തെലുങ്ക് സൂപ്പർ ഹിറ്റ് ചിത്രം അർജുൻ റെഡ്ഡിയും അതിന്റെ ഹിന്ദി പതിപ്പ് കബീർ സിങ്ങിന് ശേഷം സന്ദീപ് റെഡ്ഡി വങ്കാ ഒരുക്കുന്ന പുതിയ ചിത്രം അനിമലിന്റെ പ്രീ-ടീസർ പുറത്ത് വിട്ടു. ആഗ്രി ഹീറോ പതിപ്പിൽ ഒരുങ്ങുന്ന മറ്റൊരു സന്ദീപ് റെഡ്ഡി ചിത്രം എന്ന തോന്നിപ്പിക്കും വിധമാണ് പ്രീ-ടീസർ അണിയറ പ്രവർത്തകർ അവതരിപ്പിച്ചിരിക്കുന്നത്. മുഖമൂടി ധാരകളായി വില്ലന്മാരെ യാതൊരു അനുകമ്പയുമില്ലാതെ കോടാലി ഉപയോഗിച്ച കൊല്ലുന്നതാണ് പ്രൊമോഷണൽ വീഡിയോയിൽ ഉൾപ്പെടുത്തിയിരിക്കുന്നത്. ചെറിയ ഒരു സംഘട്ടന രംഗമാണ് പ്രീ-ടീസറിൽ അവതരിപ്പിച്ചിരിക്കുന്നത്.
ഭദ്രകാളി പിക്ചേഴ്‌സ് പ്രൊഡക്ഷൻസിന്റെ ബാനറിൽ ഗുൽഷൻ കുമാർ, ടി സീരീസ്, സിനി 1 എന്നിവർ ചേർന്നാണ് ചിത്രം നിർമിക്കുന്നത്. ചിത്രം ഓഗസ്റ്റ് 11ന് തീയേറ്ററുകളിലെത്തും. ഹിന്ദി, തെലുഗ്, തമിഴ്, കന്നഡ, മലയാളം ഭാഷകളിൽ ചിത്രം റിലീസിനെത്തും. അനിൽ കപൂർ, ബോബി ഡിയോൾ, രശ്മിക മന്ദാന തുടങ്ങിയവരാണ് ചിത്രത്തിൽ മറ്റ് പ്രധാന വേഷങ്ങളിൽ എത്തുന്നവർ.
ALSO READ : Thalaivar 170 : 32 വർഷങ്ങൾക്ക് ശേഷം തലൈവരും ബിഗ് ബിയും ഒന്നിക്കുന്നു; രജിനി ചിത്രത്തിൽ അമിതാബ് ബച്ചനും
പഞ്ചാബി ഗാനത്തിന്റെ പശ്ചാത്തലത്തിലാണ് പ്രീ-ടീസർ അവതരിപ്പിച്ചിരിക്കുന്നത്. ടീസറിൽ സംഗീതം നൽകിയിരിക്കുന്നത് മനൻ ഭരദ്വാജാണ്. ലിറിക്സ് - ഭൂപീന്ദർ ബബ്ബൽ, ഗായകർ - മനൻ ഭരദ്വാജ്, ഭൂപീന്ദർ ബബ്ബൽ. പി ആർ ഒ - ശബരി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
