പ്രളയക്കെടുതി: കേന്ദ്ര സംഘം വീണ്ടും കേരളത്തിലേക്ക്

ന്യൂഡല്‍ഹി: പ്രളയക്കെടുതിയില്‍ സംസ്ഥാനത്തിനുണ്ടായ നഷ്ടം പരിശോധിക്കാന്‍ കേന്ദ്ര സംഘം വീണ്ടുമെത്തും.

കാലവര്‍ഷം നാശം വിതച്ച കേരളത്തില്‍ നാശനഷ്ടങ്ങളുടെ കണക്കുകള്‍ വളരെയധികമാണ്.

ഇത് പരിശോധിക്കണമെന്ന സംസ്ഥാനത്തിന്‍റെ അപേക്ഷ പരിഗണിച്ചാണ് കേന്ദ്ര സംഘം വീണ്ടുമെത്തുന്നത്.

അതേസമയം ആഭ്യന്തര വകുപ്പിലെ സെക്രട്ടറി ധർമ്മ റെഡ്ഡിയുടെ നേതൃത്വത്തില്‍ ഏഴ് അംഗ കേന്ദ്ര സംഘം ആഗസ്റ്റ്‌ 7ന് ദുരിതബാധിത മേഖലകൾ സന്ദര്‍ശിക്കാന്‍ എത്തിയിരുന്നു. 

മൂന്ന് ദിവസമാണ് സംഘം സന്ദർശനം നടത്തിയത്. ആലപ്പുഴ, കോട്ടയം, എറണാകുളം, പത്തനംതിട്ട ജില്ലകള്‍ സന്ദര്‍ശിച്ച സംഘം കേന്ദ്രത്തില്‍ റിപ്പോര്‍ട്ട്‌ സമര്‍പ്പിച്ചിരുന്നു.