കരളിന്റെ ആരോ​ഗ്യത്തിന് മികച്ച ഭക്ഷണങ്ങൾ ഇവയാണ്

ശരീരത്തിലെ വളരെ പ്രധാനപ്പെട്ട അവയവങ്ങളിലൊന്നാണ് കരൾ. കരള്‍ ശരീരത്തിലെ വളരെ സങ്കീര്‍ണ്ണമായ ഒരു അവയവം കൂടിയാണ്. പ്രതിരോധശേഷി, ദഹനം, മെറ്റബോളിസം എന്നിവയിൽ കരളിന്റെ പങ്ക് വളരെ വലുതാണ്. ഭക്ഷണശീലങ്ങളും ഹെപ്പറ്റൈറ്റിസ് ബി, സി, തുടങ്ങിയ രോ​ഗങ്ങളും മദ്യത്തിന്റെയും പുകയിലയുടെയും മയക്കുമരുന്നിന്റെയും ഉപയോ​ഗവും കരളിന്റെ ആരോ​ഗ്യത്തെ ബാധിക്കാറുണ്ട്.

പഴങ്ങൾ

പഴങ്ങൾ കഴിക്കുന്നത് കരളിന്റെ ആരോഗ്യത്തിന് വളരെ നല്ലതാണ്. ഓറഞ്ച്, മുന്തിരി തുടങ്ങിയ പഴങ്ങൾ കരളിനെ ആരോ​ഗ്യമുള്ളതാക്കി നിലനിർത്തും. ഓറഞ്ചിലെ വിറ്റാമിൻ സി കരളിൽ കൊഴുപ്പ് അടിഞ്ഞുകൂടുന്നത് തടയാൻ സഹായിക്കുന്നു. ക്രാൻബെറി, ബ്ലൂബെറി തുടങ്ങിയ പഴങ്ങളിലെ ആന്റി ഓക്സിഡന്റ്​ ​ഗുണങ്ങളും കരളിന്റെ ആരോ​ഗ്യത്തിന് മികച്ചതാണ്.

ഓട്സ്

നാരുകളാൽ സമ്പുഷ്ടമായതിനാൽ ഓട്‌സ് കരളിന്റെ ആരോ​ഗ്യത്തിന് നല്ലതാണ്. ആന്റിഓക്‌സിഡന്റുകളാൽ സമ്പുഷ്ടമാണ് ഓട്സ്. ഓട്സ് കഴിക്കുന്നത് കരൾ സംബന്ധമായ അസുഖങ്ങൾ തടയാൻ ​സഹായിക്കും.

പച്ചക്കറികൾ

ഭക്ഷണത്തിൽ പച്ചക്കറികൾ ധാരാളമായി ഉൾപ്പെടുത്തുന്നത് പ്രതിരോധശേഷി വർധിപ്പിക്കും. രോഗങ്ങളെ തടയാനും മാനസികാരോഗ്യം വർധിപ്പിക്കാനും പച്ചക്കറികൾ ഭക്ഷണത്തിൽ ഉൾപ്പെടുത്തുന്നത് നല്ലതാണ്. ബ്രൊക്കോളി, കോളിഫ്ലവർ തുടങ്ങിയ പച്ചക്കറികൾ കരളിന്റെ ആരോ​ഗ്യത്തിന് മികച്ചതാണ്. നോൺ-ആൽക്കഹോളിക് ഫാറ്റി ലിവർ ഡിസീസ് തടയാനും ഇവയ്ക്ക് കഴിയും

നട്സ്

കരളിനെ ആരോഗ്യമുള്ളതായി നിലനിർത്താൻ നട്സ് സഹായിക്കും. ദൈനംദിന ഭക്ഷണത്തിൽ ബദാം പോലെയുള്ള ഒരു പിടി നട്സ് ഉൾപ്പെടുത്തുന്നത് നല്ലതാണ്. ബദാമിലെ കൊഴുപ്പ് നല്ല കൊഴുപ്പാണ് ഇത് മറ്റ് ആരോ​ഗ്യപ്രശ്നങ്ങൾ ഉണ്ടാക്കുന്നില്ല. ബദാം കഴിക്കുന്നത് ഹൃദയത്തിന്റെ ആരോ​ഗ്യത്തിനും നല്ലതാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy