ಪಾಕಿಸ್ತಾನ ವಿಶ್ವದ ಅತಿ ಅಪಾಯಕಾರಿ ರಾಷ್ಟ್ರ ಎಂದ ಯುಎಸ್ ಅಧ್ಯಕ್ಷ ಜೋ ಬಿಡೆನ್

file photo

ವಾಷಿಂಗ್ಟನ್:  ಪರಮಾಣು ಶಸ್ತ್ರಾಸ್ತ್ರಗಳನ್ನು ಹೊಂದಿರುವ ವಿಶ್ವದ ಅತ್ಯಂತ ಅಪಾಯಕಾರಿ ರಾಷ್ಟ್ರಗಳಲ್ಲಿ ಒಂದಾಗಿದೆ ಎಂದು ಯುಎಸ್ ಅಧ್ಯಕ್ಷ ಜೋ ಬಿಡೆನ್ ಟೀಕಿಸಿದ್ದಾರೆ.ಲಾಸ್ ಏಂಜಲೀಸ್ (ಕ್ಯಾಲಿಫೋರ್ನಿಯಾ) ನಲ್ಲಿ ನಡೆದ ಡೆಮಾಕ್ರಟಿಕ್ ಕಾಂಗ್ರೆಷನಲ್ ಕ್ಯಾಂಪೇನ್ ಕಮಿಟಿಯ ಸ್ವಾಗತ ಸಮಾರಂಭದಲ್ಲಿ ಈ ಟೀಕೆಗಳನ್ನು ಮಾಡಿದ್ದಾರೆ.

ಇದೆ ವೇಳೆ ಅವರು ಚೀನಾ ಹಾಗೂ ರಷ್ಯಾ ವಿರುದ್ಧವೂ ಟೀಕೆಯನ್ನು ಮುಂದುವರೆಸಿದರು.ಚೀನಾ ಮತ್ತು ವ್ಲಾಡಿಮಿರ್ ಪುಟಿನ್ ಅವರ ರಷ್ಯಾಕ್ಕೆ ಸಂಬಂಧಿಸಿದಂತೆ ಯುಎಸ್ ವಿದೇಶಾಂಗ ನೀತಿಯ ಬಗ್ಗೆ ಬಿಡೆನ್ ಮಾತನಾಡುತ್ತಿರುವಾಗ ಪಾಕಿಸ್ತಾನದ ಬಗ್ಗೆ ಟೀಕೆಗಳನ್ನು ಮಾಡಲಾಗಿದೆ. ಬಿಡೆನ್ ಅವರು ಪಾಕಿಸ್ತಾನವನ್ನು ವಿಶ್ವದ ಅತ್ಯಂತ ಅಪಾಯಕಾರಿ ದೇಶವೆಂದು ಪರಿಗಣಿಸುವ ಹೇಳುವ ಮೂಲಕ ಮುಕ್ತಾಯಗೊಳಿಸಿದರು.

“ಕ್ಸಿ ಜಿನ್‌ಪಿಂಗ್ ತನಗೆ ಬೇಕಾದುದನ್ನು ಅರ್ಥಮಾಡಿಕೊಳ್ಳುವ ಆದರೆ ಅಗಾಧವಾದ, ಅಗಾಧವಾದ ಸಮಸ್ಯೆಗಳನ್ನು ಹೊಂದಿರುವ ವ್ಯಕ್ತಿ. ನಾವು ಅದನ್ನು ಹೇಗೆ ನಿಭಾಯಿಸುತ್ತೇವೆ? ರಷ್ಯಾದಲ್ಲಿ ಏನು ನಡೆಯುತ್ತಿದೆ ಎಂಬುದರ ಸಂಬಂಧಿತವಾಗಿ ನಾವು ಅದನ್ನು ಹೇಗೆ ನಿರ್ವಹಿಸುತ್ತೇವೆ? ಮತ್ತು ಈ ಸಂದರ್ಭದಲ್ಲಿ ನನ್ನ ಪ್ರಕಾರ ಪಾಕಿಸ್ತಾನ ದೇಶವು ಯಾವುದೇ ಲಗಾಮು ಇಲ್ಲದೆ ಪರಮಾಣು ಅಸ್ತ್ರವನ್ನು ಹೊಂದಿರುವ ವಿಶ್ವದ ಅಪಾಯಕಾರಿ ದೇಶವಾಗಿದೆ " ಎಂದು ಅವರು ಟೀಕಿಸಿದ್ದಾರೆ.

