"ಇಸ್ಲಾಂ" ನಾಡಿನಲ್ಲಿ "ಹಿಂದೂ ಪೊಲೀಸ್ ಅಧಿಕಾರಿ" ನೇಮಕ..! ʼಪಾಕಿಸ್ತಾನʼದಲ್ಲಿ ಹೊಸ ಇತಿಹಾಸಕ್ಕೆ ಇದು ಮುನ್ನುಡಿ..

Hindu Police in Pakistan : ಪಾಕಿಸ್ತಾನದಲ್ಲಿ ಇತಿಹಾಸ ನಿರ್ಮಾಣವಾಗಿದೆ. 75 ವರ್ಷಗಳ ಸ್ವಾತಂತ್ರ್ಯದ ನಂತರ ಪಾಕ್‌ ತನ್ನ ಮೊದಲ ಹಿಂದೂ ಪೊಲೀಸ್ ಅಧಿಕಾರಿಯನ್ನು ನೇಮಕ ಮಾಡಿಕೊಂಡಿದೆ. ರಾಜೇಂದ್ರ ಮೇಘವಾರ್ ಪಾಕ್‌ ಪೊಲೀಸ್ ಸೇವೆಯಲ್ಲಿ (ಪಿಎಸ್‌ಪಿ) ಮೊದಲ ಹಿಂದೂ ಅಧಿಕಾರಿಯಾಗುವ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ.

Pakistan Hindu police : ಪಾಕಿಸ್ತಾನದಿಂದ ಶುಭ ಸುದ್ದಿಯೊಂದು ಬಂದಿದೆ. 75 ವರ್ಷಗಳ ಸ್ವಾತಂತ್ರ್ಯದ ನಂತರ ಪಾಕಿಸ್ತಾನವು ತನ್ನ ಮೊದಲ ಹಿಂದೂ ಪೊಲೀಸ್ ಅಧಿಕಾರಿಯನ್ನು ನೇಮಿಸಿಕೊಂಡಿದೆ. ರಾಜೇಂದ್ರ ಮೇಘವಾರ್ ಅವರು ಪಾಕಿಸ್ತಾನ ಪೊಲೀಸ್ ಸೇವೆಯಲ್ಲಿ (ಪಿಎಸ್‌ಪಿ) ಮೊದಲ ಹಿಂದೂ ಅಧಿಕಾರಿಯಾಗುವ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ. 

ರಾಜೇಂದ್ರ ಅವರನ್ನು ಫೈಸಲಾಬಾದ್‌ನ ಸಹಾಯಕ ಪೊಲೀಸ್ ವರಿಷ್ಠಾಧಿಕಾರಿಯಾಗಿ (ಎಎಸ್‌ಪಿ) ನಿಯೋಜಿಸಲಾಗಿದೆ. ಸಿಂಧ್ ಪ್ರಾಂತ್ಯದ ಬಾಡಿನ್ ನಿವಾಸಿ ರಾಜೇಂದ್ರ ಮೇಘವಾರ್ ಅವರು ಪಾಕಿಸ್ತಾನದ ನಾಗರಿಕ ಸೇವೆಗಳ ಪರೀಕ್ಷೆಯಲ್ಲಿ (CSS) ತೇರ್ಗಡೆಯಾದ ನಂತರ ಇಲ್ಲಿ ನೇಮಕಗೊಂಡಿದ್ದಾರೆ. 

ಇದನ್ನೂ ಓದಿ:ವಿದ್ಯಾರ್ಥಿಗಳ ಮುಂದೆಯೇ ಶಿಕ್ಷಕಿಯ ಹಾಟ್‌ ಐಟಂ ಡಾನ್ಸ್‌.. ಸೀರೆ ಜಾರಿದರೂ ಸುಮ್ಮನಿದ್ದ ಟೀಚರ್‌..!

