ಕಪ್ಪೆಯ ಬಾಯಿಯಲ್ಲಿದೆ ಹಾವು ! ಆ ಹಾವಿನ ಬೇಟೆಗೆ ಮುಂದಾಗಿದೆ ಬೆಕ್ಕು ! ಆಶ್ಚರ್ಯಕರ ವಿಡಿಯೋ

ಇದೊಂದು ವಿಚಿತ್ರ ವಿಡಿಯೋ. ಹಾವನ್ನೇ ಕಪ್ಪೆ ನುಂಗಿದೆ. ಮತ್ತೆ ಆ ಹಾವಿನ ಬೇಟೆಗೆ ಅಲ್ಲಿಗೆ ಬೆಕ್ಕು ಬೇರೆ ಬಂದಿದೆ. ಅರ್ಧ ಭಾಗ ಕಪ್ಪೆಯ ಹೊಟ್ಟೆಯೊಳಗಿದ್ದರೂ ಈ ಹಾವು ಬೆಕ್ಕನ್ನು ಹೆದರಿಸುತ್ತಿದೆ..

ಬೆಂಗಳೂರು : ಹಾವು ಕಪ್ಪೆಯನ್ನು ಹಿಡಿದು ತಿನ್ನುತ್ತವೆ. ಹಾವನ್ನು ಕಂಡ ಕೂಡಲೇ ಕಪ್ಪೆ ಎದ್ದು ಬಿದ್ದು ಸ್ಥಳದಿಂದ ಓಡುತ್ತವೆ. ಯಾಕೆಂದರೆ ಕಪ್ಪೆ ಹಾವಿನ ಆಹಾರ. ಕಪ್ಪೆಗಳು ಬಹಳ ಸಂಖ್ಯೆಯಲ್ಲಿ ಇವೆ ಎಂದಾದರೆ ಆ ಜಾಗದಲ್ಲಿ ಹಾವು ಕೂಡಾಡ ಇರುತ್ತವೆ. ಆದರೆ ಕೆಲವೊಮ್ಮೆ ಪ್ರಕೃತಿಗೆ ವಿರುದ್ದವಾದ ವಿಚಿತ್ರವಾದ ಘಟನೆಗಳು ನಡೆದು ಬಿಡುತ್ತವೆ. ಇಲ್ಲಿ ಆದದ್ದು ಕೂಡಾ ಅದೇ. 

ಮೊದಲೇ ಹೇಳಿದಂತೆ ಹಾವಿನ ಆಹಾರ ಕಪ್ಪೆ. ಆದರೆ ಇಲ್ಲಿ ಕಪ್ಪೆ ಹಾವನ್ನು ನುಂಗಲು ಹೊರಟಿದೆ. ಕಪ್ಪೆ  ಹಾವಿನ ದೇಹದ ಅರ್ಧ ಭಾಗವನ್ನು ನುಂಗಿದೆ. ಹಾವಿನ ದೇಹದ ಇನ್ನರ್ಧ ಭಾಗ ಕಪ್ಪೆಯ ಬಾಯಿಯಿಂದ ಹೊರಗೆ ಚಾಚಿಕೊಂಡಿದೆ. ಹಾಗಂತ ಇಲ್ಲಿ ಹಾವು ಸತ್ತೂ ಇಲ್ಲ. 

ಇದನ್ನೂ ಓದಿ : Viral Video: ಜನನಿಬಿಡ ರಸ್ತೆಯಲ್ಲಿ ಧಗಧಗನೆ ಹೊತ್ತಿ ಉರಿದ ಐಷಾರಾಮಿ BMW ಕಾರು..!

ಹೀಗೆ ಹಾವನ್ನು ಅರ್ಧ ನುಂಗಿದ ಕಪ್ಪೆಗೆ ಬೆಕ್ಕು ಎದುರಾಗಿದೆ. ಬೆಕ್ಕಿಗೋ ಈ ದೃಶ್ಯ ಪರಮಾಶ್ಚರ್ಯ. ಅದು ಕಪ್ಪೆಯ ಬಾಯಿಯಲ್ಲಿ ಇರುವುದು ಹಾವು ಹೌದೋ ಅಲ್ಲವೋ ಎನ್ನುವುದನ್ನು ಮತ್ತೆ ಮತ್ತೆ ಟೆಸ್ಟ್ ಮಾಡಿ ನೋಡುತ್ತದೆ. ಅಲ್ಲದೆ ಹಾವಿಗೆ ಪದೇ ಪದೇ ಹೊಡೆಯುತ್ತದೆ. ಹಾವು ಕೂಡಾ ಬೆಕ್ಕು ಹೊಡೆಯಲು ಬಂದಾಗ ಅದನ್ನು ತಪ್ಪಿಸಿ ಬೆಕ್ಕನ್ನು ಕಚ್ಚುವ ಪ್ರಯತ್ನ ಮಾಡುತ್ತದೆ. 

A snake fighting a cat while being eaten by a frog... pic.twitter.com/7MrreEQYlr

— Weird and Terrifying (@weirdterrifying) December 20, 2022

ಇದನ್ನೂ ಓದಿ : ಆನೆಗಳ ಹಿಂಡು ಕಂಡು ಪೊದೆಯಲ್ಲಿ ಅವಿತ ಹುಲಿರಾಯ

ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಶೇರ್ ಆಗುತ್ತಿದೆ. ಅಲ್ದೆ ವಿಡಿಯೋ ವೀಕ್ಷಿಸಿದವರು ವಿಡಿಯೋ ಬಗ್ಗೆ ಕಾಮೆಂಟ್ ಕೂಡಾ ಮಾಡುತ್ತಿದ್ದಾರೆ. ಒಬ್ಬರು ಈ ಹಾವು ಹಾವಿನ ಜಾತಿಗೆ ಕಳಂಕ ಎಂದು ಬರೆದಿದ್ದರೆ, ಇನ್ನೊಬ್ಬ್ಬರು ಕಪ್ಪೆಯ ಬಲಕ್ಕೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋವನ್ನು Weird and Terrifying ಎನ್ನುವ ಖಾತೆಯಲ್ಲಿ ಶೇರ್ ಮಾಡಲಾಗಿದೆ.