അന്താരാഷ്ട്ര ക്രിക്കറ്റിൽ നിന്നും വിരമിച്ച ഇന്ത്യൻ താരം ധോണിയ്ക്ക എല്ലാവിധ ആശംസകളും നേർന്നുകൊണ്ട് മലയാളത്തിന്റെ സ്വന്തം ലാലേട്ടൻ രംഗത്ത്. തന്റെ ഫെയ്സ്ബുക്കിലൂടെയാണ് മോഹൻലാൽ ധോണിയ്ക്ക് ആശംസകൾ നേർന്നത്.
Also read: ധോണി-റെയ്ന വിരമിക്കലിലും ആ മനോഹര സൗഹൃദം!
ഭാവിയിലേക്കുള്ള എല്ലാ ആശംസകളും നേരുന്നുവെന്നാണ് മോഹലാൽ ഫെയ്സ്ബുക്കിൽ കുറിച്ചത്. മോഹൻലാലിന് ക്രിക്കറ്റിനോട് പ്രത്യേക താൽപര്യം തന്നെയുണ്ട്. ചലച്ചിത്ര താരങ്ങളുടെ സെലിബ്രിറ്റി ക്രിക്കറ്റ് ലീഗിൽ അമ്മ കേരളാ സ്ട്രൈക്കേഴ്സിന്റെ ക്യാപ്റ്റനായിരുന്നു അദ്ദേഹം.
Also read: ധോണി ഇന്ത്യന്‍ ക്രിക്കറ്റിന്‍റെ പോരാട്ടവീര്യമായിരുന്നു!
ലാലേട്ടന് പുറമേ നിവിൻ പോളിയും ആസിഫ് അലിയും ആശംസകൾ അറിയിച്ചിട്ടുണ്ട്. ധോണിയുടെ ഈ വിടവാങ്ങൽ വളരെ ആഘാതത്തോടെയാണ് അദ്ദേഹത്തിന്റെ ആരാധകർ കേട്ടത്. ഹെലികോപ്റ്റർ ഷോട്ടുകൾ പറത്താൻ ഇനി ധോണിയില്ല എന്നുപറയുന്നത് തന്നെ ചിന്തിക്കാൻ പറ്റാത്ത അവസ്ഥയാണ് എന്നത് വാസ്തവമായ ഒരു കാര്യമാണ്.
ഇന്ത്യൻ ക്രിക്കറ്റിനെ വാനോളം വളർത്താനുള്ള ധോണിയുടെ പങ്ക് ഒരിക്കലും ആർക്കും മറക്കാൻ കഴിയില്ല.
