Rahul Mamkootathil: രാഹുൽ മാങ്കൂട്ടത്തിലിന് നിർണ്ണായകം; ജാമ്യ വ്യവസ്ഥയിലെ ഇളവിൽ വിധി ഇന്ന്

Rahul Mamkootathil: പൂരം കലക്കൽ ഗൂഢാലോചനക്കെതിരെയാണ് താൻ സമരം ചെയ്തത് തന്നെ സ്ഥിരം കുറ്റവാളിയെന്ന് പോലീസ് വിളിക്കുന്നത് എന്തുകൊണ്ട്?

തിരുവനന്തപുരം: എല്ലാ തിങ്കളാഴ്ചയും മ്യൂസിയം സ്റ്റേഷനിൽ ഹാജരാകണം എന്ന ജാമ്യ വ്യവസ്ഥയിൽ ഇളവ് തേടിക്കൊണ്ടുള്ള പാലക്കട്ടെ യുഡിഎഫ് സ്ഥാനാർത്ഥിയും യൂത്ത് കോൺഗ്രസ് സംസ്ഥാന അധ്യക്ഷനുമായ രാഹുൽ മാങ്കൂട്ടത്തിലിൻ്റെ ഹർജിയിൽ ഇന്ന് കോടതി വിധി പറയും. 

ഹർജിയിൽ തിരുവനന്തപുരം സിജെഎം കോടതിയാണ് വിധി പറയുന്നത്. രാഹുലിന്‌ ഇളവ് നൽകരുത് എന്ന റിപ്പോർട്ടാണ് പോലീസ് നൽകിയിരിക്കുന്നത്.  സെക്രട്ടറിയേറ്റ് മാർച്ചിലെ സംഘർഷവുമായി ബന്ധപ്പെട്ട് എല്ലാ തിങ്കളാഴ്ചയും തിരുവനന്തപുരം മ്യൂസിയം പോലീസ് സ്റ്റേഷനിൽ നേരിട്ടെത്തി ഒപ്പിടണമെന്ന ജാമ്യവ്യവസ്ഥയിലാണ് രാഹുൽ മാങ്കൂട്ടത്തിൽ ഇളവ് തേടിയിരിക്കുന്നത്. 

ഇതിനെ എതി‍ർത്ത പോലീസ് ഇളവ് നൽകിയാൽ സമൂഹത്തിന് തെറ്റായ സന്ദേശം നൽകുമെന്ന് കോടതിയിൽ സമർപ്പിച്ച റിപ്പോർട്ടിൽ വ്യക്തമാക്കുന്നു. രാഹുൽ മാങ്കൂട്ടത്തിൽ സ്ഥാനാർഥി എന്ന നിലക്കാണ് ഹർജി നൽകിയിരിക്കുന്നത്. സ്ഥാനാർത്ഥി ആയിട്ടും പോലീസ് തന്നെ വേട്ടയാടുകയാണ് എന്നായിരുന്നു രാഹുലിന്റെ പ്രതികരണം.

പൂരം കലക്കൽ ഗൂഢാലോചനക്കെതിരെയാണ് താൻ സമരം ചെയ്തതെന്നും തന്നെ സ്ഥിരം കുറ്റവാളിയെന്ന് പോ\ലീസ് വിളിക്കുന്നത് എന്തുകൊണ്ടാണെന്നും രാഹുൽ മാങ്കൂട്ടത്തിൽ ചോദിച്ചിട്ടുണ്ട്.