പ്രതിദിനം 262 രൂപ നിക്ഷേപിച്ചുകൊണ്ട് നേടാം 20 ലക്ഷം, അറിയാം എൽഐസി ജീവൻ ലാഭ് പോളിസിയെ കുറിച്ച്

രാജ്യത്തെ ഏറ്റവും വലിയ ഇൻഷുറൻസ് കമ്പനിയാണ് എൽഐസി. പോളിസി ഉടമയ്ക്ക് ലൈഫ് കവറിനൊപ്പം നല്ല വരുമാനവും ലഭിക്കുന്ന നിരവധി പോളിസികളാണ് കമ്പനി ലോഞ്ച് ചെയ്യുന്നത്. എൽഐസി ജീവൻ ലാഭ് പോളിസി അത്തരത്തിലുള്ള ഒന്നാണ്. ഒരു എൻഡോവ്‌മെന്റ് പോളിസിയാണ് ഇത്. അതിൽ ഇൻഷുറൻസ് പരിരക്ഷയ്‌ക്കൊപ്പം സേവിംഗ്സ് ഓപ്ഷനും ലഭ്യമാണ്.

2020 ഫെബ്രുവരി 1നാണ് LIC ഈ പോളിസിക്ക് തുടക്കമിട്ടത്. ഇതൊരു നോൺ-ലിങ്ക്ഡ്, പങ്കാളിത്തം, വ്യക്തിഗത, ലൈഫ് അഷ്വറൻസ് സേവിംഗ്സ് പ്ലാനാണ്. ഇതിൽ നിങ്ങൾക്ക് ആകർഷകമായ പരിരക്ഷയ്‌ക്കൊപ്പം സേവിംഗ്‌സ് ഫീച്ചറുകളും ലഭിക്കും. പോളിസിയുടെ കാലാവധി തീരും മുൻപ് ഉടമ മരിച്ചാൽ കുടുംബത്തിന് സാമ്പത്തിക സഹായം ലഭിക്കും. പോളിസി ഉടമയ്ക്ക് ഈ പദ്ധതി പ്രകാരം വായ്പയെടുക്കാനും സാധിക്കും.

എൽഐസി ജീവൻ ലാഭ്: പോളിസി ടേം

മൂന്ന് നിബന്ധനകളോടെയാണ് ഈ പോളിസി വരുന്നത്. 16 വർഷം, 21 വർഷം, 25 വർഷം കാലാവധിയുള്ള ഈ സ്കീമിൽ നിങ്ങൾക്ക് നിക്ഷേപിക്കാം. 10 വർഷം, 15 വർഷം, 16 വർഷം എന്നിങ്ങനെയാണ് പ്രീമിയം അടയ്‌ക്കേണ്ട കാലാവധി. ഈ സ്കീമിൽ നിക്ഷേപിക്കുന്നതിനുള്ള പ്രീമിയം പ്രതിമാസ, ത്രൈമാസ, അർദ്ധ വാർഷിക, വാർഷിക അടിസ്ഥാനത്തിൽ അടയ്ക്കാവുന്നതാണ്.

എൽഐസി ജീവൻ ലാഭ്: നിക്ഷേപ പ്രായം

8 നും 59 നും ഇടയിൽ പ്രായമുള്ള ആർക്കും ഈ പദ്ധതിയിൽ നിക്ഷേപിക്കാം. നിങ്ങൾ പ്രതിമാസ അടിസ്ഥാനത്തിലാണ് പ്രീമിയം അടയ്ക്കുന്നതെങ്കിൽ 15 ദിവസത്തെ ഗ്രേസ് പിരീഡ് ലഭിക്കും. നിങ്ങൾ ത്രൈമാസ, അർദ്ധ വാർഷിക, വാർഷിക അടിസ്ഥാനത്തിൽ പ്രീമിയം അടയ്ക്കുകയാണെങ്കിൽ, നിങ്ങൾക്ക് 30 ദിവസത്തെ ഗ്രേസ് പിരീഡ് ലഭിക്കും. നിക്ഷേപകന്റെ മരണശേഷം, സം അഷ്വേർഡ് തുകയ്ക്ക് തുല്യമായ തുക നോമിനിക്ക് നൽകും.

എൽഐസി ജീവൻ ലാബ്: നിക്ഷേപ പരിധി

ചുരുങ്ങിയത് രണ്ട് ലക്ഷം രൂപയ്ക്ക് നിങ്ങൾക്ക് ഈ സ്കീമിൽ നിക്ഷേപിക്കാം. എന്നാൽ, ഇതിന് പരമാവധി പരിധി നിശ്ചയിച്ചിട്ടില്ല. ഈ സ്കീമിലെ നിക്ഷേപത്തിന് നിങ്ങൾക്ക് ആദായ നികുതിയിൽ ഇളവും ലഭിക്കും.

എൽഐസി ജീവൻ ലാബ്: 20 ലക്ഷം രൂപ എങ്ങനെ നേടാമെന്ന് അറിയുക

എൽഐസിയുടെ വെബ്‌സൈറ്റിൽ ലഭ്യമായ കാൽക്കുലേറ്റർ അനുസരിച്ച്, നിങ്ങൾ 20 ലക്ഷം രൂപയുടെ ഇൻഷുറൻസ് തുക തിരഞ്ഞെടുക്കുകയാണെങ്കിൽ, 16 വർഷത്തേക്ക് (പ്രീമിയം പേയ്‌മെന്റ് കാലാവധി) നികുതി ഉൾപ്പെടെ 7,916 രൂപ (പ്രതിദിനം ഏകദേശം 262 രൂപ) എൽഐസി ജീവൻ ലാഭ് പോളിസിയിൽ നിക്ഷേപിക്കേണ്ടിവരും. ഇതോടെ 25 വർഷത്തെ മെച്യൂരിറ്റി കാലയളവ് തിരഞ്ഞെടുക്കണം. കാലാവധി പൂർത്തിയാകുമ്പോൾ നിങ്ങൾക്ക് 20 ലക്ഷം രൂപ ലഭിക്കും. നിങ്ങൾ ഈ പോളിസി കാലാവധി പൂർത്തിയാകുന്നതുവരെ അടയ്ക്കുകയും രണ്ട് ബോണസ് ലഭിക്കുകയും ചെയ്താൽ നിങ്ങൾക്ക് ആകെ 37 ലക്ഷം രൂപ ലഭിക്കും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy