നെടുമങ്ങാട് : മദ്യ ലഹരിയിൽ വൃദ്ധരായ മാതാപിതാക്കളെ കൊലപ്പെടുത്താൻ ശ്രമിച്ച മകനെ നെടുമങ്ങാട് പോലീസ് അറസ്റ്റ് ചെയ്തു. ചുള്ളിമാനൂർ മൊട്ടക്കാവ് കൊച്ചുകടുവാച്ചിറ പുണർതം വീട്ടിൽ സജീഷ്(36)നെയാണ് പോലീസ് അറസ്റ്റ് ചെയ്തത്. കഴിഞ്ഞ ദിവസമാണ് സംഭവം.
രാത്രി 8:30 ഓടെ മദ്യപിച്ചെത്തിയ പ്രതി പിതാവിനെയും മാതാവിനെയും അയൽവാസിയായ പിതൃസഹോദരനേയും ഗുരുതരമായി ദേഹോപദ്രവം ഏൽപ്പിച്ച് കൊലപ്പെടുത്താൻ ശ്രമിക്കുകയും മാതാവിന്റെ കൈയ്ക്ക് വെട്ടി പരിക്കേൽപ്പിക്കുകയും ചെയ്തു.
ഇവരുടെ കയ്യിലെ മുറിവ് ആഴത്തിലുള്ളതാണ്. കൈയ്യിലെ എല്ലിന് പൊട്ടലും സംഭവിച്ചതായി നെടുമങ്ങാട് പോലീസ് പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy
