Viral Video: നായകളെയും പൂച്ചകളെയും ഒക്കെ ഒരുപാട് പേർ വീട്ടിൽ വളർത്താറുണ്ട്. കുടുംബത്തിലെ ഒരു അംഗത്തെ പോലെയാണ് ഇവർ വളർത്ത് മൃഗങ്ങളെ കാണുന്നത്. അത്തരത്തിലുള്ള വളർത്ത് മൃഗങ്ങളുടെ വീഡിയോ പലപ്പോഴും സോഷ്യൽ മീഡിയയിൽ വൈറലാകാറുണ്ട്. ഇവയുടെ പല പ്രവർത്തികളും കാഴ്ചക്കാരിൽ ചിരി ഉണർത്തുന്നവയാണ്. വീട്ടിലെ മുറികളിലും അടുക്കളയിലും എല്ലാം ഇവ ഓടി നടക്കാറുണ്ട്. അത്തരത്തിൽ ഓടി നടക്കുന്ന ഒരു പൂച്ചയുടെ വീഡിയോ ആണ് ഇവിടെ വൈറലാകുന്നത്.
വെറുതെ ഓടി നടന്നാൽ എങ്ങനെ വൈറൽ ആകും എന്നല്ലേ നിങ്ങൾ ചിന്തിക്കുന്നത്? സ്പൈഡർമാനെ പോലെ ഭിത്തിയിൽ ഓടി കയറുന്ന പൂച്ചയാണിത്. അലമാരയിലും മറ്റും ഇവ ചാടി കയറുന്നത് നമ്മൾ കണ്ടിട്ടുണ്ട്. എന്നാൽ ഭിത്തിയിലൂടെ സ്പൈഡർമാനെ പോലെ പിടിച്ച് പിടിച്ച് കയറുന്ന പൂച്ചയെ കണ്ടിട്ടുണ്ടോ. പൂച്ച താഴെ വെറുതെ കിടക്കുന്നത് ആണ് വീ‍ഡിയോയിൽ ആദ്യം കാണുന്നത്.
Spider kitty.. pic.twitter.com/JJ70c2NfJQ
— o̴g̴ (@Yoda4ever) July 9, 2022
പിന്നീട് പെട്ടെന്ന് ആരോ തല്ലാൻ വരുന്ന പോലെ ഓടി നല്ല ഉയരമുള്ള ഷെൽഫിന്റെ മുകളിൽ സ്പൈഡർമാൻ വലിഞ്ഞ് കയറും പോലെ കയറി ഒരൊറ്റ പോക്കായിരുന്നു. കുറച്ച് സമയം ഷെൽഫിന്റെ മുകളിൽ അങ്ങനെ ഇരുന്നു. പിന്നെ വീണ്ടും അവിടെ നിന്ന് താഴേക്ക് ഇറങ്ങി. തിരിച്ച് ഇറങ്ങിയതും സ്പൈഡർമാനെ പോലെ തന്നെയായിരുന്നു. അത് കൊണ്ട് തന്നെ സ്പൈഡർ കിറ്റി എന്നാണ് സോഷ്യൽ മീഡിയ ഈ പൂച്ചയെ വിശേഷിപ്പിച്ചത്.
Also Read: Viral Video: ഇവിടെ വാടീ...നിന്നെ ഞാൻ ശരിയാക്കി തരാം, ഉടമയുടെ മുടി പിടിച്ച് വലിച്ച് പൂച്ച
Yog എന്ന ട്വിറ്റർ പേജിലൂടെയാണ് ഈ സ്പൈഡർ കിറ്റിയുടെ വീഡിയോ പങ്കുവച്ചിട്ടുള്ളത്. ഒന്നര ലക്ഷത്തിനടുത്ത് ആളുകൾ ഈ വീഡിയോ കാണുകയും നിരവധി പേർ ലൈക്കും കമന്റും ചെയ്യുകയും ചെയ്തു.
Viral Video: ഏ... ഇത് ഞാനാണോ; കണ്ണാടിയിൽ നോക്കിയ പൂച്ചയുടെ റിയാക്ഷൻ വൈറലാകുന്നു
പൂച്ചകളുടെ രസകരമായ നിരവധി വീഡിയോകൾ സോഷ്യൽ മീഡിയയിൽ മിക്കവാറും നമ്മൾ കാണാറുള്ളതാണ്. ഇവയിൽ പലതും വളരെ വേഗത്തിലാണ് സോഷ്യൽ മീഡിയയിൽ വൈറലാകുന്നത്. ഇവയുടെ വീഡിയോകൾ മാത്രം പങ്കുവയ്ക്കുന്നതിനായി പല സോഷ്യൽ മീഡിയ പേജുകളും ഉണ്ട്. പൂച്ചകൾ കണ്ണാടി നോക്കി കാണിക്കുന്ന ചില എക്സ്പ്രഷൻസ് വളരെ രസകരമാണ്. അത്തരത്തിൽ Yog എന്ന പേരിലുള്ള ഒരു ട്വിറ്റർ അക്കൗണ്ടിൽ പങ്കുവച്ച വീഡിയോ ആണ് ഇപ്പോൾ വൈറലാകുകയാണ്.
പൂച്ച കണ്ണാടി നോക്കി അത്ഭുതപ്പെട്ട് നിൽക്കുന്ന വീഡിയോ ആണ് വൈറലാകുന്നത്. കുറച്ച് നേരം പൂച്ച കണ്ണാടിയിൽ നോക്കി അനങ്ങാതെ നിൽക്കുന്നത് കാണാം. പിന്നെ പതിയെ തിരിഞ്ഞ് ക്യാമറയിലേക്ക് ഒരു നോട്ടം. ഇത് കണ്ടാൽ ആരും ചിരിച്ച് പോകും. ഇത് ഞാൻ തന്നെയാണോ, ഞാൻ ഇങ്ങനെയാണോ എന്നൊക്കെയുള്ള ഭാവത്തിലാണ് പൂച്ചയുടെ നോട്ടം.
അൻപത്തിയാറായിരത്തിലധികം പേർ വീഡിയോ കണ്ട് കഴിഞ്ഞു. 16 സെക്കൻഡ് മാത്രം ദൈർഘ്യമുള്ള വീഡിയോ നിരവധി പേർ ലൈക്കും കമന്റ്സും ചെയ്തിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
