സീയൂള്‍: ഉത്തരകൊറിയയുടെ പുതിയ മിസൈല്‍ പരീക്ഷണം പരാജയപ്പെട്ടതായി റിപ്പോര്‍ട്ട്. ദക്ഷിണകൊറിയന്‍ പ്രതിരോധവകുപ്പാണ് ഇക്കാര്യം വെളിപ്പെടുത്തിയത്. യു.എസ് ഔദ്യോഗിക വൃത്തങ്ങളും ഇക്കാര്യം റിപ്പോര്‍ട്ടു ചെയ്തിട്ടുണ്ട്.
ഉത്തരകൊറിയയിലെ വോൻസാൻ പ്രവിശ്യയിലെ എയർബേസിൽ നിന്ന് ഉത്തരകൊറിയ മിസൈൽ പരീക്ഷണം നടത്തുകയും അത് പരാജയപ്പെടുകയും ചെയ്തെന്നാണ് ദക്ഷിണകൊറിയയുടെ പ്രസ്താവനയിൽ പറയുന്നുത്. എത് തരത്തിലുള്ള മിസൈലാണ് ഉത്തരകൊറിയ പരീക്ഷിച്ചതെന്ന് കണ്ടെത്താനുള്ള ശ്രമത്തിലാണ് തങ്ങളെന്നും ദക്ഷിണകൊറിയയുടെ പ്രസ്താവനയിൽ ചൂണ്ടിക്കാട്ടുന്നു.
ദക്ഷിണകൊറിയയും യുഎസും ഉത്തരകൊറിയയുടെ മിസൈല്‍ പരീക്ഷണങ്ങളെ ജാഗ്രതയോടെയാണ് നോക്കികാണുന്നതെന്നു ദക്ഷിണകൊറിയന്‍ പ്രതിരോധമന്ത്രാലയം അറിയിച്ചു. എന്നാല്‍ എതുതരത്തിലുള്ള മിസൈലുകളാണ് ഉത്തരകൊറിയ പരീക്ഷിച്ചതെന്ന് അറിയാന്‍ സാധിച്ചിട്ടില്ലെന്നും ദക്ഷിണകൊറിയന്‍ പ്രതിനിധി വ്യക്തമാക്കി.