ಜಿಯೋ ನ್ಯೂಸ್‌ ಜೊತೆ ಮಾತನಾಡಿ ರಾಜೇಂದ್ರ, ಹಿಂದೂ ಸಮಾಜ ಹೆಮ್ಮೆ ಪಡುವ ಕನಸು ನನಸಾಗಿದೆ, ಪೊಲೀಸ್ ಇಲಾಖೆಯಲ್ಲಿದ್ದು ಜನರ ಸಮಸ್ಯೆಗಳನ್ನು ನೆಲಮಟ್ಟದಲ್ಲಿ ಪರಿಹರಿಸಬಹುದು. ಪಾಕಿಸ್ತಾನಿ ಪೊಲೀಸ್ ಅಧಿಕಾರಿಗಳು ಅಲ್ಪಸಂಖ್ಯಾತರೊಂದಿಗಿನ ಸಂಬಂಧವನ್ನು ಸುಧಾರಿಸುವಲ್ಲಿ ಮತ್ತು ಫೈಸಲಾಬಾದ್‌ನಲ್ಲಿ ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡುವಲ್ಲಿ ಸಕಾರಾತ್ಮಕ ಪಾತ್ರವನ್ನು ವಹಿಸಬಹುದು ಎಂದು ಹೇಳಿದರು. ಅಲ್ಲದೆ, ಹಿಂದೂ ಅಧಿಕಾರಿ ಸಿಕ್ಕಿರುವುದು ನಮ್ಮ ಅದೃಷ್ಟ ಎಂದು ಹಿರಿಯ ಅಧಿಕಾರಿಯೊಬ್ಬರು ಹೊಗಳಿದ್ದಾರೆ... 

ರಾಜೇಂದ್ರ ಮೇಘವಾರ್ ಅವರು ಪಾಕಿಸ್ತಾನದ ಅತ್ಯಂತ ಕಠಿಣ ಮತ್ತು ಪ್ರತಿಷ್ಠಿತ CSS ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದು, ಈ ಹುದ್ದೆಗೆ ನೇಮಕಗೊಂಡಿದ್ದಾರೆ. ಅವರು ಸಿಂಧ್‌ನ ಗ್ರಾಮೀಣ ಮತ್ತು ಆರ್ಥಿಕವಾಗಿ ವಂಚಿತ ಪ್ರದೇಶವಾದ ಬಾಡಿನ್‌ನಿಂದ ಬಂದವರು. ಎಲ್ಲ ಸಮುದಾಯಗಳನ್ನು ಒಗ್ಗೂಡಿಸಿ ಅಲ್ಪಸಂಖ್ಯಾತರಿಗೆ ನಿಷ್ಠೆಯಿಂದ ಕೆಲಸ ಮಾಡಲು ಬಯಸುವುದಾಗಿ ಮೇಘವಾರ್ ಹೇಳಿದ್ದಾರೆ. 

ಇದನ್ನೂ ಓದಿ:ಮಾಜಿ CM ಎಸ್ ಎಂ ಕೃಷ್ಣ ಅವರ ಪುತ್ರಿ ಯಾರು ಗೊತ್ತಾ? ಯಶಸ್ವಿ ಮಹಿಳೆಯಾಗಿ ಗುರುತಿಸಿಕೊಂಡ ಖ್ಯಾತ ಉದ್ಯಮಿಯ ಪತ್ನಿ ಅವರು!! 

ಇಸ್ಲಾಮಿಕ್ ರಾಷ್ಟ್ರವಾದ ಪಾಕಿಸ್ತಾನದಲ್ಲಿ ಹಿಂದೂಗಳು ಅತಿದೊಡ್ಡ ಅಲ್ಪಸಂಖ್ಯಾತರ ಗುಂಪಾಗಿದ್ದು, ದೇಶದ ಜನಸಂಖ್ಯೆಯ ಶೇಕಡಾ 2 ರಷ್ಟಿದ್ದಾರೆ ಎಂಬುದು ಗಮನಿಸಬೇಕಾದ ಸಂಗತಿ. ಮೇಘವಾರ್ ಅವರ ನೇಮಕವನ್ನು ಪಾಕಿಸ್ತಾನದಲ್ಲಿ ಸಕಾರಾತ್ಮಕ ಬದಲಾವಣೆ ಎಂದು ಪರಿಗಣಿಸಲಾಗುತ್ತಿದೆ.