Nigeria church attack: ಚರ್ಚ್‌ಗೆ ನುಗ್ಗಿ ಗುಂಡಿನ ದಾಳಿ, 50ಕ್ಕೂ ಹೆಚ್ಚು ಮಂದಿ ಮೃತ

Nigeria church attack: ಭಾನುವಾರ ಬಂದೂಕುಧಾರಿಗಳು ಭಕ್ತರ ಮೇಲೆ ಗುಂಡು ಹಾರಿಸಿ ಬಾಂಬ್​ ದಾಳಿ ನಡೆಸಿರುವ ಘಟನೆ ನೈರುತ್ಯ ನೈಜೀರಿಯಾದ ಕ್ಯಾಥೋಲಿಕ್ ಚರ್ಚ್‌ನಲ್ಲಿ ನಡೆದಿದೆ.

ನೈಜೀರಿಯಾ

Nigeria massacre: ದೇಶದ ನೈಋತ್ಯ ಭಾಗದಲ್ಲಿರುವ ಕ್ಯಾಥೋಲಿಕ್ ಚರ್ಚ್‌ನಲ್ಲಿ ಭಾನುವಾರ ಸಾಮೂಹಿಕ ಗುಂಡಿನ ದಾಳಿ ನಡೆದಿದೆ., ಬಂದೂಕುಧಾರಿಗಳು ಕನಿಷ್ಠ 50 ಜನರನ್ನು ಕೊಂದಿದ್ದಾರೆ ಎಂದು ನೈಜೀರಿಯಾ ಸರ್ಕಾರ ಹೇಳಿದೆ.

ಒಂಡೋ ರಾಜ್ಯದ ಸೇಂಟ್ ಫ್ರಾನ್ಸಿಸ್ ಕ್ಯಾಥೋಲಿಕ್ ಚರ್ಚ್​ನಲ್ಲಿ ಕ್ರಿಶ್ಚಿಯನ್ನರಿಗೆ ವಿಶೇಷ ದಿನವಾದ ಪೆಂಟೆಕೋಸ್ಟ್ ಸಂಡೇ ದಿನದಂದು ಈ ದಾಳಿ ನಡೆದಿದೆ. ವಿಶೇಷ ದಿನದ ಹಿನ್ನೆಲೆ ಚರ್ಚ್‌ನಲ್ಲಿ ಭಕ್ತರು ಪ್ರಾರ್ಥನೆ ಮಾಡುತ್ತಿದ್ದರು. ಈ ವೇಳೆ ಬಂದೂಕುಧಾರಿಗಳು ಗುಂಡಿನ ದಾಳಿ ನಡೆಸಿದ್ದಾರೆ. ಬಳಿಕ ಬಾಂಬ್​ ಎಸೆದಿದ್ದಾರೆ. ಈ ದಾಳಿಯಲ್ಲಿ ಮಕ್ಕಳು ಸೇರಿದಂತೆ 50ಕ್ಕೂ ಹೆಚ್ಚು ಜನ ಸಾವನ್ನಪ್ಪಿದ್ದಾರೆ ಎಂದು ಶಾಸಕ ಒಗುನ್ಮೊಲಸುಯಿ ಒಲುವೊಲೆ ಟ್ವೀಟ್‌ ಮಾಡಿದ್ದಾರೆ. 

ಇದನ್ನೂ ಓದಿ: Layerr Shot Deo Ad: ಬಲಾತ್ಕಾರವನ್ನು ಉತ್ತೇಜಿಸುವ ಡಿಯೋ ಜಾಹೀರಾತುಗಳಿಗೆ ಸರ್ಕಾರದಿಂದ ಕಡಿವಾಣ!

ಘಟನೆಯನ್ನು "ದೊಡ್ಡ ಹತ್ಯಾಕಾಂಡ" ಎಂದು ಕರೆದಿರುವ ಒಂಡೋ ರಾಜ್ಯ ಗವರ್ನರ್ ಅರಕುನ್ರಿನ್ ಒಲುವರೊಟಿಮಿ ಅಕೆರೆಡೊಲು ಅವರು, ದಾಳಿಯ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಅಲ್ಲದೇ ಆಸ್ಪತ್ರೆಗೆ ಭೇಟಿ ನೀಡಿ ಗಾಯಗೊಂಡ ವ್ಯಕ್ತಿಗಳ ಯೋಗಕ್ಷೇಮ ವಿಚಾರಿಸಿದ್ದಾರೆ.

