സുരാജ് വെഞ്ഞാറമ്മൂട്, സിദ്ദിഖ്, തുടങ്ങിയവർ കേന്ദ്ര കഥാപാത്രങ്ങളാകുന്ന ചിത്രം ലൗ ജിഹാദിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ഒരിടവേളയ്ക്ക് ശേഷം മീര നന്ദൻ വീണ്ടും അഭിനയ രംഗത്തേക്ക് എത്തുന്ന ചിത്രത്തിൽ ലെന, ഗായത്രി അരുൺ തുടങ്ങിയവരും പ്രധാന വേഷങ്ങിലെത്തുന്നുണ്ട്.
കുടുംബ ബന്ധങ്ങളുടെ കഥ പറയുന്ന ഈ ചിത്രം ബാഷ് മുഹമ്മദാണ് സംവിധാനം ചെയ്തിരിക്കുന്നത്. ലുക്കാ ചുപ്പിക്ക് ശേഷം ബാഷ് മുഹമ്മദ് സംവിധാനം ചെയ്യുന്ന ചിത്രമാണിത്. ചിത്രം പൂർണ്ണമായും ദുബായിലാണ് ചിത്രീകരിച്ചത്. ദുബായിൽ താമസിക്കുന്ന ഹിന്ദു - മുസ്ലിം കുടുംബങ്ങൾക്കിടയിൽ നടക്കുന്ന ഒരു പ്രണയവും തുടർന്നുണ്ടാകുന്ന കാര്യങ്ങളും രസകരമായ രീതിയിൽ അവതരിപ്പിക്കുന്നതാണ് 'ലൗ ജിഹാദ്'. ചിത്രം 2022 മാർച്ചിൽ തിയേറ്ററുകളിലെത്തും.
Also Read: Naradhan Movie | ദുരൂഹത ഉണർത്തി നാരദൻ; സെക്കന്റ് ലുക്ക് പോസ്റ്റർ പുറത്തിറക്കി
നവാഗതരായ അമൃത, ജോസ് കുട്ടി സുധീർ പറവൂർ എന്നിവരും ചിത്രത്തിൽ അഭിനയിക്കുന്നുണ്ട്. അലിഗ്രാറ്റോ സിനിമയുടെ ബാനറിൽ ഒരുങ്ങുന്ന ചിത്രം നിർമ്മിക്കുന്നത് ഷീജ ബാഷ് ആണ്. എക്സിക്യൂട്ടീവ് പ്രൊഡ്യൂസർ- സന്തോഷ് കൃഷ്ണൻ, തിരക്കഥ- ബാഷ് മുഹമ്മദ്, ശ്രീകുമാർ അറക്കൽ. ഛായാഗ്രഹണം- പ്രകാശ് വേലായുധൻ, എഡിറ്റിങ്- മനോജ്, സംഗീതം- ഷാൻ റഹ്മാൻ, ഗാനരചന- ഹരിനാരായണൻ, സൗണ്ട് ഡിസൈൻ- ശ്രീജേഷ് നായർ, ഗണേശ് മാരാർ.
Also Read: Alphonse Puthren| രജനീകാന്തിനൊപ്പം സിനിമ ചെയ്യില്ലെന്ന് പറഞ്ഞോ? അൽഫോൺസ് പുത്രൻ പറയുന്നത്
അസോസിയേറ്റ് ഡയറക്ടർ- പാർത്ഥൻ, പ്രൊഡക്ഷൻ ഡിസൈനർ- അജി കുറ്റിയാനി, ലൈൻ പ്രൊഡ്യൂസർ- ഹാരിസ് ദേശം, പ്രൊഡക്ഷൻ കൺട്രോളർ- റിന്നി ദിവാകർ, കോസ്റ്റ്യൂം- ഇർഷാദ് ചെറുകുന്ന്, മേക്കപ്പ്- സജി കാട്ടാക്കട, സ്റ്റിൽസ്- പ്രേംലാൽ, വി എഫ് എക്സ്- കോക്കനട്ട് ബഞ്ച്, പി.ആർ.ഒ.- മഞ്ജു ഗോപിനാഥ്, വാഴൂർ ജോസ്. ഡിസൈൻസ്- അബ്ദുൾ നാസർ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
