ആന്റി ഓക്സിഡൻറുകളും ശക്തമായ ഔഷധ ഗുണങ്ങളും നിറഞ്ഞ ചുവന്ന ചെറിയ പഴങ്ങളാണ് ഗോജി ബെറികൾ. ഇവ രുചികരവുമാണ്. ഈ സരസഫലങ്ങൾ നിരവധി ആരോഗ്യ ഗുണങ്ങളുമായി ബന്ധപ്പെട്ടിരിക്കുന്നു. പോഷകാഹാരത്തിന്റെ കാര്യത്തിൽ, ഗോജി ബെറി വളരെ മികച്ചതാണെന്ന് ആരോഗ്യ വിദഗ്ധർ വ്യക്തമാക്കുന്നു. നിങ്ങളുടെ ഭക്ഷണത്തിൽ ഗോജി ബെറികൾ ഉൾപ്പെടുത്തേണ്ടതിന്റെ ആവശ്യകത എന്താണെന്ന് അറിയാം.
ഗോജി ബെറികൾക്ക് പ്രായമാകൽ മൂലം ശരീരത്തിനുണ്ടാകുന്ന വ്യത്യാസങ്ങളെ ലഘൂകരിക്കാൻ സാധിക്കും. ഗോജി ബെറികളിൽ അടങ്ങിയിരിക്കുന്ന ബീറ്റൈൻ എന്നറിയപ്പെടുന്ന ഒരു ശ്രദ്ധേയമായ ഘടകം അൾട്രാവയലറ്റ് വികിരണം മൂലമുണ്ടാകുന്ന ചുളിവുകളുടെയും കൊളാജൻ നാശത്തിന്റെയും രൂപീകരണം കുറയ്ക്കുന്നതായി തെളിയിക്കപ്പെട്ടിട്ടുണ്ട്.
ഗോജി സരസഫലങ്ങളുടെ ജനപ്രീതിയുടെ ഏറ്റവും പ്രധാനപ്പെട്ട കാരണം അവയിൽ സീയാക്സാന്തിൻ എന്ന ആന്റിഓക്‌സിഡന്റിന്റെ ഉയർന്ന സാന്ദ്രത അടങ്ങിയിരിക്കുന്നു എന്നതാണ്. വിവിധ പഠനങ്ങൾ അനുസരിച്ച്, ഗോജി സരസഫലങ്ങൾ അടങ്ങിയ ഭക്ഷണക്രമം ഒരു വ്യക്തിയുടെ സീക്സാന്തിൻ അളവ് 26 ശതമാനം വർദ്ധിപ്പിക്കും. ഇത് പ്രായവുമായി ബന്ധപ്പെട്ട മാക്യുലർ ഡീജനറേഷൻ, ഗ്ലോക്കോമ, തിമിരം എന്നിവയുടെ അപകടസാധ്യത കുറയ്ക്കുന്നു.
വിറ്റാമിൻ സി, സിയാക്സാന്തിൻ, ബീറ്റാ കരോട്ടിൻ എന്നിവയുൾപ്പെടെയുള്ള ആന്റിഓക്‌സിഡന്റുകളാൽ സമ്പുഷ്ടമാണ് ഗോജി സരസഫലങ്ങൾ. ഈ ആന്റിഓക്‌സിഡന്റുകൾ ശരീരത്തിലെ ഹാനികരമായ ഫ്രീ റാഡിക്കലുകളെ നിർവീര്യമാക്കാനും ഓക്സിഡേറ്റീവ് സ്ട്രെസ് കുറയ്ക്കാനും ആരോഗ്യകരമായ രോഗപ്രതിരോധ സംവിധാനത്തെ പിന്തുണയ്ക്കാനും സഹായിക്കുന്നു. ശരീരത്തെ രോഗാണുക്കളിൽ നിന്ന് പ്രതിരോധിക്കാനും മൊത്തത്തിലുള്ള ആരോഗ്യം നിലനിർത്താനും ശക്തമായ പ്രതിരോധ സംവിധാനം രൂപീകരിക്കാൻ സഹായിക്കുന്നു. വിറ്റാമിൻ സിയുടെ നല്ല ഉറവിടം കൂടിയാണ് ഗോജി സരസഫലങ്ങൾ. രോഗപ്രതിരോധ പ്രവർത്തനത്തിൽ വിറ്റാമൻ സിയുടെ പങ്ക് വളരെ പ്രധാനമാണ്.
വിറ്റാമിനുകളും ധാതുക്കളും ഉൾപ്പെടെയുള്ള പോഷകങ്ങളുടെ മികച്ച ഉറവിടമായ ഗോജി ബെറികളിൽ വലിയ അളവിൽ കാർബോഹൈഡ്രേറ്റ് അടങ്ങിയിരിക്കുന്നു. അവയെ പോളിസാക്രറൈഡുകൾ എന്നും വിളിക്കുന്നു. ഈ സംയുക്തങ്ങൾ രക്തത്തിലെ പഞ്ചസാരയെ ഏറ്റവും ഫലപ്രദമായി നിയന്ത്രിക്കുന്നതിലും ടൈപ്പ് 2 പ്രമേഹത്തെ ചെറുക്കുന്നതിനും സഹായിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
