Mahayog In Jyotish: ಜಾತಕದಲ್ಲಿನ ಈ 3 ಮಹಾಯೋಗಗಳು ಸಿರಿವಂತನನ್ನಾಗಿಸುತ್ತವೆ, ಆದರೆ ಈ ತಪ್ಪು ಮಾಡಬೇಡಿ

Mahayog In Kundli - ಜ್ಯೋತಿಷ್ಯ ಶಾಸ್ತ್ರದಲ್ಲಿ, 3 ಯೋಗಗಳನ್ನು ಅತ್ಯಂತ ಶುಭಕರ ಅಥವಾ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಒಬ್ಬ ವ್ಯಕ್ತಿಯ ಜಾತಕದಲ್ಲಿ ಈ 3 ಯೋಗಗಳಲ್ಲಿ ಯಾವುದಾದರೂ ಒಂದು ಯೋಗ ಇದ್ದರೂ ಕೂಡ ಅವರು ಅದರ ಲಾಭವನ್ನು ಪಡೆಯಬಹುದು. ಆದರೆ, ಇದಕ್ಕಾಗಿ ಕೆಲ ವಿಷಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳುವುದು ತುಂಬಾ ಮುಖ್ಯ.

Mahayog In Jyotish

ನವದೆಹಲಿ: Mahayog In Kundli - ಜ್ಯೋತಿಷ್ಯ ಶಾಸ್ತ್ರದ (Astrology) ಲೆಕ್ಕಾಚಾರ ನಕ್ಷತ್ರಪುಂಜಗಳು ಮತ್ತು ಗ್ರಹಗಳನ್ನು ಆಧರಿಸಿದೆ. ಜ್ಯೋತಿಷ್ಯದ ಪ್ರಕಾರ, ಗ್ರಹಗಳು ಮತ್ತು ನಕ್ಷತ್ರಪುಂಜಗಳು ವ್ಯಕ್ತಿಯ ದೆಸೆ ಮತ್ತು ದಿಕ್ಕನ್ನು ಬದಲಾಯಿಸುತ್ತವೆ. ಜ್ಯೋತಿಷ್ಯದಲ್ಲಿ ಒಟ್ಟು 3 ಯೋಗಗಳನ್ನು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಈ 3 ಯೋಗಗಳನ್ನು ಮಹಾಯೋಗದಲ್ಲಿ ಪರಿಗಣಿಸಲಾಗುತ್ತದೆ. ಒಬ್ಬ ವ್ಯಕ್ತಿಯು ತನ್ನ ಜಾತಕದಲ್ಲಿ (Kundali) ಈ ಮಹಾಯೋಗಗಳನ್ನು ಹೊಂದಿದ್ದರೆ ಅವನು ಅದರ ಪ್ರಯೋಜನವನ್ನು ಪಡೆಯಬಹುದು. ಆದರೆ, ಇದಕ್ಕಾಗಿ ಕೆಲ ವಿಷಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. ಹಾಗಾದರೆ ಬನ್ನಿ ಈ ಮೂರು ಮಹಾಯೋಗಗಳು ಯಾವುವು ತಿಳಿದುಕೊಳ್ಳೋಣ ಬನ್ನಿ,

ಗಜಕೇಸರಿ ಯೋಗ (Gazkeshari Mahayog)
ಜ್ಯೋತಿಷ್ಯ ಶಾಸ್ತ್ರದಲ್ಲಿ ಗಜಕೇಸರಿ ಯೋಗವನ್ನು ಅತ್ಯಂತ ದೊಡ್ಡ ಮತ್ತು ಅತ್ಯಂತ ಮಂಗಳಕರ ಯೋಗ ಎಂದು ಪರಿಗಣಿಸಲಾಗಿದೆ. ಜಾತಕದಲ್ಲಿ ಈ ಯೋಗ ಇರುವ ವ್ಯಕ್ತಿ ತುಂಬಾ ವಿಶೇಷವಾಗಿರುತ್ತಾರೆ. ಈ ಯೋಗವು ಚಂದ್ರ ಮತ್ತು ಗುರುವಿನ ಸಂಯೋಜನೆಯಿಂದ ರೂಪುಗೊಳ್ಳುತ್ತದೆ. ಗುರು ಅದರಲ್ಲೂ ಮುಖ್ಯವಾಗಿ  ಲಗ್ನದಲ್ಲಿ ಈ ಯೋಗವು ಹೆಚ್ಚು ಪರಿಣಾಮಕಾರಿಯಾಗಿದೆ. ಜಾತಕದಲ್ಲಿ ಗಜಕೇಸರಿ ಯೋಗವಿದ್ದರೆ ತಂದೆ-ತಾಯಿ ಮತ್ತು ಹಿರಿಯರನ್ನು ಗೌರವಿಸಬೇಕು. ಇದಲ್ಲದೆ, ಒಬ್ಬರು ಸುಳ್ಳು ಮತ್ತು ಮದ್ಯಪಾನದಿಂದ ದೂರವಿರಬೇಕು.

