കൊക്കേഴ്സ് പ്രൊഡക്ഷൻസിന്റെ ബാനറിൽ കോകേഴ്സ് മീഡിയ എൻ്റർടെയ്ൻമെൻറ് നിർമ്മിച്ച്. വിഷ്ണു ഉണ്ണികൃഷ്ണൻ നായകനാകുന്ന ഏറ്റവും പുതിയ ചിത്രം 'കുറി' റിലീസിന് ഒരുങ്ങുന്നു.
ഷൈൻ ടോം ചാക്കോ നായകനായ തമിക്കു ശേഷം കെ.ആർ.പ്രവീൺ കഥയും, തിരക്കഥയും, സംവിധാനവും നിർവ്വഹിക്കുന്ന കുറി ഷൂട്ടിങ് പൂർത്തിയാക്കി പോസ്റ്റ്‌ പ്രൊഡക്ഷൻ ജോലികൾ പുരോഗമിച്ചു കൊണ്ടിരിക്കുകയാണ്.
പുതുവത്സര ആശംസയായി പുറത്തിറങ്ങിയ 'കുറി'യുടെ ഏറ്റവും പുതിയ മോഷൻ വീഡിയോ ഇതിനോടകം ജനശ്രദ്ധയാകർഷിച്ചിട്ടുണ്ട്.
ഫീൽ ഗുഡ് ഫാമിലി ത്രില്ലർ ഗണത്തിൽ ഒരുങ്ങുന്ന കുറിയുടെ ടൈറ്റിൽ പോസ്റ്റർ ഒക്ടോബർ 15നു മലയാളത്തിന്റെ ബിഗ് 'M'സായ ശ്രീ. മമ്മൂട്ടി, മോഹൻലാൽ എന്നിവരുടെ ഒഫീഷ്യൽ ഫേസ്ബുക് പേജിലൂടെ റിലീസ് ചെയ്തിരുന്നു.ഫസ്റ്റ് ലുക്ക് പോസ്റ്റർ, ട്രൈലെർ റിലീസുകൾ എന്നിവ ഉടനെ ഉണ്ടാകും എന്ന സൂചന നൽകുന്ന കുറി 2022 സമ്മർ റിലീസിനായി തയ്യാറെടുക്കുന്ന ചിത്രമാണ്.
വണ്ടിപ്പെരിയാർ പരിസരങ്ങളിലായി ചിത്രീകരണം പൂർത്തിയാക്കിയ കുറിയിൽ വിഷ്ണു ഉണ്ണികൃഷ്ണനൊപ്പം സുരഭി ലക്ഷ്മി, അഥിതി രവി,
വിഷ്ണു ഗോവിന്ദൻ, വിനോദ് തോമസ്‌, സാഗർ സൂര്യ, പ്രമോദ് വെളിയനാട്, ചാലി പാലാ തുടങ്ങിയവരും പ്രധാന വേഷത്തിലെത്തുന്നു.
സന്തോഷ്‌ സി പിള്ള ഛായഗ്രഹണം നിർവ്വഹിക്കുന്ന കുറിയുടെ എഡിറ്റിങ് റഷിൻ അഹമ്മദാണ്, ബി.കെ.ഹരിനാരായണൻ വരികളെഴുതുന്ന ചിത്രത്തിന്റെ സംഗീതം വിനു തോമസാണ്.പ്രൊജക്റ്റ്‌ ഡിസൈനർ - നോബിൾ ജേക്കബ്, ആർട്ട്‌ ഡയറക്ടർ - രാജീവ്‌ കോവിലകം.ഹരിമോഹൻ ജി-യാണ് സംഭാഷണങ്ങൾ എഴുതിയിരിക്കുന്നത്.
കോസ്റ്റ്ട്യൂം ഡിസൈനർ - സുജിത് മട്ടന്നൂർ. മേക്കപ്പ് - ജിതേഷ് പൊയ്യ, സൗണ്ട് ഡിസൈൻ - വൈശാഖ് ശോഭൻ & അരുൺ പ്രസാദ്,കാസ്റ്റിംഗ് ഡയറക്ടർ - ശരൺ എസ്.എസ്.ചീഫ് അസോസിയേറ്റ് ഡയറക്ടർ - പ്രകാശ് കെ മധു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
!["നിങ്ങൾ എന്താണോ നൽകുന്നത് അത് തിരിച്ച് കിട്ടും"; സിദ്ദിഖിനെതിരായ നടപടിയിൽ അതിജീവിത](https://malayalam.cdn.zeenews.com/malayalam/sites/default/files/styles/zm_175x100/public/2024/09/24/286656-sidhiquesurvivor.png?itok=fIQvTbdJ ""നിങ്ങൾ എന്താണോ നൽകുന്നത് അത് തിരിച്ച് കിട്ടും"; സിദ്ദിഖിനെതിരായ നടപടിയിൽ അതിജീവിത")