അജിത് ചിത്രം തുണിവ് ഉടൻ ഒടിടിയിലെത്തും. ഫെബ്രുവരി 8 മുതൽ ചിത്രത്തിന്റെ ഒടിടി സ്ട്രീമിങ് തുടങ്ങുമെന്ന് നേരത്തെ അറിയിച്ചിരുന്നു. അതായത് ഇന്ന് അർധരാത്രി മുതൽ തുണിവ് നെറ്റ്ഫ്ലിക്സിൽ സ്ട്രീമിങ് തുടങ്ങും. പൊങ്കൽ റിലീസായി ജനുവരി 11ന് തിയേറ്ററുകളിലെത്തിയ ചിത്രമാണ് തുണിവ്. ചിത്രത്തിന് തീയേറ്ററുകളിൽ നിന്ന് സമ്മിശ്ര പ്രതികരണമാണ് നേടാനായത്. എച്ച് വിനോദാണ് ചിത്രം സംവിധാനം ചെയ്തത്. ആക്ഷന്‍ ത്രില്ലര്‍ ഗണത്തില്‍ പെടുന്ന ചിത്രത്തില്‍ മഞ്ജു വാര്യരായിരുന്നു നായിക. ധൈര്യമില്ലാത്തവർക്ക് മഹത്വമുണ്ടാകില്ല (No Guts No Glory) എന്നാണ് ചിത്രത്തിന്റെ ടാഗ് ലൈൻ.
അജിത്-എച്ച് വിനോദ് കൂട്ടുകെട്ടിൽ കോളിവുഡിൽ എത്തിയ മൂന്നാമത്തെ ചിത്രമാണ് തുണിവ്. നേരത്തെ ഇരുവരും ചേർന്ന് വലിമൈ, ബോളിവുഡ് ചിത്രം പിങ്കിന്റെ റീമേക്കായ നേർക്കൊണ്ട പാർവൈ എന്നീ ഹിറ്റുകൾ സമ്മാനിച്ചിരുന്നു. സീ സ്റ്റുഡിയോസും ബോണി കപൂറിന്റെ ബെയ് വ്യൂ പ്രോജക്ടും ചേർന്നാണ് ചിത്രം നിർമ്മിച്ചത്. നീരവ് ഷായാണ് ചിത്രത്തിന്റെ ഛായാഗ്രാഹകൻ. സൂപ്രീം സുന്ദറാണ് തുണിവിന്റെ ആക്ഷൻ കോറിയോഗ്രഫർ.
It is time for the explosions to begin because Ajith Kumar is finally here!
Thunivu is coming to Netflix on Feb 8th in Tamil, Telugu, Malayalam, Kannada and Hindi and we cannot stay CHILLA CHILLA! #ThunivuOnNetflix #NoGutsNoGlory pic.twitter.com/og49yHrRAF
— Netflix India South (@Netflix_INSouth) February 3, 2023
Also Read: Dhruva Natchathiram: കാത്തിരിപ്പ് അവസാനിക്കുന്നു; 'ധ്രുവനച്ചത്തിരം' ഉടനെത്തും
ഒട്ടും നിരാശപ്പെടുത്താതെ തല അജിത്തിൻ്റെ മാസ്സ് പ്രകടനം തന്നെയാണ് ആരാധകർക്ക് കിട്ടിയത്. ഡാൻസിലും ഫൈറ്റിലും തലയെ പകരം വയ്ക്കാൻ മറ്റാരും ഇല്ലെന്ന് തെളിയിച്ചിരിക്കുകയാണ് അജിത്ത് എന്നാണ് ചിത്രം കണ്ട ആരാധകർ പറഞ്ഞത്. ഇൻട്രോ മുതൽ തല അജിത്ത് പൂണ്ട് വിളയാടിയിരിക്കുകയാണ് ചിത്രത്തിലെന്നും ഫാൻസ് പറ‍ഞ്ഞിരുന്നു. ബോക്സ് ഓഫീസിൽ തുണിവ് 250 കോടി കടന്നുവെന്നാണ് റിപ്പോർട്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
