റിയാദ്: Schools Reopen in Saudi: കൊവിഡ്-19 നെതിരായ മുൻകരുതലുകൾക്കിടയിൽ ഏകദേശം രണ്ട് വർഷത്തെ ഇടവേളയ്ക്ക് ശേഷം സൗദി അറേബ്യയിലെമ്പാടുമുള്ള പ്രാഥമിക വിദ്യാലയങ്ങളിലെയും കിന്റർഗാർഡൻ അടക്കമുള്ള സ്‌കൂളുകളിലും നേരിട്ട് ക്ലാസുകൾ ആരംഭിച്ചു. ഇന്നലെ മുതൽ ആരംഭിച്ച ക്ലാസ്സുകളിൽ 3.5 ദശലക്ഷത്തിലധികം വിദ്യാർത്ഥികൾ സ്‌കൂളുകളിലേക്ക് മടങ്ങി.
ഓൺലൈൻ ക്ലാസുകൾ അവസാനിപ്പിച്ച് ഇന്നലെ മുതലാണ് സർക്കാർ, സ്വകാര്യ, ഇന്റർനാഷണൽ സ്‌കൂളുകളിൽ നേരിട്ട് ക്ലാസുകൾ ആരംഭിച്ചത്. സ്കൂൾ കുട്ടികൾക്കും കിന്റർഗാർട്ടനർമാർക്കും നിർബന്ധിത വാക്സിനേഷൻ ഇല്ലാതെ ക്ലാസുകളിലേക്ക് മടങ്ങാൻ അനുവാദമുണ്ട്. എങ്കിലും സാമൂഹിക അകലം ഉറപ്പാക്കുന്നതിനും COVID-19 ന്റെ വ്യാപനം പരിമിതപ്പെടുത്തുന്നതിനും വിദ്യാർത്ഥികളുടെ പ്രവേശനവും പുറത്തുകടക്കലും നിയന്ത്രിക്കുന്നതിനായി സ്കൂളുകളുടെ നിലകളിൽ നിയുക്ത ലൈനുകൾ അടയാളപ്പെടുത്തിയിട്ടുണ്ട്. വിദ്യാർത്ഥികൾക്കും അധ്യാപകർക്കും അഡ്മിനിസ്ട്രേറ്റീവ് ജീവനക്കാർക്കും മാസ്ക് നിർബന്ധമാണ്.
Also Read: Job Loss : സൗദി അറേബ്യയില്‍ പത്തര ലക്ഷം പ്രവാസികള്‍ക്ക് ജോലി നഷ്ടപ്പെട്ടു
മുൻകരുതലുകളുടെ ഭാഗമായി ക്ലാസുകളിലേക്ക് നേരിട്ട് പോകുന്ന വിദ്യാർത്ഥികൾക്ക് സാധാരണ പ്രഭാത ലൈനുകൾ റദ്ദാക്കിയിരിക്കുന്നു. കൂടാത, അകലം ഉറപ്പുനൽകാത്ത പാഠ്യേതര പ്രവർത്തനങ്ങൾ ഒഴിവാക്കിയിരിക്കുന്നു. സ്കൂളുകളിലെ ക്ലാസുകളും യൂട്ടിലിറ്റികളും ദിവസവും അണുവിമുക്തമാക്കണം.
എങ്കിലും ഇന്ത്യൻ എംബസിക്ക് കീഴിലുള്ള ഇന്ത്യൻ സ്കൂളുകളുടെ പ്രവർത്തനം വരും ദിവസങ്ങളിലേക്ക് മാറ്റിവച്ചിട്ടുണ്ട്. ഇടവേളയ്ക്ക് ശേഷം സ്‌കൂളുകൾ തുറന്നപ്പോൾ പൂക്കളും മധുരങ്ങളും നൽകിയാണ് അധ്യാപകർ വിദ്യാർത്ഥികളെ വരവേറ്റത്. കെജി മുതൽ ആറുവരെയുള്ള ക്ലാസുകളിലെ കുട്ടികൾക്കാണ് ഓഫ് ലൈൻ ക്ലാസുകൾ ആരംഭിച്ചത്.
Also Read: Viral Video: പോത്തിനെ വേട്ടയാടാൻ എത്തിയ സിംഹത്തിന് കിട്ടി മുട്ടൻ പണി!
ഏഴുമുതലുള്ള ക്ലാസ്സുകൾക്ക് നേരത്തെ സ്കൂൾ തുറന്നിരുന്നു. ദമാം ഇന്ത്യൻ സ്കൂൾ നാളെ മുതലാണ് തുറക്കുക. ജിദ്ദ ഇന്ത്യൻ സ്കൂൾ ഫെബ്രുവരി 6 മുതൽ പ്രവർത്തനം ആരംഭിക്കും എന്നാണ് റിപ്പോർട്ട്. ആരോഗ്യപരമായ കാരണങ്ങളാൽ സ്കൂളിൽ പോകാൻ കഴിയാത്ത വിദ്യാർത്ഥികൾക്കായി വിവിധ സർക്കാർ പ്ലാറ്റ്ഫോം വഴിയുള്ള ഓൺലൈൻ പഠനം തുടരും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
