 "Jayasurya: 'പാപം ചെയ്യാത്തവര് കല്ലെറിയട്ടെ...പാപികളുടെ നേരെ മാത്രം'; പ്രതികരിച്ച് ജയസൂര്യ")
)
കൊച്ചി: ഹേമ കമ്മിറ്റി റിപ്പോർട്ട് പുറത്ത് വന്നതിന് പിന്നാലെ ഉയർന്ന ലൈംഗികാരോപണങ്ങളിൽ പ്രതികരിച്ച് നടൻ ജയസൂര്യ. വ്യാജ പീഡനാരോപണമാണ് തനിയ്ക്ക് നേരെ ഉയർന്നതെന്ന് ജയസൂര്യ പറഞ്ഞു. പീഡനം പോലെ തന്നെ വേദാനജനകമാണ് വ്യാജ പീഡനാരോപണവുമെന്നും അദ്ദേഹം പറഞ്ഞു. ജന്മദിനത്തിൽ ഫേസ്ബുക്ക് പോസ്റ്റിലൂടെയായിരുന്നു ജയസൂര്യയുടെ പ്രതികരണം.
രണ്ട് വ്യാജ പീഡനാരോപണങ്ങൾ ഉയർന്നത് തന്നെയും തന്നെ സ്നേഹിക്കുന്നവരേയും ദുഃഖത്തിലാഴ്ത്തി. വ്യക്തിപരമായ ചില അത്യാവശ്യങ്ങള് കാരണം കഴിഞ്ഞ ഒരു മാസത്തോളമായി തന് കുടുംബസമേതം അമേരിക്കയിലാണെന്നും ഇവിടത്തെ ജോലികള് കഴിഞ്ഞ ഉടന് താൻ തിരിച്ചെത്തുമെന്നും ജയസൂര്യ വ്യക്തമാക്കി. നിരപരാധിത്വം തെളിയാന് ഉള്ള നിയമപോരാട്ടം തുടരുമെന്നും നീതിന്യായ വ്യവസ്ഥിതിയില് പൂര്ണ്ണ വിശ്വസമുണ്ടെന്നും അദ്ദേഹം കൂട്ടിച്ചേർത്തു.
2008, 2013 വർഷങ്ങളിൽ സിനിമാ സെറ്റിൽ വെച്ച് രണ്ട് നടിമാരോട് മോശമായി പെരുമാറിയെന്ന രണ്ട് കേസുകളാണ് ജയസൂര്യക്കെതിരെയുള്ളത്. സെക്ഷന് 354,354 എ, 509 എന്നീ വകുപ്പുകൾ പ്രകാരമാണ് ജയസൂര്യക്കെതിരെ കേസ് എടുത്തിരിക്കുന്നത്.
ഫേസ്ബുക്ക് പോസ്റ്റിന്റെ പൂര്ണരൂപം
ഇന്ന് എന്റെ ജന്മദിനം.
ആശംസകള് നേര്ന്ന് സ്നേഹപൂര്വ്വം കൂടെ നിന്ന എല്ലാവര്ക്കും നന്ദി.
വ്യക്തിപരമായ ചില അത്യാവശ്യങ്ങള് കാരണം കഴിഞ്ഞ ഒരു മാസത്തോളമായി ഞാന് കുടുംബസമേതം അമേരിക്കയിലാണ്. ഇതിനിടയിലാണ് തീര്ത്തും അപ്രതീക്ഷിതമായി എനിക്കു നേരെ രണ്ട് വ്യാജ പീഡനാരോപണങ്ങള് ഉണ്ടാകുന്നത്. സ്വാഭാവികമായും മറ്റേതൊരു വ്യക്തിയേയും പോലെ അത് എന്നെയും തകര്ത്തു. എന്റെ കുടുംബാംഗങ്ങളെ അഗാധമായ ദുഃഖത്തിലാഴ്ത്തി. എന്നെ ചേര്ത്ത് നിറുത്തിയ ഓരോരുത്തര്ക്കം അത് വല്ലാത്തൊരു മുറിവായി. വേദനയായി. മരവിപ്പുകള്ക്ക് ഒടുവില് ഞാന് നിയമ വിദഗ്ധരുമായി കൂടിയാലോചനകള് നടത്തി. ഇനിയുള്ള കാര്യങ്ങള് അവര് തീരുമാനിച്ചുകൊള്ളും.
ആര്ക്കും ഇത്തരം വ്യാജ ആരോപണങ്ങള് ആര്ക്കു നേരെയും, എപ്പോള് വേണമെങ്കിലും ഉന്നയിക്കാം. മനസാക്ഷി ഇത്തിരി പോലും ബാക്കിയുണ്ടാവരുത് എന്നേയുള്ളൂ. പീഡനം പോലെ തന്നെ വേദനാജനകമാണ് വ്യാജ പീഡനാരോപണം നേരിടേണ്ടിവരുന്നതും എന്ന് ഓര്ക്കുന്നത് നന്ന്. സത്യം ചെരുപ്പ് ധരിക്കുമ്പോഴേയ്ക്കും, നുണ ലോക സഞ്ചാരം പൂര്ത്തിയാക്കിയിരിക്കും എന്നാണല്ലോ. എങ്കിലും അന്തിമ വിജയം സത്യത്തിനിയായിരിക്കും എന്നത് സുനിശ്ചിതമാണ്.
ഇവിടത്തെ ജോലികള് കഴിഞ്ഞ ഉടന് ഞാന് തിരിച്ചെത്തും. നിരപരാധിത്വം തെളിയാന് ഉള്ള നിയമപോരാട്ടം തുടരും. നമ്മുടെ നീതിന്യായ വ്യവസ്ഥിതിയില് ഞാന് പൂര്ണ്ണമായും വിശ്വസിക്കുന്നു. ഈ ജന്മദിനം ഏറ്റവും ദു:ഖപൂര്ണ്ണമാക്കിയതിന്, അതില് പങ്കാളിയായവര്ക്ക് നന്ദി.
'പാപം ചെയ്യാത്തവര് കല്ലെറിയട്ടെ...പാപികളുടെ നേരെ മാത്രം.'
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