ಇದನ್ನೂ ಓದಿ: ಕಾಂಗ್ರೆಸ್ ನವರದ್ದು 85 % ಸರ್ಕಾರ. : ಸಿಎಂ ಬೊಮ್ಮಾಯಿ

ಈಗ ಬಿಡೆನ್ ಅವರ ಹೇಳಿಕೆಗಳು ಯುಎಸ್ ಜೊತೆಗಿನ ಸಂಬಂಧಗಳನ್ನು ಸುಧಾರಿಸುವ ಶೆಹಬಾಜ್ ಷರೀಫ್ ಸರ್ಕಾರದ ಪ್ರಯತ್ನಕ್ಕೆ ಹಿನ್ನಡೆಯಾಗಿದೆ.ಯುಎಸ್ ನ ರಾಷ್ಟ್ರೀಯ ಭದ್ರತಾ ಕಾರ್ಯತಂತ್ರ ಬಿಡುಗಡೆಯಾದ ಎರಡು ದಿನಗಳ ನಂತರ ಈ ಹೇಳಿಕೆ ಬಂದಿವೆ, ಆದರೆ ಈ 48 ಪುಟಗಳ ದಾಖಲೆಯಲ್ಲಿ ಪಾಕ್ ಕುರಿತಾಗಿ ಯಾವುದೇ ಉಲ್ಲೇಖವಿಲ್ಲ.ಬುಧವಾರದಂದು ಬಿಡೆನ್ ಆಡಳಿತವು ಕಾಂಗ್ರೆಸ್ ಕಡ್ಡಾಯವಾದ ಪ್ರಮುಖ ನೀತಿ ದಾಖಲೆಯನ್ನು ಬಿಡುಗಡೆ ಮಾಡಿತು, ಚೀನಾ ಮತ್ತು ರಷ್ಯಾ ಎರಡೂ ಯುಎಸ್‌ಗೆ ಒಡ್ಡಿದ ಬೆದರಿಕೆಯನ್ನು ಒತ್ತಿಹೇಳಿತು.

ರಾಷ್ಟ್ರೀಯ ಭದ್ರತಾ ಕಾರ್ಯತಂತ್ರವು ಈ ವರ್ಷದ ಆರಂಭದಲ್ಲಿ ಯಾವುದೇ ಮಿತಿಯಿಲ್ಲದ ಪಾಲುದಾರಿಕೆಯನ್ನು ಘೋಷಿಸಿದ ಚೀನಾ ಮತ್ತು ರಷ್ಯಾಗಳು ಪರಸ್ಪರ ಹೆಚ್ಚು ಹೊಂದಿಕೊಂಡಿವೆ ಆದರೆ ಅವರು ಒಡ್ಡುವ ಸವಾಲುಗಳು ವಿಭಿನ್ನವಾಗಿವೆ ಎಂದು ಪ್ರಸ್ತಾಪಿಸಿದೆ.ಮುಂದಿನ ಹತ್ತು ವರ್ಷಗಳಲ್ಲಿ ಚೀನಾದೊಂದಿಗಿನ ಸ್ಪರ್ಧೆಯು ನಿರ್ಣಾಯಕ ದಶಕವಾಗಲಿದೆ ಎಂದು ಯುಎಸ್ ಭದ್ರತಾ ಕಾರ್ಯತಂತ್ರವು ಹೈಲೈಟ್ ಮಾಡಿದೆ.

ಇದನ್ನೂ ಓದಿ: "ಹಿಜಾಬ್ ಪ್ರಕರಣ ವಿಚಾರದಲ್ಲಿ ಸುಪ್ರೀಂಕೋರ್ಟ್ ನ ಅಂತಿಮ ತೀರ್ಪು ಬಹಳ ಮುಖ್ಯ"

ರಷ್ಯಾ-ಉಕ್ರೇನ್ ಸಂಘರ್ಷದ ಕುರಿತು ಪ್ರಸ್ತಾಪಿಸುತ್ತಾ ಮಾಸ್ಕೋದ ಸಾಮ್ರಾಜ್ಯಶಾಹಿ ವಿದೇಶಾಂಗ ನೀತಿಯು ಉಕ್ರೇನ್‌ನ ಪೂರ್ಣ ಪ್ರಮಾಣದ ಆಕ್ರಮಣದಲ್ಲಿ ಅದರ ಸರ್ಕಾರವನ್ನು ಉರುಳಿಸಲು ಮತ್ತು ಅದನ್ನು ರಷ್ಯಾದ ನಿಯಂತ್ರಣಕ್ಕೆ ತರುವ ಪ್ರಯತ್ನದಲ್ಲಿ ಅಂತ್ಯಗೊಂಡಿದೆ ಎಂದು ಡಾಕ್ಯುಮೆಂಟ್ ಹೇಳುತ್ತದೆ.