Cutting On Sweets: മധുരം ഒഴിവാക്കുന്നത് കൊണ്ട് മാത്രം പ്രമേഹത്തെ നിയന്ത്രിക്കാനാകുമോ?

Foods for diabetes: വൈറ്റമിൻ സി ധാരാളമായി അടങ്ങിയിട്ടുള്ള നെല്ലിക്ക, പേരക്ക, നാരങ്ങ, ഓറഞ്ച്, മുന്തിരി തുടങ്ങിയ സിട്രസ് പഴങ്ങൾ കഴിക്കണം. അവ നിങ്ങളുടെ രക്തത്തിലെ പഞ്ചസാരയിൽ വർധനവ് ഉണ്ടാക്കുന്നില്ല.

അനിയന്ത്രിതമായ പ്രമേഹം ഹൃദ്രോഗം, പക്ഷാഘാതം, വൃക്കരോഗം, ഞരമ്പുകളുടെ തകരാർ, നേത്രരോഗങ്ങൾ എന്നിവയുൾപ്പെടെയുള്ള ആരോഗ്യപ്രശ്നങ്ങളിലേക്ക് നയിക്കും. കൂടാതെ, പ്രമേഹം കണ്ടെത്തുന്നതിന് മുമ്പുള്ള അവസ്ഥ, പ്രീ ഡയബറ്റിസ്, ടൈപ്പ് 2 പ്രമേഹം ഉണ്ടാകാനുള്ള സാധ്യത വർധിപ്പിക്കുന്നു. പഞ്ചസാരയുടെ അളവിലെ ഏറ്റക്കുറച്ചിലുകൾ പഞ്ചസാരയുടെ ആസക്തിയിലേക്ക് നയിച്ചേക്കാം. ഉയർന്ന പഞ്ചസാര ഉള്ളവരിൽ ഭക്ഷണം കഴിച്ചതിനുശേഷം, രക്തത്തിലെ പഞ്ചസാരയുടെ അളവ് വർധിക്കും. കഴിഞ്ഞ ഏതാനും വർഷങ്ങളായി പ്രമേഹരോഗികളുടെ എണ്ണം ക്രമാതീതമായി വർധിച്ചുവരുന്നതായാണ് കണക്കുകൾ വ്യക്തമാക്കുന്നത്. ആയുർദൈർഘ്യം വർധിക്കുമ്പോൾ, രോഗനിർണയത്തിനുള്ള പ്രായം കുറയുന്നു എന്നതാണ് വിരോധാഭാസം. മൂന്ന് തരത്തിലുള്ള പ്രമേഹമുണ്ട് :-

ടൈപ്പ് 1 പ്രമേഹം: പാൻക്രിയാസിലെ ഇൻസുലിൻ ഉൽപ്പാദിപ്പിക്കുന്ന കോശങ്ങളെ തിരിച്ചറിയുന്നതിൽ ശരീരത്തിന്റെ പ്രതിരോധ സംവിധാനം പരാജയപ്പെടുകയും ഈ കോശങ്ങളെ ആക്രമിക്കുകയും ചെയ്യുന്നു, ഇത് ഇൻസുലിൻ പൂർണ്ണമായി കുറയുന്നതിലേക്ക് നയിക്കുന്നു.

ടൈപ്പ് 2 പ്രമേഹം: കോശങ്ങൾ ഇൻസുലിനോട് ഉചിതമായി പ്രതികരിക്കുന്നത് നിർത്തുന്നു, ഇത് രക്തത്തിൽ നിന്ന് ഗ്ലൂക്കോസ് എടുക്കാനുള്ള അവരുടെ കഴിവിനെ ബാധിക്കുന്നു. ഇൻസുലിൻ പ്രതിരോധം എന്നാണ് ഇത് അറിയപ്പെടുന്നത്.

ഗർഭകാല പ്രമേഹം: ഗർഭാവസ്ഥയിൽ ആദ്യമായി രോഗനിർണയം നടത്തുന്ന പ്രമേഹം സാധാരണയായി ഗർഭധാരണത്തിന് ശേഷം പരിഹരിക്കപ്പെടുന്നു.

