ന്യൂഡൽഹി: കൊവിഡ് ബാധിതരുടെ എണ്ണത്തിൽ വലിയ കുറവ് രേഖപ്പെടുത്താത്ത സാഹചര്യത്തിൽ കേന്ദ്ര സംഘം (Central team) കേരളത്തിലെത്തി സ്ഥിതിഗതികൾ വിലയിരുത്തും. കേരളം അടക്കമുള്ള സംസ്ഥാനങ്ങളിലെ സാഹചര്യം വിലയിരുത്താൻ കേന്ദ്ര സംഘം എത്തും. രോഗവ്യാപനം (Covid cases) കുറയാത്ത സാഹചര്യത്തിലാണ് കേന്ദ്ര സംഘം വീണ്ടും സന്ദർശനം നടത്തുന്നത്.
ആരോഗ്യമന്ത്രാലയത്തിൽ ചേർന്ന ഉന്നതതല യോഗത്തിലാണ് കേന്ദ്ര സംഘത്തെ വിവിധ സംസ്ഥാനങ്ങളിലേക്ക് അയയ്ക്കാൻ തീരുമാനമായത്. ത്രിപുര, ഒഡീഷ, ഛത്തീസ്ഗഢ്, മണിപ്പൂർ, അരുണാചൽ പ്രദേശ് തുടങ്ങിയ സംസ്ഥാനങ്ങളിലേക്കും കേന്ദ്രസംഘത്തെ അയക്കും. രോഗബാധ കൂടുതലുള്ള പ്രദേശങ്ങളിൽ കേന്ദ്ര സംഘം എത്തി സ്ഥിതിഗതികൾ വിലയിരുത്തും.
കർശന നിയന്ത്രണങ്ങളോടെ ലോക്ക് ഡൗൺ (Lockdown) നടപ്പാക്കിയിട്ടും കേരളത്തിൽ രോഗബാധ കുറയാത്തത് ആശങ്ക സൃഷ്ടിക്കുന്നുണ്ട്. ടെസ്റ്റ് പോസിറ്റിവിറ്റി നിരക്ക് 10 മുകളിൽ തുടരുകയാണ് ഇപ്പോഴും. വൈറസിന്റെ പുതിയ വകഭേദങ്ങൾ റിപ്പോർട്ട് ചെയ്യുന്നതും ആശങ്കയ്ക്ക് ഇടയാക്കുന്നുണ്ട്.
ആറംഗ ആരോഗ്യവിദഗ്ധരാണ് കേന്ദ്രസംഘത്തിൽ ഉണ്ടാകുക. സംസ്ഥാനത്ത് എത്തുന്ന സംഘം ആദ്യം സംസ്ഥാനത്തെ സ്ഥിതിഗതികളും വെല്ലുവിളികളും വിലയിരുത്തും. പിന്നീട് രോഗവ്യാപനം കുറയ്ക്കുന്നതിന് വേണ്ട നിർദേശങ്ങൾ നൽകും. ആരോഗ്യ വകുപ്പുമായി (Health department) ചേർന്ന് കൊവിഡ് പ്രതിരോധ പ്രവർത്തനങ്ങൾ ഊർജ്ജിതപ്പെടുത്തലാണ് കേന്ദ്രസംഘത്തിന്റെ ചുമതല.
പബ്ലിക് ഹെൽത്ത് സ്പെഷ്യലിസ്റ്റ് ഡോ. രുചി ജെയ്ന്റെ നേതൃത്വത്തിലുള്ള സംഘമാണ് കേരളത്തിലെത്തുക. രോഗവ്യാപനം കുറയ്ക്കുന്നതിനുള്ള മാർഗനിർദേശങ്ങൾ നൽകാനും രോഗവ്യാപനം കുറയ്ക്കാനും വിദഗ്ധ സംഘം സംസ്ഥാനത്തെ സഹായിക്കുമെന്ന് കേന്ദ്ര ആരോഗ്യമന്ത്രാലയം വ്യക്തമാക്കി.
നിലവിൽ കേരളത്തിൽ പ്രതിദിന രോഗികളുടെ എണ്ണത്തിൽ വലിയ കുറവ് ഉണ്ടാകുന്നില്ല. ടിപിആർ 10 ശതമാനത്തിന് മുകളിൽ തുടരുകയാണ്. ഈ സാഹചര്യത്തിലാണ് കേന്ദ്രം വിദഗ്ധ സംഘത്തെ സംസ്ഥാനത്തേക്ക് അയയ്ക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
