Malappuram : മലപ്പുറത്ത് കാണാതായ യുവതിയെ മരിച്ചനിലയിൽ പുഴയിൽ നിന്ന് കണ്ടെത്തി. വള്ളിക്കുന്ന് സ്വദേശിനിയായ ആര്യയുടെ മൃതദേഹമാണ് പുഴയിൽ നിന്ന് കണ്ടെത്തിയത്. 26 വയസായിരുന്നു. ഇന്നലെ വൈകുന്നേരം മുതൽ യുവതിയെ കാണാൻ ഇല്ലായിരുന്നു. ഒരാഴ്ച മുമ്പാണ് യുവതിയുടെ വിവാഹം കഴിഞ്ഞത്.
കോട്ടക്കടവ് പുഴയിൽ നിന്നാണ് മൃതദേഹം കണ്ടെത്തിയത്. കഴിഞ്ഞ തിങ്കളാഴ്ച കക്കോടി സ്വദേശിയുമായ വിവാഹം കഴിഞ്ഞ ആര്യയും ഭർത്താവും ശനിയാഴ്ച വൈകുന്നേരത്തോട് കൂടി ആര്യയുടെ വീട്ടിൽ എത്തിയിരുന്നു. പിന്നീട് ഫോട്ടോസ്റ്റാറ് എടുക്കാനെന്ന പേരിൽ ആര്യ വീട്ടിൽ നിന്ന് പോയി. എന്നാൽ പിനീട് ഒരു വിവരവും ലഭിച്ചിരുന്നില്ല.
ALSO READ: Crime News: കുതിരവട്ടം മാനസികാരോഗ്യ കേന്ദ്രത്തിലെ അന്തേവാസിയുടെ മരണം കൊലപാതകം, അറസ്റ്റ് ഉടന്‍
എത്തേണ്ട സമയം കഴിഞ്ഞും കാണാതായത്തൊടെ വീട്ടുകാർ ആരണ്യയെ അന്വേഷിച്ചിറങ്ങി. അന്വേഷണത്തിനൊടുവിൽ ആര്യയെ കണ്ടെത്തിയ പുഴയുടെ കരയിൽ നിന്ന് സ്കൂട്ടറും ചെരുപ്പും കണ്ടെത്തി. ഇതിനെ തുടർന്ന് ഇന്നലെ തന്നെ പുഴയിൽ നാട്ടുകാരുടെ സഹായത്തോടെ അന്വേഷണം നടത്തിയിരുന്നുവെങ്കിലും കണ്ടെത്താൻ കഴിഞ്ഞില്ല.
ആര്യയെ കണ്ടെത്താൻ കഴിയാത്തതിനെ തുടർന്ന് ഇന്ന് വീണ്ടും നടത്തിയ തിരച്ചിലിലാണ് മൃതദേഹം കണ്ടെത്തിയത്. പോസ്റ്റ്മോർട്ടത്തിന് ശേഷം മാത്രമേ കൂടുതൽ വിവരങ്ങൾ ലഭിക്കുകയുള്ളൂവെന്ന് പൊലീസ് ഉദ്യോഗസ്ഥർ അറിയിച്ചു. മൃതദേഹം നിലവിൽ കോഴിക്കോട് മെഡിക്കൽ കോളേജിലേക്ക് മാറ്റിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