പ്രമേഹമുള്ളവർ പതിവായി ലഘുഭക്ഷണം കഴിക്കേണ്ടത് ആവശ്യമാണ്. കാരണം ഒരാൾ അധികനേരം ഭക്ഷണം കഴിക്കാതെ ഇരുന്നാൽ രക്തത്തിലെ പഞ്ചസാരയുടെ അളവ് ക്രമാധീതമായി കുറയും. ആളുകൾ ഇടയ്ക്കിടെ മധുരമുള്ള ഭക്ഷണങ്ങൾ കഴിക്കുന്നത് ഇഷ്ടപ്പെടുന്നവരാണ്, ചിലപ്പോൾ അവ ഒരു ട്രീറ്റെന്ന നിലയിലും ആരോഗ്യകരവും സമീകൃതവുമായ ഭക്ഷണത്തിന്റെ ഭാഗമായും ഉൾപ്പെടുത്തുന്നതിൽ ഒരു പ്രശ്നവുമില്ല. എന്നിരുന്നാലും, ഭക്ഷണത്തിലെ അമിതമായ പഞ്ചസാരയുടെ ഉപയോഗം കുറയ്ക്കുന്നതിന് സഹായിക്കുന്ന ലളിതമായ ജീവിതശൈലി മാറ്റങ്ങൾ എന്തൊക്കെയാണെന്ന് നോക്കാം.

1- കാബേജ്, കോളിഫ്‌ളവർ, ചീര, പയർ, കടല, ബീൻസ്, രാജ്മ, സോയ, ധാന്യങ്ങൾ, വിത്തുകൾ തുടങ്ങിയ ലയിക്കുന്ന നാരുകളും മഗ്നീഷ്യവും അടങ്ങിയ ഭക്ഷണങ്ങളുടെ ഉപഭോഗവും വർധിപ്പിക്കുക. ലയിക്കുന്ന നാരുകൾ ദഹനത്തിനും ആഗിരണത്തിനും ഗുണം ചെയ്യുമെന്ന് പഠനങ്ങൾ തെളിയിച്ചിട്ടുണ്ടെന്ന് ഗവേഷകർ പറയുന്നു. രക്തത്തിലെ പഞ്ചസാരയുടെയും കൊളസ്ട്രോളിന്റെയും അളവ് കുറയ്ക്കാനും ഇവ സഹായിക്കും.

2- വൈറ്റമിൻ സി ധാരാളമായി അടങ്ങിയിട്ടുള്ള നെല്ലിക്ക, പേരക്ക, നാരങ്ങ, ഓറഞ്ച്, മുന്തിരി തുടങ്ങിയ സിട്രസ് പഴങ്ങൾ കഴിക്കണം. അവ നിങ്ങളുടെ രക്തത്തിലെ പഞ്ചസാരയിൽ വർധനവ് ഉണ്ടാക്കുന്നില്ല. അതേ സമയം, മറ്റ് സങ്കീർണതകളിൽ നിന്ന് രോഗിയെ സംരക്ഷിക്കുകയും ചെയ്യുന്നു.

3- നിലക്കടല, ബദാം തുടങ്ങിയ നട്‌സ് ചെറിയ അളവിൽ കഴിക്കാം. കടല അല്ലെങ്കിൽ ബീൻസ് പ്രമേഹമുള്ളവർക്ക് വളരെയധികം ഗുണം ചെയ്യും.

4- മധുരമില്ലാത്ത തൈര്, പരിപ്പ്, വിത്തുകൾ, പഴങ്ങൾ, പച്ചക്കറികൾ എന്നിവ പോലുള്ള ആരോഗ്യകരമായ ലഘുഭക്ഷണങ്ങൾ തിരഞ്ഞെടുക്കുക .

5- പഞ്ചസാര ചേർത്ത ഭക്ഷണങ്ങൾക്ക് പകരം ഷുഗർ ഫ്രീ മധുരപലഹാരങ്ങൾ (പരിമിതമായ അളവിൽ) കഴിക്കാം.

6- കൊഴുപ്പ് കുറഞ്ഞ ഭക്ഷണങ്ങൾ കഴിക്കുക. കാരണം ഇത്തരത്തിലുള്ള ഭക്ഷണങ്ങളിൽ പലതിലും അമിതമായ അളവിൽ പഞ്ചസാര അടങ്ങിയിട്ടുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy