Kerala Lok Sabha Exit Poll Result: ലോക്സഭ തെരഞ്ഞെടുപ്പിൽ നേട്ടം ആർക്ക്, ആര് വീഴും എന്ന സൂചനയുമായി എക്സിറ്റ് പോള്‍ ഫലങ്ങള്‍. ജനവിധി അറിയാൻ മൂന്ന് ദിവസം മാത്രമാണ് ശേഷിക്കുന്നത്. വോട്ടര്‍മാർ ആർക്കൊപ്പം എന്നതാണ് എക്സിറ്റ് പോളിലൂടെ മനസിലാകുന്നത്. അവസാന ഘട്ട തെരഞ്ഞെടുപ്പ് നടപടികള്‍ പൂര്‍ത്തിയാക്കിയതിന് ശേഷമാണ് എക്സിറ്റ് പോൾ ഫലം വന്നത്. ആക്സിസ് മൈ ഇന്ത്യ, ടുഡേയ്സ് ചാണക്യ, സി വോട്ടര്‍ സിഎസ്ഡിസ് തുടങ്ങിയ പ്രധാന ഏജന്‍സികളാണ് വാര്‍ത്താ മാധ്യമങ്ങളുമായി ചേര്‍ന്ന് ഫലം പുറത്ത് വിട്ടത്.
കേരളത്തിൽ ഇത്തവണ യുഡിഎഫ് തരംഗമെന്ന് സർവേകൾ. ടൈംസ് നൗ സർവേ പ്രകാരം യുഡിഎഫ് 14-15, എൽഡിഎഫ് 4, ബിജെപി 1 സീറ്റും നേടുമെന്ന് പ്രവചനം. ഇന്ത്യ ടുഡേ ആക്സിന് മൈ ഇന്ത്യ സർവേ പ്രകാരം യുഡിഎഫ് 17 -18, എൽഡിഎഫിന് 0-1, ബിജെപി 2-3 സീറ്റുകൾ വരെ നേടുമെന്നാണ് പ്രവചനം. ഭരണകക്ഷിയായ എൽഡിഫിന് കനത്ത തിരിച്ചടിയുണ്ടാകുമെന്നാണ് എബിസി സി വോട്ടറിന്റെ സർവേ ഫലം. എൽഡിഎഫിന് ഒരു സീറ്റ് പോലും നേടാനാകില്ല എന്നാണ് സർവേ പ്രവചനം. അതേസമയം യുഡിഎഫ് 17-19 സീറ്റ് വരെയും ബിജെപി 1-3 വരെ സീറ്റുകൾ നേടുമെന്നും സി വോട്ടറിന്റെ സർവേ പറയുന്നു. ഇന്ത്യ ടിവി - സിഎൻഎക്സ് - യുഡിഎഫ് - 13-15, എൽഡിഎഫ് 3-5, ബിജെപി 1-3 എന്നിങ്ങനെയാണ് സർവേ ഫലം.
തിരുവനന്തപുരത്ത് രാജീവ് ചന്ദ്രശേഖർ ജയിക്കുമെന്നാണ് ഇന്ത്യ ടുഡേ ആക്സിന് മൈ ഇന്ത്യ പ്രവചിക്കുന്നത്. തൃശൂരിലും ബിജെപി അക്കൗണ്ട് തുറക്കുമെന്നാണ് സർവേ ഫലം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
