ಯುಪಿ ವಾರಿಯರ್ಸ್ ಎದುರು RCB ಗೆ ಭರ್ಜರಿ ಜಯ.. ಗೆಲುವಿನ ಲಯಕ್ಕೆ ಮರಳಿದ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು!

Royal Challengers Bangalore : ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಮಹಿಳಾ ಪ್ರೀಮಿಯರ್​ ಲೀಗ್​ 2024ರ ಎರಡನೇ ಆವೃತ್ತಿಯ 11ನೇ ಪಂದ್ಯದಲ್ಲಿ ಯುಪಿ ವಾರಿಯರ್ಜ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 23 ರನ್​ಗಳಿಂದ ಗೆಲುವನ್ನು ಸಾಧಿಸಿದೆ.

Women's Premier League 2024 : ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಮೈದಾನದಲ್ಲಿ ಇಂದು (ಮಾ.೪)ರಂದು ಸೋಮವಾರ  ಮಹಿಳಾ ಪ್ರೀಮಿಯರ್​ ಲೀಗ್​ 2024ರ ಎರಡನೇ ಆವೃತ್ತಿಯ 11ನೇ ಪಂದ್ಯದಲ್ಲಿ ಯುಪಿ ವಾರಿಯರ್ಜ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB vs UPW) ತಂಡಗಳು ಆಡಿದ್ದು, ಕೊನೆಯ ಪಂದ್ಯದಲ್ಲಿ ಯುಪಿ ವಾರಿಯರ್ಸ್​ ತಂಡವನ್ನು 23 ರನ್​ಗಳಿಂದ ಮಣಿಸಿದ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡ ಲೀಗ್​ನಲ್ಲಿ ಮತ್ತೆ ಗೆಲುವನ್ನು ಪಡೆದುಕೊಂಡಿದೆ. 

ಮೊದಲಿಗೆ ಯುಪಿ ನಾಯಕಿ ಅಲಿಸ್ಸಾ ಹೀಲಿ ಬೆಂಗಳೂರು ವಿರುದ್ಧ ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡರು.ಲೀಗ್​ನ ಮೊದಲೆರಡು ಪಂದ್ಯಗಳನ್ನು ಗೆದ್ದು ಬೀಗಿದ್ದ ಆರ್​ಸಿಬಿ, ಆ ನಂತರ ಸತತ ಎರಡು ಪಂದ್ಯಗಳನ್ನು ಸೋತು ಲಯ ಕಳೆದುಕೊಂಡಿತ್ತು.

ಇದನ್ನು ಓದಿ : ಸ್ಮೃತಿ ಮಂಧನಾ ಬಿರುಸಿನ ಹೊಡೆತಕ್ಕೆ ತತ್ತರಿಸಿದ ವಾರಿಯರ್ಸ್ :  RCBಯಿಂದ ಯುಪಿಗೆ ಬಿಗ್ ಟಾರ್ಗೆಟ್

ನಾಯಕಿ ಸ್ಮೃತಿ ಮಂಧನಾ ಮತ್ತು ಪೆರ್ರಿ ಸ್ಪೋಟಕ ಬ್ಯಾಟಿಂಗ್​ ಮಾಡುವ ಮೂಲಕ ಆರ್​ಸಿಬಿ ತಂಡ 20 ಓವರ್​ ಗೆ 3 ವಿಕೆಟ್ ನಷ್ಟಕ್ಕೆ 198 ರನ್​ ಗಳಿಸಿತು. ಆರ್​ಸಿಬಿ ತಂಡದ ಬ್ಯಾಟರ್​ ಗಳು ಯುಪಿ ವಿರುದ್ಧ ಭರ್ಜರಿ ಬ್ಯಾಟಿಂಗ್​ ಮಾಡುವ ಮತ್ತು ಮೂಲಕ ಚಿನ್ನಸ್ವಾಮಿ ಮೈದಾನದ ಮೂಲೆ ಮೂಲೆಗೂ ಚೆಂಡುಗಳನ್ನು ಅಟ್ಟಿದರು. 

.@RCBTweets got back to winning ways with a 23-run win over #UPW 👏👏

Match Highlights 🎥🔽 #TATAWPL | #UPWvRCB

— Women's Premier League (WPL) (@wplt20) March 4, 2024

ನಾಯಕಿ ಅಲಿಸ್ಸಾ ಹೀಲಿ ಹಾಗೂ ಕಿರಣ್ ನವ್ಗಿರೆ ಮೊದಲ ವಿಕೆಟ್​ಗೆ 47 ರನ್​ಗಳ ಜೊತೆಯಾಟ ನೀಡಿದರು. ಆದರೆ 11 ಎಸೆತಗಳಲ್ಲಿ 18 ರನ್ ಕಲೆಹಾಕಿದ್ದ ಕಿರಣ್ ಸೋಫಿ ಡಿವೈನ್​ಗೆ ಬಲಿಯಾದ ಬಳಿಕ ತಂಡದ ಇನ್ನಿಂಗ್ಸ್ ವೇಗ ಕಡಿಮೆಯಾಯಿತು. ಆದರೂ ಒಂದು ತುದಿಯಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿದ ನಾಯಕಿ ಹೀಲಿ 38 ಎಸೆತಗಳಲ್ಲಿ 55 ರನ್​ಗಳ ಸ್ಫೋಟಕ ಇನ್ನಿಂಗ್ಸ್ ಆಡಿದರು.

ಇದನ್ನು ಓದಿ :WPL 2024: ಪೆರ್ರಿ ಪವರ್‌ ಫುಲ್‌ ಶಾಟ್‌ಗೆ ಪುಡಿ ಪುಡಿ ಆಯ್ತು ಕಾರಿನ ಗ್ಲಾಸ್.!

ಇವರನ್ನು ಹೊರತುಪಡಿಸಿದರೆ, ದೀಪ್ತಿ ಶರ್ಮಾ ಮತ್ತು ಪೂನಂ ಖೇಮ್ನಾರ್ ಕ್ರಮವಾಗಿ 33 ಹಾಗೂ 31 ರನ್ ಗಳಿಸಿದರು.  ಬೃಹತ್​ ಮೊತ್ತವನ್ನು ಬೆನ್ನಟ್ಟಿದ ಯುಪಿ ವಾರಿಯರ್ಸ್​ ತಂಡವು ನಿಗದಿತ 20 ಓರವ್​ಗೆ 8 ವಿಕೆಟ್ ನಷ್ಟಕ್ಕೆ 175  ರನ್​ ಗಳಿಸುವ ಮೂಲಕ 24 ರನ್​ ಗಳಿಂದ ಸೋಲನ್ನಪ್ಪಿತು.