ധ്യാൻ ശ്രീനിവാസൻ, അജു വർഗ്ഗീസ്, അർജുൻ അശോകൻ എന്നിവർ കേന്ദ്ര കഥാപാത്രമായി എത്തിയ ചിത്രം ഖാലി പേഴ്സ് ഓഫ് ബില്യണേഴ്സിന്റെ പുതിയ ഗാനം പുറത്തുവിട്ടു . "വാടിവീണ" എന്നാരംഭിക്കുന്ന വീഡിയോ ഗാനമാണ് ഇപ്പോൾ പുറത്തുവിട്ടിരിക്കുന്നത്. പ്രകാശ് അലക്സ് സംഗീത സംവിധാനം നിർവഹിച്ചിരിക്കുന്ന ഗാനത്തിന്റെ വരികൾ ഒരുക്കിയിരിക്കുന്നത് അനിൽ ലാൽ ആണ്. ഗാനം ആലപിച്ചിരിക്കുന്നത് വിനീത് ശ്രീനിവാസൻ ആണ്. ഗാനം ഇതിനോടകം തന്നെ സാമൂഹിക മാധ്യമങ്ങളിൽ ശ്രദ്ധ നേടിക്കഴിഞ്ഞു.മാർച്ച് 10 ന് തീയേറ്ററുകളിൽ എത്തിയ ചിത്രമാണ് ഖാലി പേഴ്സ് ഓഫ് ബില്യണേഴ്സ്. തീയേറ്ററുകളിൽ നിന്ന് ചിത്രത്തിന് സമ്മിശ്ര അഭിപ്രായമാണ് ലഭിച്ചത്.
അന്‍പതിലധികം ടെലിവിഷന്‍ പ്രോഗ്രാമുകളും നിരവധി പരസ്യങ്ങളൂം സംവിധാനം ചെയ്യുകയും ലിജോ ജോസ് പല്ലിശ്ശേരിയുടെ അസോസിയേറ്റായി പ്രവര്‍ത്തിക്കുകയും ചെയ്ത മാക്സ്‌വെല്‍ ജോസ് ആദ്യമായി സ്വതന്ത്ര സംവിധായകനായ ചിത്രമാണ് ഖാലി പേഴ്സ് ഓഫ് ബില്യണേഴ്സ്. മാക്സ്വെൽ തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നത്.
ധ്യാന്‍ ശ്രീനിവാസന്‍, അജു വര്‍ഗീസ്, തന്‍വി റാം എന്നിവര്‍ മുഖ്യകഥാപാത്രങ്ങളായെത്തുന്ന ചിത്രത്തില്‍ അര്‍ജുന്‍ അശോകന്‍, ജഗദീഷ്, രമേഷ് പിഷാരടി, മേജര്‍ രവി, രഞ്ജിനി ഹരിദാസ്, ധര്‍മജന്‍, സരയു, ലെന, ഇടവേള ബാബു തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
ചെറുപ്പം മുതല്‍ ദാസനും വിജയനുമെന്ന വിളിപ്പേര് നേടിയ സുഹൃത്തുക്കളായ ബിബിന്‍ ദാസും, ബിബിന്‍ വിജയനും സ്വന്തമായി ബിസിനസ് തുടങ്ങുകയെന്ന സ്വപ്നവുമായി നടക്കുന്ന ഐടി പ്രൊഫഷണലുകളായ യുവാക്കളാണ്. വിജയനെ ധ്യാന്‍ ശ്രീനിവാസനും ദാസനെ അജു വര്‍ഗ്ഗീസും അവതരിപ്പിക്കുന്നു. വിജയന്‍റെ ജീവിതത്തിലേക്ക് കടന്നുവരുന്ന നിധിയെന്ന കഥാപാത്രത്തെ തന്‍വി റാം അവതരിപ്പിക്കുന്നു. ദാസന്‍റെയും വിജയന്‍റെയും സ്വപ്നത്തിലേക്കുള്ള യാത്രയും നേരിടേണ്ടിവരുന്ന തടസ്സങ്ങളുമാണ് ഖാലി പഴ്സ് ഓഫ് ബില്ല്യ്ണയേര്‍സ് പറയുന്നത്.
