Galwan Valley Video : ​ഗാൽവാൻ സംഘർഷത്തിന്റെ വീഡിയോ ദൃശ്യങ്ങൾ പുറത്ത് വിട്ടു, ചൈനീസ് സൈനീകർക്ക് പരിക്കേറ്റെന്ന് വിശദീകരണം

ന്യൂഡൽഹി: ലഡാക്കിലെ(Ladak) ​ഗാൽവാൻ താഴ്വരയിലുണ്ടായ ഇന്തോ-ചൈന സംഘർഷത്തിന്റെ വീഡിയോ ചൈന പുറത്ത് വിട്ടു. ചൈനീസ് സ്റ്റേറ്റ് മാധ്യമമാണ് ട്വിറ്ററിൽ വീഡിയോ പോസ്റ്റ് ചെയ്തത്.കഴിഞ്ഞ വർഷം ജൂൺ മാസത്തിൽ കിഴക്കൻ ലഡിക്കിലായിരുന്നു സംഭവം. ഇരുരാജ്യങ്ങളിലെയും സൈനികർ നദി മുറിച്ചുകടക്കുന്നതും, മുന്നോട്ട് പോകുന്നവരിൽ ചിലരെ സൈനികർ തന്നെ തടയുന്നതും ദൃശ്യങ്ങളിൽ നിന്ന് വ്യക്തമാണ്. അതേസമയം ഇന്ത്യ അതിർത്തി ലംഘിച്ചുവെന്ന ക്യാപ്ഷനോടെയാണ് ചൈനയുടെ വീഡിയോ.

വീഡിയോ

#PLA released the video of #GalwanValley Clashes. The Chinese have accepted they lost men pic.twitter.com/PdRm7BgEDX

— Utkarsh Singh (@utkarshs88) February 19, 2021

ഗാൽവാൻ സംഘർഷത്തിൽ ഇന്ത്യൻ സൈന്യത്തിന്റെ(Indian Army) ബീഹാർ റെജിമന്റിലെ കേണൽ സന്തോഷ് ബാബുവടക്കം 20 ഇന്ത്യൻ സൈനികരാണ് വീരമൃത്യു വരിച്ചത്.അഞ്ച് ചൈനീസ് പട്ടാളം മാത്രമേ കൊല്ലപ്പെട്ടുവെന്നായിരുന്നു ചൈനയുടെ അവകാശവാദമെങ്കിലും, മുപ്പതോളം പേർ കൊല്ലപ്പെട്ടതായി ഇന്ത്യ വ്യക്തമാക്കി. നാല് ചൈനീസ് ഒാഫീസർമാരും ഇതിൽ കൊല്ലപ്പെട്ടുവെന്നാണ് ചൈന വ്യക്തമാക്കുന്നത്.

അതേസമയം ഇന്നും ഇന്തോ-ചൈന(Indo-China) കമാണ്ടർ തല ചർച്ച നടക്കും. ചൈനയുടെ ഭാ​ഗത്തുള്ള എൽ.എ.സി(LAC) ലൈൻ ഒാഫ് ആക്ച്യുൽ കൺട്രോളിലായിരിക്കും ചർച്ച നടക്കുക. അതിർത്തിയിൽ നിന്ന് രണ്ട് രാജ്യങ്ങളുടെയും സേനാ പിന്മാറ്റം ഏതാണ്ട് പൂർത്തിയായിട്ടുണ്ട്. ഇന്ത്യയുടെയും ചൈനയുടെയും സേനാ പിന്മാറ്റത്തിന്റെ വീഡിയോ ദൃശ്യങ്ങൾ ഇരു രാജ്യങ്ങളും ഇരു രാജ്യങ്ങളും പുറത്ത് വിട്ടിരുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy