ಲಡ್ಡು ಪ್ರಸಾದದಲ್ಲಿ ಪ್ರಾಣಿ ಕೊಬ್ಬು ಬಳಕೆಯಿಂದ ಪಾವಿತ್ರ್ಯತೆಗೆ ಧಕ್ಕೆ : ಬೆಂಗಳೂರು ಟಿಟಿಡಿಯಲ್ಲಿ ಇಂದಿನಿಂದ ಪವಿತ್ರೋತ್ಸವ

ತಿರುಪತಿ ತಿಮ್ಮಪ್ಪನ ಸನ್ನಿಧಾನದ ಲಡ್ಡು ಪ್ರಸಾದಕ್ಕೆ ಪ್ರಾಣಿಗಳ ಕೊಬ್ಬು ಬಳಕೆ ಹಿನ್ನೆಲೆಯಲ್ಲಿ ಬೆಂಗಳೂರಿನ ಟಿಟಿಡಿಯಲ್ಲಿ ಇಂದು ಸಂಜೆಯಿಂದ ಮೂರು ದಿನಗಳವರೆಗೆ ಪವಿತ್ರೋತ್ಸವ ನಡೆಯಲಿದೆ.

ಬೆಂಗಳೂರು : ತಿರುಪತಿ ಲಡ್ಡು ಪ್ರಸಾದದಲ್ಲಿ ಪ್ರಾಣಿಗಳ ಕೊಬ್ಬು ಬಳಕೆ ಹಿನೆಲೆಯಲ್ಲಿ ದೇಗುಲದ ಪಾವಿತ್ರ್ಯತೆಗೆ ಧಕ್ಕೆ ಉಂಟಾಗಿದೆ. ಈ ಹಿನ್ನೆಲೆಯಲ್ಲಿ ನಗರದ ಟಿಟಿಡಿಯಲ್ಲಿ ಇಂದಿನಿಂದ ನಡೆಯಲಿದೆ ಪವಿತ್ರೋತ್ಸವ ನಡೆಯಲಿದೆ. 
ಸಂಜೆ 6 ಗಂಟೆಯಿಂದ ಸೋಮವಾರದವರೆಗೆ ಶುದ್ದಿಕಾರ್ಯ ಜರುಗಲಿದೆ. ಈ ಪವಿತ್ರೋತ್ಸವ ಕಾರ್ಯ ಮೂರು ದಿನಗಳ ಕಾಲ ನಡೆಯಲಿದೆ. 

ತಿರುಪತಿ ತಿಮ್ಮಪ್ಪನ ಸನ್ನಿಧಾನದ ಲಡ್ಡು ಪ್ರಸಾದಕ್ಕೆ ಪ್ರಾಣಿಗಳ ಕೊಬ್ಬು ಬಳಕೆ ವಿಚಾರ ಇದೀಗ ಸಂಚಲನ ಉಂಟು ಮಾಡಿದೆ. ಭಕ್ತರ ಧಾರ್ಮಿಕ ಭಾವನೆಗೆ ಇದು ಧಕ್ಕೆ ತಂದಿದೆ. ಈ ಹಿನ್ನೆಲೆಯಲ್ಲಿ ಬೆಂಗಳೂರಿನ ಟಿಟಿಡಿಯಲ್ಲಿ ಇಂದು ಸಂಜೆಯಿಂದ 
ಮೂರು ದಿನಗಳವರೆಗೆ ಪವಿತ್ರೋತ್ಸವ ನಡೆಯಲಿದೆ. 

ಇದನ್ನೂ ಓದಿ : ಕುಮಾರ್‌ ಬಂಗಾರಪ್ಪ ನಿವಾಸದಲ್ಲಿ ಮೀಟಿಂಗ್

ಪವಿತ್ರೋತ್ಸವದ ಅಂಗವಾಗಿ ಮೊದಲ ದಿನ  ಆಚಾರ್ಯವರನಮ್, ಎರಡನೇ ದಿನ ಹೋಮ, ಮೂರನೇ ದಿನ ಪವಿತ್ರ ಸಮರ್ಪಣ ಹೋಮ ನಡೆಯಲಿದೆ. 

ಮೂರು ದಿನ ಪವಿತ್ರೋತ್ಸವ ಏನೆಲ್ಲ ನಡೆಯಲಿದೆ..?
ಮೊದಲ ದಿನ ಅಂದರೆ ಇಂದು ಸಂಜೆ 6:30 - ಆಚಾರ್ಯವರನಮ್
- ಸಂಜೆ 7:30 - ಅಂಕುಣಾರ್ಪಣಮ್
- ರಾತ್ರಿ 8:30 - ಏಕಾಂತ ಸೇವೆ

ಸೆಪ್ಟಂಬರ್ 28 ಶನಿವಾರ (ಎರಡನೇ ದಿನ )
- ಬೆಳಗ್ಗೆ 8:30- ಯಾಗಶಾಲ ವೈದಿಕ
- ಬೆಳಗ್ಗೆ 10:30-11:30 - ಸ್ನಾಪನ ತಿರುವಂಜನಮ್
- ಸಂಜೆ 6:30 - ಯಾಗಶಾಲ ವೈದಿಕ , ಪವಿತ್ರ ಪ್ರತಿಷ್ಟ
- ರಾತ್ರಿ 8:30 - ಏಕಾಂತ ಸೇವೆ

ಸೆಪ್ಟಂಬರ್ 29 ಭಾನುವಾರ (ಮೂರನೇ ದಿನ )
- ಬೆಳಗ್ಗೆ 8:30 - ಯಾಗಶಾಲ ವೈದಿಕ
- ಬೆಳಗ್ಗೆ 10:30-11:30 - ಸ್ನಾಪನ ತಿರುವಂಜನಮ್
- ಮಧ್ಯಾಹ್ನ 2:30-01:30 - ಪವಿತ್ರ ಸಮರ್ಪಣ
- ಸಂಜೆ  6:30 - ಯಾಗಶಾಲ ವೈದಿಕ

ಇದನ್ನೂ ಓದಿ : ಭವಿಷ್ಯದಲ್ಲಿ ಎದುರಾಗೋ ಕಾನೂನು ಸಂಕಷ್ಟದಿಂದ ರಕ್ಷಣೆ

ಈ ಪವಿತ್ರೋತ್ಸವಕ್ಕೆ ತಿರುಪತಿಯಿಂದ 10 ಅರ್ಚಕರ ತಂದ ಆಗಮಿಸಲಿದೆ. ಈ ಅರ್ಚಕರಿಂದ  ಮೂರು ದಿನದ‌ ಪೂಜೆ,ಹೋಮ,ಹವನ ನಡೆಯಲಿದೆ. ಇದರ  ಪೂರ್ವಭಾವಿಯಾಗಿ ಮಂಗಳವಾರ ದೇಗುಲದ ಶುದ್ಧಿಕಾರ್ಯ ನಡೆಸಲಾಗಿದೆ. ಪವಿತ್ರೋತ್ಸವ ಶುದ್ದಿಕಾರ್ಯದಲ್ಲಿ ಭಾಗಿಯಾಗಲು ಭಕ್ತರಿಗೂ ಅವಕಾಶ ಕಲ್ಪಿಸಲಾಗಿದೆ. ಇಬ್ಬರು 1 ಸಾವಿರ ರೂಪಾಯಿ ರಶೀದಿ ಪಡೆದು ಪೂಜೆಯಲ್ಲಿ ಭಾಗಿಯಾಗಲು ಅವಕಾಶ ನೀಡಲಾಗಿದೆ.