಗಾಗ ಜನರಲ್ಲಿ ಮೂಡುತ್ತದೆ. 13 ನೇ ದಿನ, ಯಮದೂತ ಅವನನ್ನು ಬಲವಂತವಾಗಿ ಯಮಲೋಕಕ್ಕೆ ಎಳೆದುಕೊಂಡು ಹೋಗುತ್ತಾನೆ ಮತ್ತು ಈ ಸಮಯದಲ್ಲಿ ಸತ್ತವರ ಆತ್ಮವು ಬಹಳಷ್ಟು ಬಳಲುತ್ತದೆ, ಆದ್ದರಿಂದ ಹಿಂದೂ ಧರ್ಮದಲ್ಲಿ ವ್ಯಕ್ತಿಯ ಮರಣದ ನಂತರ 13 ದಿನಗಳ ಕಾಲ ಪಿಂಡದಾನ ಮಾಡುವುದು ಅಗತ್ಯವೆಂದು ಪರಿಗಣಿಸಲಾಗಿದೆ.