വാഷിംഗ്ടണ്‍: അമേരിക്കന്‍ പ്രസിഡന്റ് (US President) ജോ ബൈഡന്‍ (Joe Biden) ബൂസ്റ്റർ ഡോസ് സ്വീകരിച്ചു. കോവിഡ് പ്രതിരോധ വാക്‌സിനായ ഫൈസര്‍ വാക്സിന്‍റെ മൂന്നാം ഡോസാണ് ബൂസ്റ്റര്‍ ഡോസായി ബൈഡൻ സ്വീകരിച്ചത്. തിങ്കളാഴ്ചയാണ് പ്രസിഡന്റ് ബൂസ്റ്റർ ഡോസ് (Booster Dose) എടുത്തത്. വാക്സിൻ (Vaccine) സ്വീകരിക്കുന്നതിലൂടെ നിങ്ങളുടെ ജീവന്‍ രക്ഷിക്കാനും നിങ്ങളുടെ ചുറ്റുമുള്ളവരുടെ ജീവന്‍ രക്ഷിക്കാനും കഴിയുമെന്ന് ബൈഡൻ ചൂണ്ടിക്കാട്ടി.
കഴിഞ്ഞ ആഴ്ചയാണ് അമേരിക്കയില്‍ മുതിര്‍ന്ന പൗരന്മാര്‍ക്ക് ബൂസ്റ്റര്‍ ഡോസ് നല്‍കാന്‍ അനുമതി നല്‍കിയത്. രണ്ടാമത്തെ ഡോസ് എടുത്ത് ആറുമാസത്തിന് ശേഷമാണ് ബൂസ്റ്റർ ഡോസ് വാക്സിൻ എടുക്കുന്നത്.
പല രാജ്യങ്ങളിലും Covid Vaccine രണ്ട് ഡോസും സ്വീകരിച്ച് 6 മാസം കഴിഞ്ഞവര്‍ക്ക് Booster Dose നല്‍കിത്തുടങ്ങിയിട്ടുണ്ട്. UAEയില്‍ സിനോഫാം 2 ഡോസ് വാക്സിന് എടുത്ത് 6 മാസം പൂർത്തിയായവർക്ക് ബൂസ്റ്റർ ഡോസ് നല്‍കി വരികയാണ്‌.
Also Read: UAE: Sinopharm വാക്സിന് എടുത്തവര്‍ക്ക് ആറു മാസത്തിന് ശേഷം ബൂസ്റ്റര്‍ ഡോസ് നിര്‍ബന്ധം
എന്നാൽ ഇന്ത്യയിൽ കോവിഡ് വാക്സിൻ ബൂസ്റ്റർ ഡോസ് തല്ക്കാലം നൽകില്ലെന്നാണ് കേന്ദ്ര സർക്കാർ അറിയിച്ചിരിക്കുന്നത്. ബൂസ്റ്റർ ഡോസ് ഇപ്പോൾ ആവശ്യമില്ലെന്ന് നീതി ആയോഗ് ആണ് തീരുമാനിച്ചത്. വിദഗ്ദ്ധർ ബൂസ്റ്റർ ഡോസ് ആവശ്യമാണെന്ന് അഭിപ്രായപ്പെട്ടിട്ടില്ലെന്നും വിദഗ്ധ സമിതിയുടെ അദ്യക്ഷനായ വികെ പോൾ അറിയിച്ചിട്ടുണ്ട്.
Also Read: Covid Booster Dose: ഇന്ത്യയില്‍ കോവിഡ് ബൂസ്റ്റര്‍ ഡോസ് ആവശ്യമായി വരുമോ? പഠനങ്ങള്‍ പറയുന്നത് എന്താണ്?
Booster Dose നല്‍കുന്നത് സംബന്ധിച്ച് പഠനങ്ങള്‍ നടക്കുന്ന അവസരത്തില്‍ ലോകാരോഗ്യ സംഘടന (World Health Organisation - WHO) പറയുന്നത് ഇപ്രകാരമാണ്. Covid Vaccine ബൂസ്റ്റർ ഡോസ് ആവശ്യമുണ്ടോ ഇല്ലയോ? വേണമെങ്കില്‍ എത്ര മാസങ്ങള്‍ക്ക് ശേഷം? എന്നത് സംബന്ധിച്ചുള്ള പഠനങ്ങള്‍ നടക്കുകയാണ്. ഈ പഠനം പൂര്‍ത്തിയാകാന്‍ ഏകദേശം ഒരു വര്‍ഷമെങ്കിലും വേണ്ടി വരും. അതിനാല്‍, ബൂസ്റ്റർ ഡോസ് എത്ര പ്രധാനമാണെന്ന് പഠനങ്ങള്‍ക്ക് ശേഷം മാത്രമേ വ്യക്തമാകൂ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
