Krishna Janmashtami 2024: കൃഷ്ണജന്മാഷ്ടമി തിയതിയും ശുഭമുഹൂർത്തവും പൂജാവിധികളും അറിയാം

Krishna Janmashtami 2024 Date: വളരെ വിപുലമായാണ് ഭക്തജനങ്ങൾ കൃഷ്ണജന്മാഷ്ടമി ആഘോഷിക്കുന്നത്. ഭാദ്രപാദ മാസത്തിലെ കൃഷ്ണപക്ഷത്തിലെ അഷ്ടമി തിഥിയിൽ അർദ്ധരാത്രിയിലാണ് ശ്രീകൃഷ്ണൻ ജനിച്ചതെന്നാണ് വിശ്വാസം.

മഹാവിഷ്ണുവിന്റെ അവതാരമായ ശ്രീകൃഷ്ണന്റെ ജന്മദിനമാണ് കൃഷ്ണ ജന്മാഷ്ടമി. വളരെ വിപുലമായാണ് ഭക്തജനങ്ങൾ കൃഷ്ണജന്മാഷ്ടമി ആഘോഷിക്കുന്നത്. ഭാദ്രപാദ മാസത്തിലെ കൃഷ്ണപക്ഷത്തിലെ അഷ്ടമി തിഥിയിൽ അർദ്ധരാത്രിയിലാണ് ശ്രീകൃഷ്ണൻ ജനിച്ചതെന്നാണ് വിശ്വാസം. ഈ വർഷം ഓ​ഗസ്റ്റ് 26ന് ആണോ 27ന് ആണോ കൃഷ്ണ ജന്മാഷ്ടമി ആഘോഷിക്കുന്നതെന്നും പൂജയുടെ ശുഭ മുഹൂർത്തം, പൂജാ രീതികൾ എന്നിവയെക്കുറിച്ചും ഭക്തർക്കിടയിലുണ്ടാകാം.

കൃഷ്ണ ജന്മാഷ്ടമിയുമായി രണ്ട് തിയതികളാണ് പുറത്ത് വരുന്നത്. ഓ​ഗസ്റ്റ് 26, 27 എന്നിങ്ങനെയാണ് തിയതികൾ വരുന്നത്. ഇതിൽ ജന്മാഷ്ടമി 26ന് ആഘോഷിക്കണോ 27ന് ആഘോഷിക്കണോ എന്നതാണ് ആശയക്കുഴപ്പമാകുന്നത്. ഈ രണ്ട് ദിവസങ്ങളിലും കൃഷ്ണജന്മാഷ്ടമി ആഘോഷിക്കുമോയെന്ന സംശയവും ഉണ്ട്.

ഹിന്ദു കലണ്ടർ അനുസരിച്ച്, 2024 ഓ​ഗസ്റ്റ് 26ന് പുലർച്ചെ 3.39ന് ജന്മാഷ്ടമി ആരംഭിച്ച് ഓ​ഗസ്റ്റ് 27ന് പുലർച്ചെ 2.19 വരെ തുടരും. ജന്മാഷ്ടമി നാളിൽ കൃഷ്ണ വി​ഗ്രഹത്തിൽ പാൽ, തൈര്, തേൻ, പ‍ഞ്ചസാര എന്നിവയാൽ അഭിഷേകം നടത്തുക. നെയ്യഭിഷേകവും നടത്തണം. ജന്മാഷ്ടമി ദിനത്തിൽ ഭ​ഗവാനെ പൂജിക്കുന്നത് വഴി ഭക്തർക്ക് വലിയ അനു​ഗ്രഹങ്ങൾ ലഭിക്കുമെന്ന് വിശ്വസിക്കപ്പെടുന്നു.