Kerala New Borrow Limit: 13,600 കോടി കടമെടുക്കാം, കേരളത്തിന് അനുമതി നൽകി സുപ്രീംകോടതി

Kerala Financial Crisis: നിലവിൽ 3 ശതമാനം മാത്രം കടമെടുക്കാനാണ് ആവശ്യപ്പെടുന്നതെന്നും നേരത്തെ ഇത് 98 ശതമാനം വരെയായിരുന്നെന്നും കേരളം പറഞ്ഞു

ന്യൂഡൽഹി: 13,600 കോടി കടമെടുക്കാൻ കേരളത്തിന് സുപ്രീംകോടതിയുടെ അനുമതി. 26000 കോടി രൂപ കടമെടുക്കാൻ ഇടക്കാല ഉത്തരവിലൂടെ അനുവദിക്കണമെന്നായിരുന്നു കേരളത്തിന്റെ ആവശ്യം. എന്നാൽ വാദത്തിനിടയെ കേന്ദ്ര സർക്കാർ മുന്നോട്ട് വെച്ച തുക സംസ്ഥാനം അംഗീകരിക്കുകയായിരുന്നു. കേരളത്തിന് കടമെടുക്കണമെങ്കിൽ കേന്ദ്രത്തിന് എതിരായ ഹർജി പിൻവലിക്കണമെന്ന കേന്ദ്ര സർക്കാർ നടപടിയെ കോടതി വിമർശിച്ചു.

നിലവിൽ 3 ശതമാനം മാത്രം കടമെടുക്കാനാണ് ആവശ്യപ്പെടുന്നതെന്നും നേരത്തെ ഇത് 98 ശതമാനം വരെയായിരുന്നെന്നും കേരളം പറഞ്ഞു. പല സ്വയംഭരണ സ്ഥാപനങ്ങളുടെ കടവും തങ്ങളുടെ കണക്കിലേക്ക് ഉൾപ്പെടുത്തുകയാണെന്നാണ് സംസ്ഥാനം കോടതിയിൽ പറഞ്ഞത്.

ശമ്പളം, പെൻഷൻ എന്നിവ കൊടുക്കാൻ കഴിയാത്ത അവസ്ഥയിലായിരുന്നു സംസ്ഥാന സർക്കാർ. ചരിത്രത്തിലാധ്യമായ സർക്കാർ ജീവനക്കാരുടെ ശമ്പള വിതരണവും മുടങ്ങിയതോടെ സംസ്ഥാനത്തെ ഗുരുതര സാമ്പത്തി പ്രതിസന്ധി കൂടി പുറത്തായിരിക്കുകയാണ്. 1-ന് ലഭിച്ചിരുന്ന ശമ്പളം മാസം 6-ൽ എത്തിയിട്ടും കൊടുത്ത് തീർക്കാൻ കഴിയാതെ വിഷമിക്കുകയാണ് സർക്കാർ. നിലവിൽ സെക്രട്ടേറിയേറ്റ് ജീവനക്കാർക്ക് മാത്രമാണ് ശമ്പളം ലഭിച്ചത്.