Fire in flight engine: പറന്നുയർന്ന വിമാനത്തിന്റെ എഞ്ചിനിൽ തീ; പൈലറ്റിന്റെ അടിയന്തര ഇടപെടലിൽ ഒഴിവായത് വൻ ദുരന്തം

Hyderabad Kuala Lumpur Flight: എഞ്ചിനിൽ തീപടർന്നതിനെ തുടർന്ന് വിമാനം തിരിച്ചിറക്കി. മലേഷ്യൻ എയർലൈൻസിന്റെ എംഎച്ച് 199 വിമാനമാണ് തിരിച്ചിറക്കിയത്.

ന്യൂഡൽഹി: ഹൈദരാബാദിലെ രാജീവ് ​ഗാന്ധി അന്താരാഷ്ട്ര വിമാനത്താവളത്തിൽ നിന്ന് ക്വാലാലംപുരിലേക്ക് തിരിച്ച മലേഷ്യൻ എയർലൈൻസിന്റെ എഞ്ചിനിൽ തീപടർന്നതിനെ തുടർന്ന് വിമാനം തിരിച്ചിറക്കി. മലേഷ്യൻ എയർലൈൻസിന്റെ എംഎച്ച് 199 വിമാനമാണ് തിരിച്ചിറക്കിയത്. വ്യാഴാഴ്ച പുലർച്ചെയാണ് സംഭവം നടന്നത്. സാങ്കേതിക തകരാർ മൂലമാണ് തീ പടർന്നതെന്നാണ് റിപ്പോർട്ട്. ആർക്കും പരിക്കില്ല.

A Hyderabad-Kuala Lumpur flight with over 100 passengers on board made an emergency landing back in Hyderabad this morning due to a right engine failure. The flight, which departed last night, was in the air for nearly two hours before safely landing at Shamshabad. Passengers… pic.twitter.com/2HkcLmHf8G

— Sudhakar Udumula (@sudhakarudumula) June 20, 2024

വിമാനത്തിൽ 130 യാത്രക്കാരാണ് ഉണ്ടായിരുന്നത്. വിമാനത്താവളത്തിൽ നിന്ന് പുറപ്പെട്ട് 15 മിനിറ്റിനുള്ളിൽ എഞ്ചിനിൽ തീപിടിച്ചു. തുടർന്ന്, യാത്രക്കാർക്ക് മുന്നറിയിപ്പ് നൽകിയതിന് ശേഷം പൈലറ്റ് വിമാനം തിരിച്ചിറക്കുകയായിരുന്നു. സംഭവത്തിൽ അന്വേഷണം ആരംഭിച്ചതായി അധികൃതർ വ്യക്തമാക്കി. പൈലറ്റിന്റെ സമയോചിത ഇടപെടലാണ് വലിയ ദുരന്തം ഒഴിവാക്കിയത്.