ലൈംഗികാരോപണത്തെ തുടർന്ന് നടൻ സിദ്ദിഖ് രാജിവച്ചതിന് പിന്നാലെ പ്രതികരണവുമായി നടി രേവതി സമ്പത്ത്. സിദ്ദിഖ് രാജിവച്ചാൽ മാത്രം പോര താരത്തെ മലയാള സിനിമയിൽ നിന്ന് വിലക്കണമെന്ന് രേവതി പറഞ്ഞു. രാജി അത്ര നിഷ്കളങ്കമായി തോന്നുന്നില്ല. നിരവധി പേരുടെ സ്വപ്നങ്ങൾ ചവിട്ടി തകർത്തുകൊണ്ടുള്ളതാണ് സിദ്ദിഖിന്റെ പദവിയെന്ന് രേവതി തുറന്നടിച്ചു. സർക്കാരിന്റെ ഭാഗത്ത് നിന്നും നീതി ലഭിക്കുമെന്ന ഉറപ്പ് ലഭിച്ചാൽ പൊലീസിൽ പരാതി നൽകാനും നിയമ നടപടിയുമായി മുന്നോട്ട് പോകാനും തയാറാണെന്ന് രേവതി പറഞ്ഞു.
നടൻ റിയാസ് ഖാനെതിരെയും രേവതി സമ്പത്ത് ആരോപണമുന്നയിച്ചിട്ടുണ്ട്. തന്റെ നമ്പർ സംഘടിപ്പിച്ച് ഫോണിലേക്ക് വിളിച്ച റിയാസ് ഖാൻ തന്നോട് വളരെ മോശമായി സംസാരിച്ചുവെന്നും നടി വ്യക്തമാക്കി. സുഹൃത്തുക്കളാരെങ്കിലും ഉണ്ടെങ്കിൽ ഒപ്പിച്ചു തരാൻ നടൻ പറഞ്ഞുവെന്നും രേവതി ആരോപിച്ചു. സംവിധായകൻ രാജേഷ് ടച്ച്റിവറിന് എതിരായ ആരോപണത്തിലും രേവതി സമ്പത്ത് ഉറച്ചു നിന്നു. ചവിട്ടി പുറത്താക്കേണ്ട ആളാണ് രാജേഷെന്നും സെറ്റിലുടനീളം സ്ത്രീ വിരുദ്ധ സമീപനമാണ് രാജേഷിന്റേതെന്നും രേവതി പറഞ്ഞു.
Also Read: Actor Sidhique: സിദ്ദിഖ് അമ്മ ജനറൽ സെക്രട്ടറി സ്ഥാനമൊഴിഞ്ഞു; രാജി ലൈംഗികാരോപണത്തിന് പിന്നാലെ
കഴിഞ്ഞ ദിവസമാണ് രേവതി സിദ്ദിഖിനെതിരെ ലൈംഗികാരോപണം ഉന്നയിച്ചത്. പ്ലസ് ടു കഴിഞ്ഞ് നിൽക്കുന്ന സമയത്താണ് സിദ്ദിഖ് തന്നോട് മോശമായി പെരുമാറിയതെന്നും 2019ല്‍ തന്നെ ഇക്കാര്യം തുറന്നുപറഞ്ഞിട്ടുണ്ടെന്നും രേവതി മാധ്യമങ്ങളോട് പറഞ്ഞിരുന്നു. ഇക്കാര്യം തുറന്നു പറഞ്ഞതിന് പിന്നാലെ സിനിമയില്‍ നിന്നും മാറ്റി നിര്‍ത്തപ്പെട്ടെന്നും രേവതി വ്യക്തമാക്കിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
