Rahul Gandhi: ന്യായ് യാത്ര നിർത്തി; രാഹുൽ ​ഗാന്ധി വയനാട്ടിലേക്ക്

Rahul Gandhi in Wayanad: ജില്ലയിൽ വന്യജീവി ആക്രമണവും അതിനെതുടർന്നുള്ള മരണങ്ങളും തുടർകഥയാതോടെ വിഷയം ദേശീയ തലത്തിൽ‍ ചർച്ചയാകുകയാണ്. അിനു പിന്നാലെയാണ് ഭാരത് ന്യായ് യാത്രയ്ക്ക് താൽക്കാലികമായി ഇടവേള നൽകി രാഹുൽ ​ഗാന്ധി വയനാട്ടിലേക്ക് പുറപ്പെട്ടിരിക്കുന്നത്.

വയനാട്ടിൽ വന്യജീവി ആക്രമണങ്ങളുമായി ബന്ധപ്പെട്ട സംഘർഷം മുറുകുന്നതിനിടയിൽ രാ​ഹുൽ ​ഗാന്ധി എംപി വയനാട്ടിലേക്ക്. ഇന്ന് വൈകുന്നേരം വാരണാസിയിൽ നിന്നും കേരളത്തിലേക്ക് പുറപ്പെടും. ജില്ലയിൽ വന്യജീവി ആക്രമണവും അതിനെതുടർന്നുള്ള മരണങ്ങളും തുടർകഥയാതോടെ വിഷയം ദേശീയ തലത്തിൽ‍ ചർച്ചയാകുകയാണ്. അിനു പിന്നാലെയാണ് ഭാരത് ന്യായ് യാത്രയ്ക്ക് താൽക്കാലികമായി ഇടവേള നൽകി രാഹുൽ ​ഗാന്ധി വയനാട്ടിലേക്ക് പുറപ്പെട്ടിരിക്കുന്നത്. കഴിഞ്ഞദിവസം പോളിന്റെ മരണത്തിന് പിന്നാലെ രാഹുൽ ​ഗാന്ധി വയനാട് ജില്ലാ കളക്ടറേ ഫോണിൽ വിളിച്ച് സംസാരിച്ചിരുന്നു. 

അതിനുപുറമേ ഡെൽഹിയിൽ ഡൽഹിയിൽ വിവിധ കേന്ദ്രവുമായി ബന്ധപ്പെട്ട് വേണ്ട ഇടപെടലുകൾ അദ്ദേഹം നടത്തുകയും ചെയതു. വയനാട്ടിലെ ജനങ്ങൾക്കൊപ്പം ഇപ്പോൾ നിൽക്കേണ്ട സമയമാണെന്നും അത് തന്റെ ചുമതലയും അവരുടെ പ്രശ്നങ്ങൾക്ക് പരിഹാരം കാണേണ്ടത് തന്റെ കർത്തവ്യവുമാണെന്ന് പൂർണ്ണ ബോധ്യമുള്ള രാഹുൽ ​ഗാന്ധി ഇന്ന് വൈകിട്ടോടെ വാരണാസിയിൽ നിന്നും പുറപ്പെട്ട് ഉടനെ തന്നെ കേരളത്തിലെത്തുമെന്നാണ് ജയ്റാം രമേശ് മാധ്യമങ്ങളോട് പ്രതികരിച്ചത്. നാളെ ഉച്ചവരെ വയനാട്ടിൽ നിന്ന ശേഷം ഭാരത് ജോഡോ ന്യായ് യാത്ര പുനരാരംഭിക്കുന്നതിനായി വൈകിട്ട് 3 മണിയോടെ പ്രയാ​ഗ് രാജിലേക്ക് രാഹുൽ തിരിച്ചെത്തും.