ദ്വിദിന സന്ദര്‍ശനത്തിന്റെ ഭാഗമായി പ്രധാനമന്ത്രി നരേന്ദ്ര മോദി കഴിഞ്ഞ ദിവസമാണ് കൊച്ചിയില്‍ എത്തിയത്. രാത്രി 8 മണിയോടെ കൊച്ചിയില്‍ അദ്ദേഹം റോഡ് ഷോ നടത്തിയിരുന്നു.
PM Modi Kochi roadshow photos: ഇപ്പോള്‍ ഇതാ റോഡ് ഷോയുടെ ചിത്രങ്ങള്‍ സമൂഹ മാധ്യമമായ എക്‌സില്‍ പങ്കുവെച്ചിരിക്കുകയാണ് പ്രധാനമന്ത്രി നരേന്ദ്ര മോദി. മലയാളത്തില്‍ അടിക്കുറിപ്പ് ഉള്‍പ്പെടുത്തിയാണ് പ്രധാനമന്ത്രി ചിത്രങ്ങള്‍ പങ്കുവെച്ചിരിക്കുന്നത്.
'കൊച്ചിയുടെ സ്‌നേഹത്തില്‍ വിനയാന്വിതനായി. ചില കാഴ്ചകള്‍ പങ്കുവെയ്ക്കുന്നു' എന്നാണ് മോദി കുറിച്ചത്.
കെപിസിസി ജംഗ്ഷന്‍ മുതല്‍ ഗസ്റ്റ് ഹൗസ് വരെയാണ് മോദി റോഡ് ഷോ നടത്തിയത്.
ഒന്നേകാല്‍ കിലോ മീറ്റര്‍ ദൂരം നീണ്ട റോഡ് ഷോയില്‍ പതിനായിരക്കണക്കിന് ആളുകളാണ് പങ്കെടുത്തത്.
തുറന്ന വാഹനത്തിലായിരുന്നു മോദിയുടെ റോഡ് ഷോ.
ബിജെപി സംസ്ഥാന അദ്ധ്യക്ഷന്‍ കെ.സുരേന്ദ്രനും പ്രധാനമന്ത്രിക്ക് ഒപ്പമുണ്ടായിരുന്നു.
നടനും മുന്‍ എംപിയുമായ സുരേഷ് ഗോപിയുടെ മകളുടെ വിവാഹത്തില്‍ പങ്കെടുക്കാനായാണ് പ്രധാനമന്ത്രി കേരളത്തില്‍ എത്തിയത്.
ഈ മാസം ഇത് രണ്ടാം തവണയാണ് പ്രധാനമന്ത്രി കേരളത്തില്‍ എത്തുന്നത്.