മെല്ലെ, ഈഡന്‍ ഗാര്‍ഡന്‍, കോലുമിട്ടായി, ചെമ്പരത്തി, ലവ് 24 എന്നീ ചിത്രങ്ങളിലൂടെ ശ്രദ്ധേയനായ സന്തോഷ് അനിമയാണ് ഖാലി പഴ്സ് ഓഫ് ബില്ല്യ്ണയേര്‍സ് ക്യാമറയില്‍ പകര്‍ത്തുന്നത്. സുഡാനി ഫ്രം നൈജീരിയ, ഗ്രേറ്റ് ഫാദര്‍, കെട്ട്യോളാണ് എന്‍റെ മാലാഖ, കപ്പേള എന്നീ ചിത്രങ്ങളിലൂടെ പ്രേക്ഷകശ്രദ്ധ നേടിയ നൗഫല്‍ അബ്ദുള്ളയാണ് ചിത്രം എഡിറ്റ് ചെയ്തിരിക്കുന്നത്.
പ്രകാശ് അലക്സാണ്ടറാണ് ഈ ചിത്രത്തിന്‍റെ സംഗീതമൊരുക്കുന്നത്. അനിലാലാണ് ഗാനങ്ഗള്‍ക്ക് വരികളെഴുതിയിരിക്കുന്നത്. പി.എസ്.വിദ്യാധരന്‍ മാസ്റ്രര്‍, സുജാത, വിനീത് ശ്രീനിവാസന്‍, തമിഴില്‍ ശ്രദ്ധേയനായ അന്തോണി ദാസന്‍, റാപ്പറായ ജോസെലിന്‍ സെബാസ്റ്റ്യന്‍ എന്നിവരാണ് ഗാനങ്ങള്‍ ആലപിക്കുന്നത്. ആര്‍ട്ട് ഡയറക്ടര്‍ അസീസ് കരുവാരക്കുണ്ട്, മേക്കപ്പ് മീര മാക്സ്. റോയല്‍ ബഞ്ച എന്‍റര്‍ടയിന്‍മെന്‍റ് ബാനറില്‍ അനു ജൂബി ജെയിംസ്, അഹമദ് റൂബിന്‍ സലിം, നഹാസ് ഹസ്സന്‍ എന്നിവരാണ് ഖാലി പഴ്സ് ഓഫ് ബില്ല്യ്ണയേര്‍സ് നിര്‍മ്മിച്ചിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
![Kummatikali Movie: അരങ്ങേറ്റം കുറിക്കാൻ മാധവ്; "കുമ്മാട്ടിക്കളി" ട്രെയിലർ പുറത്ത്](https://malayalam.cdn.zeenews.com/malayalam/sites/default/files/styles/zm_175x100/public/2024/09/22/286366-kummatikalitrailer.png?itok=cLtBBOG- "Kummatikali Movie: അരങ്ങേറ്റം കുറിക്കാൻ മാധവ്; "കുമ്മാട്ടിക്കളി" ട്രെയിലർ പുറത്ത്")
![OK Dear Movie: സൈജു കുറുപ്പ്, വിൻസി അലോഷ്യസ് എന്നിവർ പ്രധാന കഥാപാത്രങ്ങളായെത്തുന്ന "ഒകെ ഡിയർ"; ടൈറ്റിൽ പോസ്റ്റർ റിലീസ് ചെയ്തു](https://malayalam.cdn.zeenews.com/malayalam/sites/default/files/styles/zm_175x100/public/2024/09/22/286365-okdear.jpg?itok=Ta7MwTOv "OK Dear Movie: സൈജു കുറുപ്പ്, വിൻസി അലോഷ്യസ് എന്നിവർ പ്രധാന കഥാപാത്രങ്ങളായെത്തുന്ന "ഒകെ ഡിയർ"; ടൈറ്റിൽ പോസ്റ്റർ റിലീസ് ചെയ്തു")
