Beetroot Juice: രാവിലെ വെറുംവയറ്റില്‍ ബീറ്റ്‌റൂട്ട് ജ്യൂസ് കുടിച്ചാൽ നിരവധിയാണ് ​ഗുണങ്ങൾ

Beetroot Juice Every Morning: ദിവസവും രാവിലെ ബീറ്റ്റൂട്ട് ജ്യൂസ് കുടിക്കുന്നത് വഴി നിരവധി ആരോ​ഗ്യ ​ഗുണങ്ങൾ ലഭിക്കും. രക്തസമ്മർദ്ദം കുറയ്ക്കാനും പ്രതിരോധശേഷി വ‍ർധിപ്പിക്കാനും ദഹനം മെച്ചപ്പെടുത്താനും ഇത് മികച്ചതാണ്.

നിരവധി ആരോഗ്യ ഗുണങ്ങളുള്ള പച്ചക്കറിയാണ് ബീറ്റ്റൂട്ട്. വിറ്റാമിന്‍ സി, എ, ബി 6, നാരുകള്‍, പൊട്ടാസ്യം, മ​ഗ്നീഷ്യം, ഇരുമ്പ്, ഫോളിക്ക് ആസിഡ്, സിങ്ക്, ഫൈബര്‍ തുടങ്ങിയവ ബീറ്റ്റൂട്ടിൽ അടങ്ങിയിരിക്കുന്നു. ദിവസവും രാവിലെ വെറുംവയറ്റില്‍ ബീറ്റ്റൂട്ട് ജ്യൂസ് കുടിക്കുന്നത് നിരവധി ആരോ​ഗ്യ ​ഗുണങ്ങൾ നൽകും. ഇത് എന്തെല്ലാമാണെന്ന് അറിയാം.

രക്തസമ്മര്‍ദ്ദം കുറയ്ക്കുന്നു: പൊട്ടാസ്യം ധാരാളം അടങ്ങിയ ബീറ്റ്‌റൂട്ടില്‍  പ്രകൃതിദത്തമായി കാണപ്പെടുന്ന നൈട്രേറ്റ്‌സ് എന്ന സംയുക്തം രക്തയോട്ടം മെച്ചപ്പെടുത്താൻ സഹായിക്കുന്നു. അതിലൂടെ രക്തസമ്മർദ്ദത്തെ കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും.

പ്രതിരോധശേഷി വർധിപ്പിക്കുന്നു: ബീറ്റ്റൂട്ടില്‍ വിറ്റാമിന്‍ സി ധാരാളമായി അടങ്ങിയിരിക്കുന്നു. കൂടാതെ ബീറ്റ്റൂട്ടിൽ ആന്‍റി ഓക്സിഡന്‍റുകളും അടങ്ങിയിട്ടുണ്ട്. ഇത് പ്രതിരോധശേഷി വര്‍ധിപ്പിക്കുന്നതിന് സഹായിക്കുന്നു.

ദഹനം മെച്ചപ്പെടുത്താൻ സഹായിക്കുന്നു: ബീറ്റ്റൂട്ടിൽ ഫൈബര്‍ ധാരാളമായി അടങ്ങിയിരിക്കുന്നു. അതിനാല്‍ രാവിലെ വെറും വയറ്റില്‍ ബീറ്റ്റൂട്ട് ജ്യൂസ് കുടിക്കുന്നത് ദഹനം മെച്ചപ്പെടുത്താനും മലബന്ധം അകറ്റാനും സഹായിക്കും. അസിഡിറ്റിയെ തടയാനും ബീറ്റ്റൂട്ട് ജ്യൂസ് മികച്ചതാണ്.

കരളിലെ വിഷാംശങ്ങൾ പുറന്തള്ളുന്നു: ബീറ്റ്റൂട്ടില്‍ വിറ്റമിനുകളും ധാതുക്കളും ആന്റി ഓക്‌സിഡന്റുകളും നാരുകളും ധാരാളമായി അടങ്ങിയിരിക്കുന്നു. നൈട്രേറ്റുകളാൽ സമ്പന്നമായ ബീറ്റ്റൂട്ട് കരളിലെ വിഷാംശങ്ങളെ പുറംതള്ളാനും കരളിന്‍റെ ആരോഗ്യം മികച്ചതാക്കാനും സഹായിക്കും.

തലച്ചോറിന്‍റെ പ്രവർത്തനം മെച്ചപ്പെടുത്തുന്നു: ബീറ്റ്റൂട്ടിൽ അടങ്ങിയിരിക്കുന്ന നൈട്രിക് ഓക്സൈഡ് തലച്ചോറിലേക്കുള്ള രക്തയോട്ടം മെച്ചപ്പെടുത്തുന്നു. ഇത് ഡിമെൻഷ്യയുടെ സാധ്യത കുറയ്ക്കുകയും തലച്ചോറിന്‍റെ മൊത്തത്തിലുള്ള ആരോഗ്യം മെച്ചപ്പെടുത്തുകയും ചെയ്യുന്നു.

വിളര്‍ച്ചയെ തടയുന്നു: ഇരുമ്പിന്റെ മികച്ച സ്രോതസ്സാണ് ബീറ്റ്റൂട്ട്. ഇത് വിളർച്ച തടയുന്നതിന് സഹായിക്കുന്നു. വിളര്‍ച്ച അഥവാ അനീമിയ ഉള്ളവര്‍ ബീറ്റ്റൂട്ട് ജ്യൂസ് പതിവായി കുടിക്കുന്നത് ആരോ​ഗ്യത്തിന് ​ഗുണം ചെയ്യും.

ശരീരഭാരം കുറയ്ക്കാന്‍: ബീറ്റ്‌റൂട്ടില്‍ കലോറി കുറവാണ്. ഇവയില്‍ നാരുകൾ ധാരാളമായി അടങ്ങിയിട്ടുണ്ട്. ഇവയിൽ കൊഴുപ്പും കുറവായതിനാല്‍ ബീറ്റ്റൂട്ട് ജ്യൂസ് രാവിലെ വെറും വയറ്റില്‍ കുടിക്കുന്നത് ശരീരഭാരം കുറയ്ക്കാന്‍ സഹായിക്കും. 

ചര്‍മ്മത്തിന്റെ ആരോ​ഗ്യം: ബീറ്റ്റൂട്ട് വിറ്റാമിന്‍ സിയും മറ്റ് ആന്‍റി ഓക്സിഡന്‍റുകളും അടങ്ങിയിരിക്കുന്നു. അതിനാൽ, ബീറ്റ്റൂട്ട് ജ്യൂസ് കുടിക്കുന്നത് ചര്‍മ്മത്തിന്‍റെ ആരോഗ്യത്തിന് ​ഗുണം ചെയ്യും.