ನವದೆಹಲಿ: ಕೊರೊನಾವೈರಸ್ ಬೆದರಿಕೆಯ ಮಧ್ಯೆ ದೆಹಲಿಯ (Delhi) ಚವಾಲಾ ಕ್ಯಾಂಪ್‌ನಿಂದ ಪರಿಹಾರದ ದೊಡ್ಡ ಸುದ್ದಿ ಬಂದಿದೆ. ಚೀನಾದ ವುಹಾನ್‌ನಿಂದ ಕರೆತಂದ 112 ಜನರ ಕರೋನಾ ವೈರಸ್ ಪರೀಕ್ಷೆಯು ನಕಾರಾತ್ಮಕವಾಗಿ(ನೆಗೆಟಿವ್) ಕಂಡುಬಂದಿದೆ.
ಈ ವಿದೇಶಿಯರಲ್ಲಿ ಚೀನಾದ 36 ವಿದೇಶಿಯರೂ ಸೇರಿದ್ದಾರೆ. ಇವರೆಲ್ಲರನ್ನೂ ಐಟಿಬಿಪಿ ಚಾವ್ಲಾ ಕ್ಯಾಂಪ್‌ನಲ್ಲಿ ಇರಿಸಲಾಗಿತ್ತು. ಅಲ್ಲಿ ಅಗತ್ಯವಾದ ಕ್ಯಾರೆಂಟೈನ್ ಅವಧಿಯನ್ನು ಪೂರ್ಣಗೊಳಿಸಿದ ನಂತರ ಅವರ ಕೊರೊನಾವೈರಸ್‌ನ(Coronavirus) ಟೆಸ್ಟ್ ನೆಗೆಟಿವ್ ಬಂದಿತು. ಎಲ್ಲಾ 112 ಜನರು ಇಂದಿನಿಂದ ಶಿಬಿರದಿಂದ ಹೊರ ಹೋಗಲು ಪ್ರಾರಂಭಿಸುತ್ತಾರೆ.
ವಿಶೇಷವೆಂದರೆ, ಕರೋನಾ ವೈರಸ್‌ನಿಂದಾಗಿ ದೆಹಲಿ ಸರ್ಕಾರ ಮಾರ್ಚ್ 31 ರೊಳಗೆ ಎಲ್ಲಾ ಸಿನೆಮಾ ಹಾಲ್‌ಗಳನ್ನು ಮುಚ್ಚುವುದಾಗಿ ಘೋಷಿಸಿದೆ. ಕರೋನಾವನ್ನು ದೆಹಲಿಯಲ್ಲಿ ಸಾಂಕ್ರಾಮಿಕ ರೋಗವೆಂದು ಘೋಷಿಸಲಾಯಿತು. ಇದರೊಂದಿಗೆ ದೆಹಲಿಯ ಎಲ್ಲಾ ಸಾರ್ವಜನಿಕ ಸ್ಥಳಗಳು, ಸರ್ಕಾರಿ ಕಚೇರಿಗಳು, ಖಾಸಗಿ ಕಚೇರಿಗಳು ಇತ್ಯಾದಿಗಳನ್ನು ಸೋಂಕುರಹಿತಗೊಳಿಸುವುದು ಕಡ್ಡಾಯಗೊಳಿಸಲಾಯಿತು.
ಇದನ್ನು ಪ್ರಕಟಿಸಿದ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್, ಇದರೊಂದಿಗೆ ಪರೀಕ್ಷೆಗಳು ನಡೆಯದ ಎಲ್ಲಾ ಶಾಲೆಗಳು ಮತ್ತು ಕಾಲೇಜುಗಳನ್ನು ಸಹ ಮಾರ್ಚ್ 31 ರವರೆಗೆ ಮುಚ್ಚಲಾಗುವುದು ಎಂದು ಹೇಳಿದರು. ಭಾರತದಲ್ಲಿ ಈವರೆಗೆ 73 ಕರೋನಾ ವೈರಸ್ ಪ್ರಕರಣಗಳು ದೃಢಪಟ್ಟಿದೆ. ಇದಕ್ಕೂ ಮೊದಲು ವಿಶ್ವ ಆರೋಗ್ಯ ಸಂಸ್ಥೆ (WHO) ಇದನ್ನು ಸಾಂಕ್ರಾಮಿಕ ರೋಗ ಎಂದು ಘೋಷಿಸಿತು.
