Thalapathy Vijay Speech: 'ഒരു മുടിവോടെ താൻ വന്തിറുക്കേൻ, നോ ലുക്ക് ബാക്ക്'; വിഴുപ്പുറത്തെ ഇളക്കി മറിച്ച് ദളപതി

Thalapathy Vijay First Political Speech: രാഷ്ട്രീയത്തെ ധൈര്യമായി നേരിടും. ​ഗൗരവത്തോടെയും പുഞ്ചരിയോടെയും രാഷ്ട്രീയത്തിൽ ഇടപെടുമെന്ന് വിജയ്.

വിഴുപ്പുറം വിക്രവാണ്ടിയിൽ ടിവികെയുടെ ആദ്യത്തെ സംസ്ഥാന സമ്മേളനത്തിൽ പ്രവർത്തകരെ അഭിവാദ്യം ചെയ്ത് ദളപതി വിജയ്. വേദിയിൽ നിന്നിറങ്ങിച്ചെന്ന് അമ്മയുടെയും അച്ഛന്റെയും അനു​ഗ്രഹം വാങ്ങിയതിന് ശേഷമാണ് പ്രസം​ഗം ആരംഭിച്ചത്. ഉയിർ വണക്കം ചൊല്ലി ദളപതി.

രാഷ്ട്രീയത്തിൽ ഞാൻ കുട്ടിയായിരിക്കാം, എന്നാൽ പാമ്പിനെ കണ്ടാലും ഭയമില്ല. രാഷ്ട്രീയത്തെ ധൈര്യമായി നേരിടും. ​ഗൗരവത്തോടെയും പുഞ്ചരിയോടെയും രാഷ്ട്രീയത്തിൽ ഇടപെടും. നമ്മൾ എല്ലാവരും സമൻമാർ. ഞാനും നീയും ഇല്ല, നമ്മൾ മാത്രം. രാഷ്ട്രീയം മാറണം. അല്ലെങ്കിൽ പുതിയ ലോകം അതിനെ മാറ്റിമറിക്കും.

ALSO READ: തമിഴക വെട്രി കഴകത്തിന്റെ ആദ്യ സമ്മേളനം

പറയുന്നതല്ല മുഖ്യം പ്രവർത്തിക്കുന്നതാണ്. രാഷ്ട്രീയപരമായി ഔപചാരികതകൾ വേണ്ടെന്ന് വിജയ്. വേദിയിലായാലും പുറത്തായാലും എല്ലാവരും ഒന്ന്. പെരിയാറിന്റെ തത്വങ്ങൾ സ്വീകരിക്കും. എന്നാൽ ടിവികെ ദൈവ വിശ്വാസത്തിന് എതിരല്ല. പെരിയാർ വഴികാട്ടി, ഒരു കുലം ഒരു ദൈവം എന്നതാണ് ടിവികെയുടെ നയം.

ശാസ്ത്രവും ടെക്നോളജിയും മാത്രം മാറിയാൽ പോര. രാഷ്ട്രീയവും മാറണം. ടിവികെ രാഷ്ട്രീയത്തിൽ നവയു​ഗം സൃഷ്ടിക്കുമെന്ന് വിജയ്. അഴിമതി വൈറസ്. ഒത്തുതീർപ്പ് രാഷ്ട്രീയത്തിനില്ല. രാഷ്ട്രീയത്തിൽ ഇറങ്ങിയത് ജനങ്ങൾക്കായി. നയം പ്രഖ്യാപിക്കുമ്പോൾ തന്നെ ശത്രുക്കളും ഉണ്ടായി.

അഴിമതി രാഷ്ട്രീയക്കാരാണ് ശത്രുക്കൾ. അഴിമതിക്ക് കൂട്ടുനിൽക്കുന്നവരും ശത്രുക്കൾ. ജാതിയെ എതിർക്കും വിശ്വാസത്തെയല്ല. 2026 നിയമസഭ തെരഞ്ഞെടുപ്പിൽ മത്സരിക്കും. ടിവികെ ചിഹ്നത്തിൽ തമിഴ്നാട് വോട്ട് ചെയ്യുമെന്ന് വിജയ്. ഡിഎംകെയെ വിമർശിച്ച് വിജയ്. ദ്രാവിഡ മോഡലെന്ന് പറഞ്ഞ് ഡിഎംകെ വഞ്ചിക്കുകയാണെന്ന് വിജയ്. ഡിഎംകെ തമിഴ്നാട് കൊള്ളയടിക്കുന്ന കുടുംബമെന്ന് വിജയ്.