ಇದನ್ನೂ ಓದಿ-Palmistry: ಉಬ್ಬರ ಹೊಂದಿರುವ ಮತ್ತು ಉತ್ತಮ ಸ್ಥಿತಿಯಲ್ಲಿರುವ ಈ ಪರ್ವತ ಜನರನ್ನು ಶ್ರೀಮಂತರನ್ನಾಗಿಸುತ್ತದೆ

ಬುದ್ಧಾದಿತ್ಯ ಯೋಗ (Budhaditya Yoga)
ಈ ಯೋಗವು ಹೆಚ್ಚಿನ ಜನರ ಜಾತಕದಲ್ಲಿ ಕಂಡುಬರುತ್ತದೆ. ಈ ಯೋಗವು ಬುಧ ಮತ್ತು ಸೂರ್ಯನ ಸಂಯೋಜನೆಯಿಂದ ನಿರ್ಮಾಣಗೊಳ್ಳುತ್ತದೆ. ಬುಧಾದಿತ್ಯ ಯೋಗದಿಂದ ಅಪಾರ ಗೌರವ ಮತ್ತು ಸಂಪತ್ತು ಪ್ರಾಪ್ತಿಯಾಗುತ್ತದೆ. ಜಾತಕದಲ್ಲಿ ಈ ಯೋಗವು ರೂಪುಗೊಂಡಾಗ, ಸೂರ್ಯೋದಯಕ್ಕೆ ಮುಂಚೆಯೇ ಎದ್ದೇಳಬೇಕು. ಅಲ್ಲದೆ, ಅಜಾಗರೂಕತೆಯನ್ನು ತಪ್ಪಿಸಬೇಕು, ಏಕೆಂದರೆ ಹಾಗೆ ಮಾಡುವುದರಿಂದ ಈ ಯೋಗದ ಪ್ರಯೋಜನ ಪ್ರಾಪ್ತಿಯಾಗುವುದಿಲ್ಲ.

ಇದನ್ನೂ ಓದಿ-ಮಲಗುವ ಮುನ್ನ ಈ ಆಹಾರ ಸೇವಿಸಿದರೆ ಸುಖ ನಿದ್ದೆ ಪ್ರಾಪ್ತಿಯಾಗುತ್ತದೆ

ಪಂಚಮಹಾಪುರುಷ ಯೋಗ (Panch Mahapursh Yoga)
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಪಂಚಮಹಾಪುರುಷ ಯೋಗವು 5 ಗ್ರಹಗಳ ಸಂಯೋಜನೆಯಿಂದ ರೂಪಗೊಳ್ಳುತ್ತದೆ. ಮಂಗಳ, ಬುಧ, ಗುರು, ಶುಕ್ರ ಮತ್ತು ಶನಿಗಳ ಸಂಯೋಜನೆಯು ಪಂಚಮಹಾಪುರುಷ ಯೋಗವನ್ನು ಸೃಷ್ಟಿಸುತ್ತದೆ. ಪಂಚಮಹಾಪುರುಷ ಯೋಗದ ಲಾಭವು ಜಾತಕದ ಕೇಂದ್ರ ಅಥವಾ ತ್ರಿಕೋನದಲ್ಲಿ ರೂಪುಗೊಂಡಾಗ ಮಾತ್ರ ಪ್ರಾಪ್ತಿಯಾಗುತ್ತದೆ. ಅಲ್ಲದೆ, ರಚನೆಯಾಗುತ್ತಿರುವ ಗ್ರಹಗಳನ್ನು ಹೊಂದಿಸಬಾರದು. ಜಾತಕದಲ್ಲಿ ಪಂಚಮಹಾಪುರುಷ ಯೋಗವು ರೂಪುಗೊಳ್ಳುತ್ತಿದ್ದರೆ, ವ್ಯಕ್ತಿಯು ಅಹಂಕಾರದಿಂದ ದೂರವಿರಬೇಕು.

ಇದನ್ನೂ ಓದಿ-ಈ 5 ಕಾಯಿಲೆಗಳಿಂದ ಬಳಲುತ್ತಿದ್ದಾರಂತೆ ದೇಶದ ಶೇ. 35ರಷ್ಟು ಜನ... ನಿಮಗಿದೆಯೇ ತಿಳಿದುಕೊಳ್ಳಿ

(Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದೆ. ಅನುಸರಿಸುವ ಮುನ್ನ ವಿಷಯ ತಜ್ಞರ ಸಲಹೆ ಪಡೆದುಕೊಳ್ಳಿ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ)

ಇದನ್ನೂ ನೋಡಿ-