I was at the scene of the terror attack on innocent worshipers at St. Francis Catholic Church in Owo, today. I also visited the hospitals where survivors of the attack are receiving medical attention.

The attack was the most dastardly act that could happen in any society. pic.twitter.com/I8xv80CTfL

— Arakunrin Akeredolu (@RotimiAkeredolu) June 5, 2022

ಪೆಂಟೆಕೋಸ್ಟ್‌ನ ಕ್ರಿಶ್ಚಿಯನ್ ರಜಾದಿನಗಳಲ್ಲಿ ನಡೆದ ದಾಳಿಯನ್ನು ಪೋಪ್ ಫ್ರಾನ್ಸಿಸ್ ಅವರು ಖಂಡಿಸಿದ್ದಾರೆ. "ಆರಾಧಕರ ಘೋರ ಹತ್ಯೆ" ಯನ್ನು ಖಂಡಿಸಿದ ಅಧ್ಯಕ್ಷ ಮುಹಮ್ಮದು ಬುಹಾರಿ, ಸಂತ್ರಸ್ತರಿಗೆ ನ್ಯಾಯ ಸಿಗುತ್ತದೆ ಎಂದು ಹೇಳಿದರು.

ಚರ್ಚ್​ನ ಪಾದ್ರಿಯನ್ನು ಅಪಹರಿಸಲಾಗಿದೆ ಎಂದು ಓವೊ ಪ್ರದೇಶವನ್ನು ಪ್ರತಿನಿಧಿಸುವ ಅಧ್ಯಕ್ಷ ಅಡೆಲೆಗ್ಬೆ ಟಿಮಿಲೆಯಿನ್ ಹೇಳಿದರು.

ಈ ದಾಳಿಯ ಹಿಂದೆ ಯಾರ ಕೈವಾಡವಿದೆ ಎಂಬುದು ಇನ್ನು ಸ್ಪಷ್ಟವಾಗಿಲ್ಲ. ಒಂಡೋ ರಾಜ್ಯವೂ ನೈಜೀರಿಯಾದ ಅತ್ಯಂತ ಶಾಂತಿಯುತ ರಾಜ್ಯಗಳಲ್ಲಿ ಒಂದಾಗಿದೆ. ಆದರೆ ರೈತರು ಮತ್ತು ಕುರಿಗಾರರು ಹಾಗೂ ರಾಜ್ಯ ಸರ್ಕಾರದ ನಡುವೆ ಹಿಂಸಾತ್ಮಕ ಸಂಘರ್ಷಗಳು ಮಾತ್ರ ಹೆಚ್ಚುತ್ತಲೇ ಇವೆ. 

ಇದನ್ನೂ ಓದಿ:  160 ಭಾಷೆಗಳಲ್ಲಿ ರಿಲೀಸ್..! ತನ್ನದೇ ದಾಖಲೆ ಉಡೀಸ್ ಮಾಡುತ್ತಾ 'ಅವತಾರ್‌-2'..?

ಈ ಎಲ್ಲದರ ಮಧ್ಯೆ ಸಾಮಾಜಿಕ ಮಾಧ್ಯಮಗಳಲ್ಲಿ ವಿಡಿಯೋ ಒಂದು ವೈರಲ್‌ ಆಗಿದ್ದು, ಇದರಲ್ಲಿ ಬಂದೂಕುಧಾರಿಯೊಬ್ಬ ಗನ್​ ಹಿಡಿದು ದಾಳಿ ನಡೆಸಲು ಯತ್ನಿಸುತ್ತಿರುತ್ತಾನೆ. ಈ ವೇಳೆ ಆತನ ಹಿಂದಿನಿಂದ ಯೋಧನೊಬ್ಬ ಬಂದೂಕುಧಾರಿಯನ್ನು ಸೆರೆ ಹಿಡಿಯುತ್ತಿರುತ್ತಾನೆ. ನಂತರ ಅಲ್ಲಿದ್ದ ಜನ ಬಂದೂಕುಧಾರಿಗೆ ಥಳಿಸುತ್ತಿದ್ದಾರೆ.